ದಕ್ಷಿಣ ಭಾರತದ ಮತ್ತೊಬ್ಬ ಖ್ಯಾತ ನಟಿಯ ಜೀವನ ಶೀಘ್ರ ತೆರೆಗೆ

ಹಿಂದಿ ಸಿನಿಮಾ ಮೂಲಕ ನಟನೆ ಆರಂಭ

2001 ರಲ್ಲಿ ಹಿಂದಿ ಸಿನಿಮಾ ಮೂಲಕ ನಟನೆ ಆರಂಭಿಸಿದ ಆರತಿ ಅಗರ್ವಾಲ್ ಮಿಂಚಿದ್ದು, ಮೆರೆದಿದ್ದೆಲ್ಲಾ ತೆಲುಗು ಸಿನಿಮಾ ರಂಗದಲ್ಲಿಯೇ. 16 ವರ್ಷದ ನಟನಾ ಜೀವನದಲ್ಲಿ ಒಮ್ಮೆ ಮಾತ್ರ ಅವರು ತಮಿಳು ಸಿನಿಮಾದಲ್ಲಿ ನಟಿಸಿದ್ದಾರೆ.

ಎಲ್ಲಾ ಸ್ಟಾರ್ ನಟರಿಗೂ ಆರತಿ ನಾಯಕಿ

ಆರತಿ ಅಗರ್ವಾಲ್ ನಟನೆ ಪ್ರಾರಂಭಿಸಿದಾಗ ಉಚ್ರಾಯದಲ್ಲಿದ್ದ ಚಿರಂಜೀವಿ, ಬಾಲಕೃಷ್ಣ, ವೆಂಕಟೇಶ್, ನಾಗಾರ್ಜುನ. ಮಹೇಶ್ ಬಾಬು ಗೆ ನಾಯಕಿಯಾಗಿದ್ದವರು, ಬೆಳವಣಿಗೆ ಹಂತದಲ್ಲಿದ್ದ ಪ್ರಭಾಸ್, ಜೂ.ಎನ್‌ಟಿಆರ್, ತರುಣ್, ಉದಯ್ ಕಿರಣ್ ಅವರಿಗೂ ನಾಯಕಿಯಾಗಿದ್ದರು. ಆರತಿ ಅಗರ್ವಾಲ್ ತೆಲುಗಿನ ಅತ್ಯಂತ ಬೇಡಿಕೆಯ ನಟಿಯಾಗಿದ್ದರು.

ಪ್ರೀತಿಯಲ್ಲಿ ನಿರಾಸೆ ಅನುಭವಿಸಿದ್ದ ಆರತಿ

ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿದ್ದ, ಸಿನಿಮಾ ರಂಗದಲ್ಲಿ ಸಾಕಷ್ಟು ಬೇಡಿಕೆಯಲ್ಲಿದ್ದ ಆರತಿ ಅಗರ್ವಾಲ್ ಜೀವನ ಕೇವಲ 31 ವಯಸ್ಸಿಗೆ ಅಂತ್ಯವಾಗಿಬಿಟ್ಟಿತು. ಪ್ರೀತಿಯಲ್ಲಿ ನಿರಾಸೆ ಅನುಭವಿಸಿದ ಅವರು ಆತ್ಮಹತ್ಯೆಗೆ ಯತ್ನಿಸಿದ್ದರು. ನಂತರ ಮದುವೆಯಾಗಿ ಅಲ್ಲಿಯೂ ವಿಫಲವಾದರು.

ಆಪರೇಷನ್‌ಗೆ ಒಳಗಾಗಿದ್ದ ಆರತಿ ಅಗರ್ವಾಲ್

ಆದರೆ 2015 ರಲ್ಲಿ ತಮ್ಮ ದೇಹತೂಕ ಹೆಚ್ಚಾಗಿದೆಯಂತೆ ಅಮೆರಿಕದ ನ್ಯೂಜೆರ್ಸಿಗೆ ತೆರಳಿ ಲಿಪೋಸಕ್ಷನ್ ಎಂಬ ಆಪರೇಷನ್‌ಗೆ ಒಳಗಾದರು. ಆದರೆ ಆಪರೇಷನ್‌ನಂತರ ಅವರಿಗೆ ಉಸಿರಾಟದ ಸಮಸ್ಯೆ ಉಂಟಾಯಿತು. ಆಪರೇಷನ್ ಆದ ಒಂದೇ ವಾರದಲ್ಲಿ ಹೃದಯಾಘಾತದಿಂದ ಕೇವಲ 31 ವಯಸ್ಸಿಗೆ ಆರತಿ ಜೀವನ ಮುಗಿಸಿದರು.