ರೆಜಿನಾ '2 ನಿಮಿಷ' ಮ್ಯಾಗಿ ಜೋಕ್: 'ನನಗೆ ಸ್ಟಾಮಿನಾ' ಜಾಸ್ತಿ ಎಂದ 'ಮೇಜರ್'!

'ನನಗೆ ಸ್ಟಾಮಿನಾ ಜಾಸ್ತಿ' ಎಂದ ಅಡಿವಿ ಶೇಷ್

'ಶಾಕಿನಿ ಡಾಕಿನಿ' ಸಿನಿಮಾ ಪ್ರೀರಿಲೀಸ್ ಈವೆಂಟ್‌ ನಿನ್ನೆ(ಸೆಪ್ಟೆಂಬರ್ 12) ರಾತ್ರಿ ನಡೀತು. 'ಮೇಜರ್' ಸಿನಿಮಾ ಖ್ಯಾತಿಯ ಅಡಿವಿ ಶೇಷ್ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು. ರೆಜಿನಾ ಜೊತೆ ಅಡಿವಿ ಶೇಷ್ ವೇದಿಕೆ ಏರಿದ್ದರು. "ಏನು ಇತ್ತೀಚೆಗೆ ಏನೋ ಹೇಳ್ತಿದ್ದೆ. ಹುಡುಗರು 2 ನಿಮಿಷದ ಮ್ಯಾಗಿ ಅಂತ ಏನೋ ಹೇಳಿದಂತೆ ಇತ್ತು. ನನಗೂ ಹೇಳು. ನಾನು ಬಹಳ ದಿನ ಸಿನಿಮಾ ಮಾಡ್ತೀನಿ, ನನಗೆ ಸ್ಟಾಮಿನಾ ಜಾಸ್ತಿ ಎಂದು ಕೆಲವರು ಹೇಳುತ್ತಿರುತ್ತಾರೆ" ಎಂದಿದ್ದಾರೆ.

ಅಡಿವಿ ಶೇಷ್ ಪ್ರಶ್ನೆಗೆ ರೆಜಿನಾ ಶಾಕ್

ಅಷ್ಟು ದೊಡ್ಡ ವೇದಿಕೆಯಲ್ಲಿ ಅಡಿವಿ ಶೇಷ್ ಈ ರೀತಿ ದಿಢೀರನೇ ಕೇಳುತ್ತಾರೆ ಎಂದು ನಟಿ ರೆಜಿನಾ ಎಣಿಸಿರಲಿಲ್ಲ. ಕೂಡಲೇ ಇದಕ್ಕೆ ಪ್ರತಿಕ್ರಿಯಿಸಿದ ರೆಜಿನಾ "2 ನಿಮಿಷದಲ್ಲಿ ಹೇಳ್ತೀನಿ" ಎಂದು ಜಾರಿಕೊಂಡಿದ್ದಾರೆ.

ನಿವೇತಾ ಥಾಮಸ್‌ಗೆ 'ಮೇಜರ್‌' ಪ್ರಶ್ನೆ

ಅಡಿವಿ ಶೇಷ್ ತಮಾಷೆಯಾಗಿ ಮಾತಿನಲ್ಲೇ ನಟಿ ರೆಜಿನಾ ಹಾಗೂ ನಿವೇತಾ ಕಾಲೆಳೆದಿದ್ದಾರೆ. "ನಾನಿ, ಸುಧೀರ್ ಬಾಬು, ಎನ್‌ಟಿಆರ್ ಜೊತೆ ನಟಿಸಿದ್ದೀಯಾ ನನ್ನ ಜೊತೆ ಯಾಕೆ ನಟಿಸಿಲ್ಲ" ಎಂದು ನಿವೇತಾನ ಅಡಿವಿ ಶೇಷ್ ಕೇಳಿದ್ದಾರೆ. "ನಿಮ್ಮ ಡೇಟ್ಸ್ ಸಿಕ್ಕಿಲ್ಲ" ಎಂದು ಆಕೆ ಉತ್ತರಿಸಿದ್ದಾರೆ.

'ಮಿಡ್ ನೈಟ್ ರನ್ನರ್ಸ್' ಚಿತ್ರದ ರೀಮೆಕ್

'ಮಿಡ್ ನೈಟ್ ರನ್ನರ್ಸ್' ಎನ್ನುವ ಕೊರಿಯನ್ ಚಿತ್ರದ ರೀಮೆಕ್ 'ಶಾಕಿನಿ ಡಾಕಿನಿ'. ಪೊಲೀಸ್ ಅಕಾಡೆಮಿಯಲ್ಲಿ ತರಬೇತಿಗಾಗಿ ಹೋದ ಇಬ್ಬರು ಯುವತಿಯರ ಪರಿಚಯ, ಅಕಾಡೆಮಿಯಲ್ಲಿ ಅವರ ಆರ್ಭಟ, ಮುಂದೆ ಇಬ್ಬರು ಸೇರಿ ಏನೆಲ್ಲಾ ಸಾಹಸ ಮಾಡುತ್ತಾರೆ ಅನ್ನುವುದೇ ಸಿನಿಮಾ ಕಥೆ. ಇದೇ ಶುಕ್ರವಾರ ಸಿನಿಮಾ ತೆರೆಗೆ ಬರಲಿದೆ.