'RRR' ಸಿನಿಮಾದ ಡೈಲಾಗ್ ಕಲಿಯಲು ಇಷ್ಟು ಸಮಯ ತೆಗೆದುಕೊಂಡಿದ್ರಾ ಅಲಿಯಾ ಭಟ್?

ವಿಭಿನ್ನವಾದ ಅನುಭವವಾಗಿತ್ತು

ಮೊದಲ ತೆಲುಗು ಸಿನಿಮಾದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದ ಅಲಿಯಾ ತನ್ನ ಅನುಭವವನ್ನು ಹಂಚಿಕೊಂಡಿದ್ದಾರೆ. ಖಾಸಗಿ ಪತ್ರಿಕೆಯೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಅಲಿಯಾ, ತೆಲುಗು ಸಿನಿಮಾದ ಚಿತ್ರೀಕರಣದ ಅನುಭವ ತುಂಬಾ ವಿಭಿನ್ನವಾಗಿತ್ತು ಎಂದು ಹೇಳಿದ್ದಾರೆ. 'ಈ ಚಿತ್ರದ ಚಿತ್ರೀಕರಣ ನನಗೆ ತುಂಬಾ ವಿಭಿನ್ನವಾದ ಅನುಭವವಾಗಿತ್ತು. ಏಕೆಂದರೆ ಹಿಂದಿಯ ಜೊತೆಗೆ ನಾನು ತೆಲುಗಿನಲ್ಲೂ ಚಿತ್ರೀಕರಣ ಮಾಡಬೇಕಾಗಿತ್ತು. ಇದು ನನಗೆ ಗೊತ್ತಿಲ್ಲದ ಭಾಷೆ' ಎಂದಿದ್ದಾರೆ.

18 ತಿಂಗಳಿಂದ ಡೈಲಾಗ್ ಅಭ್ಯಾಸ ಮಾಡಿದ್ದೀನಿ- ಅಲಿಯಾ

'ನಾನು ಸುಮಾರು ಒಂದೂವರೆ ವರ್ಷಗಳಿಂದ ಈ ಸಿನಿಮಾಗಾಗಿ ತಯಾರಿ ನಡೆಸಿದ್ದೀನಿ. ನಾನು ನಿದ್ರೆಯಲ್ಲೂ ಸಹ ಈ ಸಿನಿಮಾದ ಸಾಲುಗಳನ್ನೇ ಹೇಳುತ್ತಿದ್ದಾರೆ. ಜೊತೆಗೆ ಪ್ರತಿ ದಿನ ತೆಲುಗು ಮಾತನಾಡಲು ಪ್ರಯತ್ನಿಸುತ್ತಿದ್ದೆ, ಬೆಳಗ್ಗೆ ಎದ್ದಾಗ, ತಿಂಡಿ, ಊಟದ ಸಮಯದಲ್ಲೂ ನನ್ನ ಸಾಲುಗಳನ್ನು ಹೇಳುತ್ತಿದ್ದಾರೆ. ಈ ಸಿನಿಮಾದಲ್ಲಿ ನಟಿಸಲು ತುಂಬಾ ಉತ್ಸುಕಳಾಗಿದ್ದೆ. ಈ ಸಿನಿಮಾದ ಒಂದು ಭಾಗವಾಗಿರುವುದು ನಾನು ತುಂಬಾ ರೋಮಾಂಚನಗೊಂಡಿದ್ದೀನಿ' ಎಂದಿದ್ದಾರೆ.

ಈ ತಂಡದ ಜೊತೆ ಕೆಸ ಮಾಡಿದ್ದು ತುಂಬಾ ಖುಷಿ ಇದೆ

'ರಾಜಮೌಳಿ ಸರ್ ನಿರ್ದೇಶನದಲ್ಲಿ ಮತ್ತು ಅತ್ಯಂತ ಪ್ರತಿಭಾನ್ವಿತ ನಟರಾದ ಜೂ.ಎನ್ ಟಿ ಆರ್ ಮತ್ತು ರಾಮ್ ಚರಣ್ ಜೊತೆ ಕೆಲಸ ಮಾಡಿದ್ದು ಖುಷಿಯಾಗಿದೆ' ಎಂದು ಹೇಳಿದ್ದಾರೆ. ಚಿತ್ರಕ್ಕೆ ಸ್ವತಹ ಅಲಿಯಾ ಭಟ್ ಆವರೇ ಬ್ ಮಾಡಲಿದ್ದಾರಂತೆ. ಹಾಗಾಗಿ ತುಂಬಾ ಕಷ್ಟಪಟ್ಟು ತೆಲುಗು ಕಲಿತಿದ್ದಾರೆ ಎಂದು ಎನ್ನಲಾಗುತ್ತಿದೆ.

Recommended Video

ಪೊಗರು ರಿಲೀಸ್ ಗೆ ಮೊದಲೆ ಮತ್ತೊಂದು ಸುರ್ಪ್ರೈಸ್ ಕೊಟ್ಟ ಧ್ರುವ ಸರ್ಜಾ | Filmibeat Kannada

ಅಲಿಯಾ ಬಳಿ ಇರುವ ಸಿನಿಮಾಗಳು

ಅಂದಹಾಗೆ ಅಲಿಯಾ ಭಟ್ ಆರ್ ಆರ್ ಆರ್ ಸಿನಿಮಾದ ಜೊತೆಗೆ ಬಹುನಿರೀಕ್ಷೆಯ ಗಂಗೂಬಾಯಿ ಕಥಿಯಾವಾಡಿ ಸಿನಿಮಾ ಕೂಡ ಕೈಯಲ್ಲಿದೆ. ಈಗಾಗಲೇ ಬಹುತೇಕ ಚಿತ್ರೀಕರಣ ಮುಕ್ತಾಯವಾಗಿದ್ದು, ಖ್ಯಾತ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಜೊತೆಗೆ ಬ್ರಹ್ಮಾಸ್ತ್ರ ಚಿತ್ರದ ರಿಲೀಸ್ ಗೆ ಎದುರು ನೋಡುತ್ತಿದ್ದಾರೆ.