ನಟಿ ಶಕೀಲಾ ಗೆ ಅನಾರೋಗ್ಯ, ಆಸ್ಪತ್ರೆಯಿಂದ ಮಾಡಿದರೊಂದು ಮನವಿ

ನಟಿ ಶಕೀಲಾ ಗೆ ಅನಾರೋಗ್ಯ

ನಟಿ ಶಕೀಲಾ ಅವರು ಅನಾರೋಗ್ಯಕ್ಕೆ ತುತ್ತಾಗಿದ್ದು, ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಅಲ್ಲಿಂದಲೇ ವಿಡಿಯೋ ಒಂದನ್ನು ಮಾಡಿರುವ ಅವರು, ತಾವು ನಿರ್ಮಾಣ ಮಾಡಿರುವ ಸಿನಿಮಾವನ್ನು ನೋಡಿ ಎಂದು ಹೇಳಿದ್ದಾರೆ. ಅಭಿಮಾನಿಗಳು ಆತಂಕಪಡುವಂತೆ ಅನಾರೋಗ್ಯ ಅವರಿಗಾಗಿಲ್ಲ.

ತುಸು ಆರೋಗ್ಯ ಸಮಸ್ಯೆ ಎದುರಾಗಿದೆ

ನಿನ್ನೆ ಅವರಿಗೆ ತುಸು ಆರೋಗ್ಯ ಸಮಸ್ಯೆ ತಲೆದೂರಿತಂತೆ ಆದ್ದರಿಂದ ಆಸ್ಪತ್ರೆಗೆ ಭೇಟಿ ನೀಡಿದ್ದಾರೆ. ಹಾಗಾಗಿ ತಮ್ಮ ನಿರ್ಮಾಣದ ಸಿನಿಮಾ 'ಲೇಡಿಸ್ ನಾಟ್ ಅಲೌಡ್' ನ ಪ್ರಚಾರ ಮಾಡಲಾಗುತ್ತಿಲ್ಲ ಎಂದು ಹೇಳಿದ್ದಾರೆ ಶಕೀಲಾ.

ಆನ್‌ಲೈನ್ ನಲ್ಲಿ ಸಿನಿಮಾ ಬಿಡುಗಡೆ

ಹಾರರ್ ಮತ್ತು ಸಾಫ್ಟ್‌ ಪಾರ್ನ್ ಮಾದರಿಯ ಸಿನಿಮಾ 'ಲೇಡೀಸ್ ನಾಟ್ ಅಲೌಡ್' ಆಗಿದ್ದು, ಅದು ಜುಲೈ 20 ರ ರಾತ್ರಿ ಆನ್‌ಲೈನ್ ಮೂಲಕ ಬಿಡುಗಡೆ ಆಗಿದೆ. 50 ರೂಪಾಯಿ ಆನ್‌ಲೈನ್‌ನಲ್ಲಿ ಪಾವತಿಸಿ ಸಿನಿಮಾ ನೋಡಬಹುದಾಗಿದೆ ಎಂದು ಶಕೀಲಾ ಹೇಳಿದ್ದಾರೆ.

ಅಂಥಹಾ ಸಿನಿಮಾಗಳಲ್ಲಿ ನಟಿಸುತ್ತಿಲ್ಲ ಶಕೀಲಾ

ಸಾಫ್ಟ್ ಪಾರ್ನ್ ಮಾದರಿಯ ಸಿನಿಮಾದಲ್ಲಿ ನಟಿಸಿ ಖ್ಯಾತರಾಗಿದ್ದ ಶಕೀಲಾ ಪ್ರಸ್ತುತ ಅಂಥಹಾ ಸಿನಿಮಾಗಳಲ್ಲಿ ನಟಿಸುತ್ತಿಲ್ಲ. ಕಾಮಿಡಿ ಪಾತ್ರಗಳಲ್ಲಿ ಕನ್ನಡವೂ ಸೇರಿ ತೆಲುಗು, ತಮಿಳು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆದರೆ ಸಾಫ್ಟ್ ಪಾರ್ನ್ ಮಾದರಿಯ ಸಿನಿಮಾಗಳ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದಾರೆ.