ಅಬ್ಬಾ..! RRR ಸಿನಿಮಾ ಸೆಟ್ ಗೆ ಇಷ್ಟು ಕೋಟಿ ಖರ್ಚು ಮಾಡುತ್ತಿದ್ದಾರಾ?

ಆರ್ ಆರ್ ಆರ್ ಸಿನಿಮಾ ಸೆಟ್ ಗೆ 18 ಕೋಟಿ?

ಆರ್ ಆರ್ ಆರ್ ಸಿನಿಮಾ ಸೆಟ್ ಗಾಗಿ ರಾಜಮೌಳಿ ಮತ್ತು ತಂಡ ಬರೋಬ್ಬರಿ 18 ಕೋಟಿ ಖರ್ಚು ಮಾಡುತ್ತಿದೆ. ದೊಡ್ಡ ಮಟ್ಟದಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದ್ದು, ಸೆಟ್ ಗಳು ಸಹ ಅಷ್ಟೆ ಅದ್ದೂರಿಯಾಗಿರಲಿದೆ. ಲಾಕ್ ಡೌನ್ ಚಿತ್ರೀಕರಣ ಸ್ಥಗಿತವಾಗಿದ್ದರು ಸಹ ಸಿನಿಮಾತಂಡ ಚಿತ್ರದ ಉಳಿದೆಲ್ಲ ಕೆಲಸಗಳನ್ನು ಮಾಡುತ್ತಿದೆ.

ಹಳ್ಳಿ ಬ್ಯಾಕ್ ಡ್ರಾಪ್ ನಲ್ಲಿ ಚಿತ್ರೀಕರಣ

18 ಕೋಟಿಯಲ್ಲಿ ಒಂದು ಸುಂದರವಾದ ಹಳ್ಳಿಯನ್ನು ನಿರ್ಮಾಣ ಮಾಡಿದ್ದಾರೆ. ಹೌದು, ಚಿತ್ರಕ್ಕಾಗಿ ಹಳ್ಳಿಯ ಸೆಟ್ ತಯಾರಾಗುತ್ತಿದೆ. ಹೈದರಾಬಾದ್ ನ ಗಾಂಧಿಪೇಟ್ ನಲ್ಲಿ ಹಳ್ಳಿಯ ಸೆಟ್ ನಿರ್ಮಾಣವಾಗಿದೆ. ಚಿತ್ರೀಕರಣಕ್ಕೆ ಎಲ್ಲಾ ತಯಾರಿ ಮಾಡಿಕೊಂಡಿರುವ ಚಿತ್ರತಂಡ ಲಾಕ್ ಡೌನ್ ಮುಗಿದು ಅನುಮತಿ ಸಿಗುತ್ತಿದ್ದಂತೆ ಶೂಟಿಂಗ್ ಪ್ರಾರಂಭಿಸಲಿದೆ.

ಮೂರನೆ ಬಾರಿ ರಿಲೀಸ್ ಡೇಟ್ ಮುಂದಕ್ಕೆ

'ಆರ್.ಆರ್.ಆರ್' ಚಿತ್ರದ ಬಿಡುಗಡೆ ಮತ್ತೆ ಪೋಸ್ಟ್ ಪೋನ್ ಆಗಿದೆ ಎಂದು ಹೇಳಲಾಗುತ್ತಿದೆ. ಕೊರೊನಾ ಹಾವಳಿಯ ಪರಿಣಾಮ ಚಿತ್ರೀಕರಕಣ ತಡವಾಗಿದ್ದು, ರಿಲೀಸ್ ಸಹ ಮುಂದಕ್ಕೆ ಹೋಗಲಿದೆ ಎಂದು ಹೇಳಲಾಗುತ್ತಿದೆ. ಈ ವರ್ಷದ ಜುಲೈ 30 ರಿಂದ ಮುಂದಿನ ವರ್ಷ ಜನವರಿಗೆ ಶಿಫ್ಟ್ ಆಗಿದ್ದ 'ಆರ್ ಆರ್ ಆರ್' ರಿಲೀಸ್ ಈಗ ಮತ್ತೆ ಮೂರನೆ ಬಾರಿ ಮುಂದಕ್ಕೆ ಹೋಗುತ್ತಿದೆ.

ಜನವರಿ 8ಕ್ಕೆ ರಿಲೀಸ್ ಆಗಬೇಕಿತ್ತು

ಇತ್ತೀಚಿಗೆ ಜುಲೈಯಿಂದ ರಿಲೀಸ್ ಡೇಟ್ ಪೋಸ್ಟ್ ಪೋನ್ ಮಾಡಿದ್ದ ಸಿನಿಮಾತಂಡ ಹೊಸ ಬಿಡುಗಡೆ ದಿನಾಂಕ ಅನೌನ್ಸ್ ಮಾಡಿತ್ತು. ಮುಂದಿನ ವರ್ಷ 2021 ಜನವರಿ 8ಕ್ಕೆ ಸಿನಿಮಾ ರಿಲೀಸ್ ಮಾಡುವುದಾಗಿ ಅಧಿಕೃತ ಘೋಷಣೆ ಮಾಡಿದ್ದರು.