ಕೀರ್ತಿ ಸುರೇಶ್ ಅಲ್ಲ, ನಿತ್ಯಾ ಅಲ್ಲ..'ಮಹಾನಟಿ' ಸಿನಿಮಾಗೆ ಮೊದಲು ಆಯ್ಕೆ ಆಗಿದ್ದು ಈ ಸ್ಟಾರ್ ನಟಿ

ಅಮಲಾ ಪೌಲ್ ಮಾಡಬೇಕಿದ್ದ ಸಿನಿಮಾವಿದು

ಮಹಾನಟಿ ಸಿನಿಮಾ ಆಯೋಜಕರು ಮೊದಲು ಆಯ್ಕೆ ಮಾಡಿದ್ದು ನಟಿ ಅಮಲಾ ಪೌಲ್ ಅವರನ್ನು. ಚಿತ್ರತಂಡ ಮೊದಲು ಅಮಲಾ ಪೌಲ್ ಬಳಿ ಹೋಗಿದ್ದಾರೆ. ಆದರೆ ಅಮಲಾ ಈ ಸಿನಿಮಾ ಮಾಡಲು ನಿರಾಕರಿಸಿದ್ದಾರೆ ಎನ್ನುವ ಸತ್ಯ ಈಗ ರಿವೀಲ್ ಆಗಿದೆ. ಈ ಬಗ್ಗೆ ನಟಿ ಅಮಲಾ ವೆಬ್ ಪೋರ್ಟಲ್ ಒಂದಕ್ಕೆ ನೀಡಿದ ಸಂದರ್ಶನದಲ್ಲಿ ಬಹಿರಂಗಪಡಿಸಿದ್ದಾರೆ.

'ಹೆಬ್ಬುಲಿ' ನಾಯಕಿ ಅಮಲಾ ಪೌಲ್ ಮಾಜಿ ಪತಿಗೆ ಗಂಡು ಮಗು

ವೈಯಕ್ತಿಕ ಸಮಸ್ಯೆಯಿಂದ ಸಿನಿಮಾ ರಿಜೆಕ್ಟ್

"ನಾನು ಆಗ ಕೆಲವು ವೈಯಕ್ತಿಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದೆ. ಹಾಗಾಗಿ ಮಹಾನಟಿ ಸಿನಿಮಾ ಮಾಡಲು ಸಾಧ್ಯವಾಗಿಲ್ಲ. ಮಹಾನಟಿ ಸಿನಿಮಾತಂಡ ಮೊದಲು ನನ್ನನ್ನು ಸಂಪರ್ಕ ಮಾಡಿದ್ದು ನಿಜ" ಎಂದು ಹೇಳಿದ್ದಾರೆ. ಅಮಲಾ ವೃತ್ತಿ ಜೀವನದಲ್ಲಿ ಅತ್ಯುತ್ತಮ ಸಿನಿಮಾವನ್ನು ಕಳೆದುಕೊಂಡರು, ಉತ್ತಮ ಪಾತ್ರಗಳನ್ನು ಮಾಡುತ್ತ ಅಭಿಮಾನಿಗಳ ಮನಗೆದ್ದಿದ್ದಾರೆ.

ಮಹಾನಟಿ ಸಿನಿಮಾ ನಿರಾಕರಿಸಿದ್ದ ನಿತ್ಯಾ

ಅಮಲಾ ರಿಜೆಕ್ಟ್ ಮಾಡಿದ ನಂತರ ಆಯೋಜಕರು ನಿತ್ಯಾ ಮೆನನ್ ಬಳಿ ಹೋಗಿದ್ದಾರೆ. ಆದರೆ ನಿತ್ಯಾ ಕೂಡ ಈ ಸಿನಿಮಾವನ್ನು ನಿರಾಕರಿಸಿದ್ದಾರೆ. ಡೇಟ್ ಸಮಸ್ಯೆಯಿಂದ ಸಿನಿಮಾ ಮಾಡಲು ಸಾಧ್ಯವಾಗಿಲ್ಲ ಎಂದು ನಿತ್ಯಾ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಇನ್ನೊಂದುಕಡೆ ಸಿನಿಮಾಗಾಗಿ ತೂಕ ಇಳಿಸಿಕೊಳ್ಳಬೇಕಾಗಿತ್ತು. ಹಾಗಾಗಿ ಈ ಸಿನಿಮಾ ಮಾಡಲು ಸಾಧ್ಯವಾಗಿಲ್ಲ ಅಂತನೂ ಹೇಳಲಾಗುತ್ತಿತ್ತು.

ಮಹಾನಟಿ ಸಿನಿಮಾ ಬಗ್ಗೆ

ಮಹಾನಟಿ ಖ್ಯಾತ ನಟಿ ಸಾವಿತ್ರಿ ಅವರ ಜೀವನಾಧಾರಿತ ಸಿನಿಮಾ. ಚಿತ್ರದಲ್ಲಿ ಸಾವಿತ್ರಿ ಪಾತ್ರದಲ್ಲಿ ನಟಿ ಕೀರ್ತಿ ಸುರೇಶ್ ಕಾಣಿಸಿಕೊಂಡಿದ್ದಾರೆ. ಇನ್ನೂ ಮಲಯಾಳಂ ಖ್ಯಾತ ದುಲ್ಕರ್ ಸಲ್ಮಾನ್, ವಿಜಯ್ ದೇವರಕೊಂಡ, ಸಮಂತಾ ಅಕ್ಕಿನೇನಿ ಕೂಡ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಮಿಂಚಿದ್ದಾರೆ.