ಫಸ್ಟ್ ಡೇ ಕರ್ನಾಟಕದಲ್ಲಿ 5 ಕೋಟಿ ಗಳಿಸಿದ್ದ ವಾರಿಸು 2ನೇ, 3ನೇ ದಿನ ಕೋಟಿನೂ ದಾಟಲಿಲ್ಲ! ತುನಿವು ಕಥೆ ಏನು?

ಎರಡು, ಮೂರನೇ ದಿನ ಕುಸಿದ ಕಲೆಕ್ಷನ್!

ಇನ್ನು ಕರ್ನಾಟಕದಲ್ಲಿ ಬಿಡುಗಡೆಯ ದಿನದಂದು ವಿಜಯ್ ನಟನೆಯ ವಾರಿಸು ಚಿತ್ರ 5.65 ಕೋಟಿ ರೂಪಾಯಿ ಗ್ರಾಸ್ ಕಲೆಕ್ಷನ್ ಅನ್ನು ಮಾಡಿತ್ತು. ಅತ್ತ ಅಜಿತ್ ನಟನೆಯ ತುನಿವು ಚಿತ್ರ ಮೊದಲ ದಿನ 4.77 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿತ್ತು. ಈ ಮೂಲಕ ಮೊದಲ ದಿನ ಕರ್ನಾಟಕದಲ್ಲಿ ತುನಿವು ಚಿತ್ರಕ್ಕಿಂತ ವಾರಿಸು ಚಿತ್ರ ಹೆಚ್ಚು ಕಲೆಕ್ಷನ್ ಮಾಡಿ ಅಬ್ಬರಿಸಿತ್ತು. ಹೀಗೆ ಮೊದಲ ದಿನದಲ್ಲಿ ಕೋಟಿ ಕೋಟಿ ಬಾಚಿದ್ದ ಎರಡೂ ಚಿತ್ರಗಳೂ ಮೂರು ಹಾಗೂ ನಾಲ್ಕನೇ ದಿನ ಕೋಟಿಯನ್ನೂ ದಾಟಲಾಗದೇ ಪರದಾಡಿವೆ.

ಎರಡು ಹಾಗೂ ಮೂರನೇ ದಿನದ ಕಲೆಕ್ಷನ್ ಎಷ್ಟು?

ಇನ್ನು ವಿಜಯ್ ನಟನೆಯ ವಾರಿಸು ಚಿತ್ರ ಕರ್ನಾಟಕ ಬಾಕ್ಸ್ ಆಫೀಸ್‌ನಲ್ಲಿ ಎರಡನೇ ದಿನ 91 ಲಕ್ಷ ರೂಪಾಯಿ ಗ್ರಾಸ್ ಗಳಿಸಿದೆ ಹಾಗೂ ಮೂರನೇ ದಿನ 88 ಲಕ್ಷ ರೂಪಾಯಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ಅತ್ತ ಅಜಿತ್ ನಟನೆಯ ತುನಿವು ಚಿತ್ರ ಎರಡನೇ ದಿನ 1.19 ಕೋಟಿ ರೂಪಾಯಿ ಗ್ರಾಸ್ ಕಲೆಕ್ಷನ್ ಮಾಡಿದೆ ಹಾಗೂ ಮೂರನೇ ದಿನ 81 ಲಕ್ಷ ರೂಪಾಯಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ಹೀಗೆ ಮೊದಲ ದಿನ ದೊಡ್ಡ ಕಲೆಕ್ಷನ್ ಮಾಡಿದ್ದ ಚಿತ್ರಗಳು ಎರಡು ಹಾಗೂ ಮೂರನೇ ದಿನ ಮಂಕಾಗಿವೆ.

ಮೂರು ದಿನಗಳ ಒಟ್ಟಾರೆ ಕಲೆಕ್ಷನ್‌ನಲ್ಲಿ ಹೆಚ್ಚು ಗಳಿಸಿದ ಚಿತ್ರ ಯಾವುದು?

ಮೂರು ದಿನಗಳ ಪ್ರದರ್ಶನದ ಬಳಿಕ ಕರ್ನಾಟಕ ಬಾಕ್ಸ್ ಆಫೀಸ್‌ನಲ್ಲಿ ವಿಜಯ್ ನಟನೆಯ ವಾರಿಸು ಚಿತ್ರ ಒಟ್ಟು 7.4 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿದ್ದರೆ, ಅಜಿತ್ ಕುಮಾರ್ ನಟನೆಯ ತುನಿವು ಚಿತ್ರ 6.75 ಕೋಟಿ ರೂಪಾಯಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ಈ ಮೂಲಕ ಮೂರು ದಿನಗಳ ಪ್ರದರ್ಶನದ ಬಳಿಕ ಕರ್ನಾಟಕ ಬಾಕ್ಸ್ ಆಫೀಸ್ ಕದನದಲ್ಲಿ ತುನಿವು ಎದುರು ವಾರಿಸು ಮುನ್ನಡೆ ಕಾಯ್ದುಕೊಂಡಿದೆ.

ತೆಲುಗು ಚಿತ್ರಗಳ ಹೊಡೆತ

ಇನ್ನು ವಾರಿಸು ಹಾಗೂ ತುನಿವು ಚಿತ್ರಗಳ ಎರಡನೇ ದಿನದ ಕಲೆಕ್ಷನ್ ಕರ್ನಾಟಕದಲ್ಲಿ ತಗ್ಗಲು ಕಾರಣ ಅದೇ ದಿನ ತೆಲುಗಿನ ಬಾಲಕೃಷ್ಣ ನಟನೆಯ ವೀರಸಿಂಹ ರೆಡ್ಡಿ ಚಿತ್ರ ಬಿಡುಗಡೆಯಾಗಿದ್ದು ಹಾಗೂ ಮೂರನೇ ದಿನ ಕಲೆಕ್ಷನ್ ತಗ್ಗಲು ಕಾರಣ ಮೆಗಾಸ್ಟಾರ್ ಚಿರಂಜೀವಿ ನಟನೆಯ ವಾಲ್ತೇರು ವೀರಯ್ಯ ಚಿತ್ರ ಬಿಡುಗಡೆಯಾದದ್ದು ಎನ್ನಬಹುದು. ಏಕೆಂದರೆ ಹೊಸದಾಗಿ ಬಿಡುಗಡೆಯಾದ ಈ ಚಿತ್ರಗಳಿಗೆ ಹೆಚ್ಚು ಪ್ರದರ್ಶನಗಳು ಆಯೊಜನೆಯಾಗಿದ್ದವು ಹಾಗೂ ಸಿನಿ ರಸಿಕರೂ ಸಹ ಈ ಚಿತ್ರಗಳನ್ನು ನೋಡುವಲ್ಲಿ ಹೆಚ್ಚು ಆಸಕ್ತರಾಗಿದ್ದರು. ಆದರೆ ಇಂದು ( ಜನವರಿ 14 ) ಹಾಗೂ ನಾಳೆ ವಾರಾಂತ್ಯದ ರಜೆಗಳು ಇರುವ ಕಾರಣ ಕುಸಿದಿದ್ದ ಕಲೆಕ್ಷನ್‌ನಲ್ಲಿ ತುಸು ಏಳಿಗೆ ಕಾಣುವ ಸಾಧ್ಯತೆಗಳಿವೆ.