ನಟಿ ನಯನತಾರಾ ಸಹಾಯಕರಿಗೆ 1 ದಿನದ ವೇತನ ಇಷ್ಟೊಂದಾ?

6 ರಿಂದ 7 ಜನ ಸಹಾಯಕರು

ನಯನತಾರ ದೊಡ್ಡ ನಟಿ. ಹೊಸಬರ ಸಿನಿಮಾದಲ್ಲಿ ನಯನತಾರ ನಟಿಸಿದ್ರೆ, ಹೀರೋಗಳಿಗಿಂತ ಹೆಚ್ಚಿನ ಸುರಕ್ಷತೆ, ಭದ್ರತೆ, ಸಂಭಾವನೆ ಕೊಡಲಾಗುತ್ತಿದೆ. ಈ ಕುರಿತು ನಿರ್ಮಾಪಕ ಕೆ ರಾಜನ್ ಆಸಕ್ತಿಕರ ಮಾಹಿತಿ ಹೊರಹಾಕಿದ್ದಾರೆ. ನಯನತಾರ ಅವರಿಗೆ ಸುಮಾರು 6 ರಿಂದ 7 ಜನ ಸಹಾಯಕರು ಸೆಟ್ ನಲ್ಲಿ ಇರುತ್ತಾರಂತೆ.

ದಿನಕ್ಕೆ ಸಹಾಯಕರಿಗೆ ಸಿಗುವ ಸಂಬಳ ಎಷ್ಟು?

ನಯನತಾರ ನಟಿಸುವ ಸಿನಿಮಾ ಸೆಟ್ ನಲ್ಲಿ ಆರು ಅಥವಾ ಏಳು ಜನ ಸಹಾಯಕರು ಇರ್ತಾರೆ. ಒಬ್ಬರಿಗೆ ದಿನವೊಂದಕ್ಕೆ 7 ಸಾವಿರದಿಂದ 12 ಸಾವಿರ ರೂಪಾಯಿ ಸಂಬಳ ನೀಡಲಾಗುತ್ತಿದೆಯಂತೆ. ವೇತನ ಸೇರಿ ಒಂದು ದಿನಕ್ಕೆ ಸಹಾಯಕರಿಗೆ ಒಟ್ಟು 75 ರಿಂದ 80 ಸಾವಿರ ರೂಪಾಯಿ ಖರ್ಚಾಗುತ್ತಂತೆ.

ನಯನತಾರಾ ಎಷ್ಟು ದಿನ ಶೂಟಿಂಗ್ ಮಾಡ್ತಾರೆ

ಒಂದು ವೇಳೆ ನಯನತಾರಾ ಪೂರ್ಣ ಪ್ರಮಾಣದ ನಾಯಕಿಯಾಗಿದ್ದರೆ, 30 ರಿಂದ 50 ದಿನಗಳ ವರೆಗೂ ಶೂಟಿಂಗ್ ಮಾಡ್ತಾರಂತೆ. 50 ದಿನ ಚಿತ್ರೀಕರಣ ಅಂದ್ರೆ ಅಷ್ಟು ದಿನವೂ ಅವರ ಸಹಾಯಕರಿಗೆ ಸಂಬಳ ನೀಡಬೇಕು. ಒಂದು ದಿನಕ್ಕೆ 70-80 ಸಾವಿರ ಅಂದ್ರೆ 50 ದಿನಕ್ಕೆ ಎಷ್ಟಾಗಬಹುದು ಎಂದು ಊಹಿಸಿ.

ಕ್ಯಾರವ್ಯಾನ್ ಗೆ ಎಷ್ಟು ವೆಚ್ಚ

ಕೆ ರಾಜನ್ ಅವರು ಹೇಳಿರುವ ಪ್ರಕಾರ ಕೇವಲ ಕ್ಯಾರಾವನ್ ಗಾಗಿ ಒಂದು ಚಿತ್ರಕ್ಕೆ ಒಂದು ಕೋಟಿ ಹಣ ಬೇಕಂತೆ. ಒಂದು ಸಿನಿಮಾಗೆ ಏಂಟು ಅಥವಾ ಒಂಭತ್ತು ಕ್ಯಾರಾವ್ಯಾನ್ ಬೇಕು. ಅಲ್ಲಿಗೆ ಒಂದು ದಿನಕ್ಕೆ 9 ಕ್ಯಾರಾನ್ಯಾನ್ ಗೆ ಒಂದು ಲಕ್ಷ ಹಣ. ಸಿನಿಮಾ ಮುಗಿಯುಷ್ಟರಲ್ಲಿ ಒಂದು ಕೋಟಿ ಆಗಿರುತ್ತೆ ಎಂದು ನಿರ್ಮಾಪಕರ ಅಳಲು ತೋಡಿಕೊಂಡಿದ್ದಾರೆ.

ನಯನತಾರಾ ಸಂಭಾವನೆ ಎಷ್ಟು?

ನಯನತಾರಾ ಅವರ ಸಹಾಯಕರಿಗೆ ಮಾತ್ರವೇ ಲಕ್ಷಾಂತರ ರೂಪಾಯಿ ಖರ್ಚು ಮಾಡಬೇಕಾದ ಸ್ಥಿತಿಯಲ್ಲಿ ನಿರ್ಮಾಪಕರಿದ್ದಾರೆ. ಇದನ್ನು ನಯನತಾರಾಗೆ ಪ್ರತ್ಯೇಕ ಸಂಭಾವನೆ ಇರುತ್ತೆ. ಹೆಚ್ಚು ಕಡಿಮೆ ಅಂದ್ರೆ ಸಿನಿಮಾವೊಂದಕ್ಕೆ ನಯನತಾರಾ 2-4 ಕೋಟಿ ಚಾರ್ಜ್ ಮಾಡ್ತಾರೆ ಎನ್ನಲಾಗಿದೆ.