ತೆಲುಗು-ತಮಿಳಿನಲ್ಲಿ ರೀಮೇಕ್ ಆಗಲಿದೆ ಕನ್ನಡದ ಹಿಟ್ ಚಿತ್ರ 'ಆ ಕರಾಳ ರಾತ್ರಿ'

ಅಲ್ಲು ಅರವಿಂದ್ ನಿರ್ಮಾಣ

ಟಾಲಿವುಡ್ ಇಂಡಸ್ಟ್ರಿಯ ಖ್ಯಾತ ಹಾಗೂ ಯಶಸ್ವಿ ನಿರ್ಮಾಪಕ ಅಲ್ಲು ಅರವಿಂದ್ ತೆಲುಗಿನಲ್ಲಿ ಈ ಚಿತ್ರ ನಿರ್ಮಾಣ ಮಾಡುತ್ತಿದ್ದಾರೆ. ದಯಾಳ್ ಪದ್ಮನಾಭನ್ ಅವರೇ ಖುದ್ದು ತೆಲುಗಿನಲ್ಲಿ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಪಾತ್ರಗಳು ಬದಲಾಗಲಿದೆ

ದಯಾಳ್ ನಿರ್ದೇಶನದ ಜೊತೆಗೆ ನವೀನ್ ಕೃಷ್ಣ ತೆಲುಗು ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಅನುಪಮಾ ಗೌಡ ಅವರ ತಾಯಿ ಪಾತ್ರ ನಿಭಾಯಿಸಿದ್ದ ವೀಣಾ ಸುಂದರ್ ಸಹ ತೆಲುಗಿನಲ್ಲಿ ಮುಂದುವರಿಯಲಿದ್ದಾರೆ. ಮಣಿಕಾಂತ್ ಕದ್ರಿ ಸಂಗೀತ ತೆಲುಗೂ ಚಿತ್ರದಲ್ಲೂ ಇರಲಿದೆ. ಉಳಿದಂತೆ ಪಾತ್ರಗಳು ಬದಲಾಗಲಿದೆ.

ಸ್ಟಾರ್ ನಟಿಗೆ ಆಫರ್!

ಅನುಪಮಾ ಗೌಡ ನಟಿಸಿದ್ದ ಪಾತ್ರಕ್ಕಾಗಿ ತೆಲುಗಿನ ಸ್ಟಾರ್ ನಟಿಯರಿಗೆ ಆಫರ್ ಮಾಡಲಾಗಿದೆಯಂತೆ. ಶ್ರುತಿ ಹಾಸನ್, ತ್ರಿಷಾ ಕೃಷ್ಣನ್ ಅಥವಾ ಅಮಲಾ ಪೌಲ್ ಅವರನ್ನು ಕರೆತರುವ ಚಿಂತನೆ ಇದೆಯಂತೆ. ಆದರೆ, ಜೆಕೆ ಪಾತ್ರದ ಬಗ್ಗೆ ಮಾಹಿತಿ ಇಲ್ಲ.

ಸೆಪ್ಟೆಂಬರ್‌ನಲ್ಲಿ ಶೂಟಿಂಗ್ ಶುರು

ತೆಲುಗು ವರ್ಷನ್ ಸಿನಿಮಾದ ಚಿತ್ರೀಕರಣ ಸೆಪ್ಟೆಂಬರ್ ತಿಂಗಳಲ್ಲಿ ಆರಂಭವಾಗಲಿದೆ. ತಮಿಳಿನಲ್ಲೂ ದಯಾಳ್ ಪದ್ಮನಾಭನ್ ಅವರೇ ನಿರ್ದೇಶನ ಮಾಡಲಿದ್ದು, ರಮೇಶ್ ಪಿಳ್ಳೈ ಸಿನಿಮಾ ನಿರ್ಮಿಸಲಿದ್ದಾರೆ. ತೆಲುಗು ಬಳಿಕ ತಮಿಳಿನಲ್ಲಿ ಸಿನಿಮಾ ಆರಂಭವಾಗಲಿದೆ ಎಂದು ಹೇಳಲಾಗಿದೆ.