RRR ಸಿನಿಮಾಕ್ಕಾಗಿ ಪಟ್ಟ ಕಷ್ಟ ಹೇಳಿಕೊಂಡ ಆಲಿಯಾ ಭಟ್

ವರ್ಷದಿಂದಲೂ ಆರ್‌ಆರ್‌ಆರ್ ಗಾಗಿ ಆಲಿಯಾ ತಯಾರಿ

'ಕಳೆದ ಒಂದು ವರ್ಷದಿಂದಲೂ ಆರ್ಆರ್ಆರ್ ಸಿನಿಮಾಕ್ಕೆ ತಯಾರಿ ಮಾಡುತ್ತಿದ್ದೇನೆ. ಸಿನಿಮಾದ ಡೈಲಾಗ್ ಅನ್ನು ವಿಶೇಷವಾಗಿ ತೆಲುಗು ಡೈಲಾಗ್ ಅನ್ನು ಪ್ರತಿದಿನವೂ ಅಭ್ಯಾಸ ಮಾಡುತ್ತಿದ್ದೇನೆ. ಈಗಲೂ ಅದನ್ನು ಮುಂದುವರೆಸಿದ್ದೇನೆ' ಎಂದಿದ್ದಾರೆ ಆಲಿಯಾ ಭಟ್.

ನಿದ್ದೆಯಲ್ಲೂ ಡೈಲಾಗ್‌ ಗುನುಗುತ್ತಿದ್ದೆ: ಆಲಿಯಾ

ಡೈಲಾಗ್‌ಗಳನ್ನು ಎಷ್ಟು ಅಭ್ಯಾಸ ಮಾಡಿದ್ದೇನೆಂದರೆ, ನಾನು ನಿದ್ದೆ ಹೋಗುತ್ತಿರುವಾಗಲೂ ಆರ್‌ಆರ್ಆರ್ ಸಿನಿಮಾದ ಡೈಲಾಗ್ ಗುನುಗುತ್ತಿರುತ್ತೇನೆ. ಊಟ ಮಾಡುವಾಗ, ತಿಂಡಿ ತಿನ್ನುವಾಗ ಸಣ್ಣ ಬಿಡುವು ದೊರೆತರೂ ಸಿನಿಮಾ ಡೈಲಾಗ್ ಅನ್ನು ಉರುಹೊಡೆಯಲು ಆರಂಭಿಸುತ್ತಿದ್ದೆ' ಎಂದಿದ್ದಾರೆ ಆಲಿಯಾ.

ಭಾಷೆ ಕಲಿಯುವುದು ಸುಲಭವಾಗಿರಲಿಲ್ಲ: ಆಲಿಯಾ ಭಟ್

'ಆರ್‌ಆರ್ಆರ್ ಸಿನಿಮಾದ ಚಿತ್ರೀಕರಣ ನನಗೆ ಅದ್ಭುತವಾದ ಅನುಭವ. ಇದೇ ನನ್ನ ಮೊದಲ ಹಿಂದಿಯೇತರ ಸಿನಿಮಾ. ರಾಜಮೌಳಿ ಅವರೊಟ್ಟಿಗೆ ಕೆಲಸ ಮಾಡಲು ಸಾಕಷ್ಟು ಉತ್ಸುಕಳಾಗಿದ್ದೆ ಆದರೆ ತೆಲುಗು ಕಲಿಯುವುದು ಅಷ್ಟು ಸುಲಭವಾಗಿರಲಿಲ್ಲ ಹೆಚ್ಚು ಕಷ್ಟಪಡಬೇಕಾಯಿತು' ಎಂದಿದ್ದಾರೆ ಆಲಿಯಾ.

ಅಲ್ಲೂರಿ ಸೀತಾರಾಮ ರಾಜು ಮತ್ತು ಕೋಮರಂ ಭೀಮ್ ಬಗ್ಗೆ ಸಿನಿಮಾ

ರಾಜಮೌಳಿ ನಿರ್ದೇಶನದ ಈ ಸಿನಿಮಾ ತೆಲುಗಿನ ವೀರರಾದ ಅಲ್ಲೂರಿ ಸೀತಾರಾಮ ರಾಜು ಮತ್ತು ಕೊಮರಂ ಭೀಮ್ ಅವರ ಬಗ್ಗೆ ಆಗಿದೆ. ಅಲ್ಲೂರಿ ಸೀತಾರಾಮ ರಾಜು ಪಾತ್ರದಲ್ಲಿ ರಾಮ್ ಚರಣ್ ತೇಜ ನಟಿಸುತ್ತಿದ್ದರೆ, ಕೋಮರಂ ಭೀಮ್ ಪಾತ್ರದಲ್ಲಿ ಜೂ ಎನ್‌ಟಿಆರ್ ನಟಿಸುತ್ತಿದ್ದಾರೆ. ಸೀತಾ ಪಾತ್ರದಲ್ಲಿ ಆಲಿಯಾ ಭಟ್ ನಟಿಸುತ್ತಿದ್ದಾರೆ.