'ವಿ' ಸಿನಿಮಾದ ಟ್ರೈಲರ್ ಬಿಡುಗಡೆ ಮಾಡಿದ ಅಮೇಜಾನ್ ಪ್ರೈಮ್

ತೆಲುಗು ನಟ ನಾನಿ ಮತ್ತು ಸುಧೀರ್ ಬಾಬು ಅಭಿನಯದ ಬಹುನಿರೀಕ್ಷಿತ ಆಕ್ಷನ್ ಥ್ರಿಲ್ಲರ್ 'ವಿ' ಚಿತ್ರದ ಟ್ರೈಲರ್ ಲಾಂಚ್ ಆಗಿದ್ದು, ಪ್ರೇಕ್ಷಕರನ್ನು ಸೆಳೆಯುತ್ತಿದೆ.

Recommended Video

ಸೆಪ್ಟೆಂಬರ್ 5 ರಂದು ಅಮೇಜಾನ್ ಪ್ರೈಂ ವಿಡಿಯೋದಲ್ಲಿ ವಿ ಸಿನಿಮಾ ಬಿಡುಗಡೆಯಾಗಲಿದ್ದು, ಅದಕ್ಕೂ ಮುಂಚೆ ಚಿತ್ರದ ಟ್ರೈಲರ್‌ನ್ನು ಅಮೇಜಾನ್ ಪ್ರೈಂ ವೆಬ್‌ಸೈಟ್‌ ಅಧಿಕೃತವಾಗಿ ರಿಲೀಸ್ ಮಾಡಿದೆ.

'ವಿ' ಸಿನಿಮಾ ಕಳ್ಳ-ಪೋಲಿಸ್ ನಡುವಿನ ರೋಚಕ ಆಟ ಎನ್ನುವಂತೆ ಕಾಣುತ್ತಿದೆ. ಸೂಪರ್ ಕಾಪ್ ಮತ್ತು ಸೀರಿಯಲ್ ಕಿಲ್ಲರ್ ನಡುವಿನ ರೋಚಕ ಮುಖಾಮುಖಿಯ ಕಥಾಹಂದರ ಹೊಂದಿರುವ ಚಿತ್ರ 'ವಿ'. ಮೋಹನ ಕೃಷ್ಣ ಇಂದ್ರಗಂತಿ ನಿರ್ದೇಶನದ ಮತ್ತು ಬರೆದಿರುವ ಈ ಚಿತ್ರದಲ್ಲಿ 'ನ್ಯಾಚುರಲ್ ಸ್ಟಾರ್' ನಾನಿ ಮತ್ತು ಸುಧೀರ್ ಬಾಬು ಮುಖ್ಯ ಪಾತ್ರಗಳಲ್ಲಿದ್ದಾರೆ. ಜೊತೆಗೆ ನಿವೇತಾ ಥಾಮಸ್ ಮತ್ತು ಅದಿತಿ ರಾವ್ ಹೈದರಿ ನಾಯಕಿಯಾಗಿದ್ದಾರೆ.

'ಈ ಚಲನಚಿತ್ರವು ನನಗೆ ವಿಶೇಷವಾಗಿದೆ - ಏಕೆಂದರೆ ಇದು ನನ್ನ 25ನೇ ಚಿತ್ರವಾಗಿದೆ. ನನ್ನ ಎಲ್ಲ ಅಭಿಮಾನಿಗಳನ್ನು ಗೌರವಿಸಲು ಇಂತಹ ಆಸಕ್ತಿದಾಯಕ ಮಾರ್ಗವನ್ನು ಕಂಡುಕೊಂಡಿರುವುದು ನಿಜಕ್ಕೂ ರೋಮಾಂಚನಕಾರಿಯಾಗಿದೆ. ಟ್ರೈಲರ್ ಆಕ್ಷನ್-ಪ್ಯಾಕ್ಡ್, ಎಡ್ಜ್-ಆಫ್-ದಿ-ಸೀಟ್ ಥ್ರಿಲ್ ಅನ್ನು ಒಳಗೊಂಡಿದ್ದು, ಆಕ್ಷನ್ ಚಲನಚಿತ್ರದ ಭರವಸೆ ನೀಡುತ್ತದೆ' ಎಂದು ನಾನಿ ತಿಳಿಸಿದ್ದಾರೆ.

ಇನ್ನು ಸುದೀರ್ ಬಾಬು ಮಾತನಾಡಿ 'ಟ್ರೈಲರ್ ಲಾಂಚ್‌ನಲ್ಲಿ ಅಭಿಮಾನಿಗಳು ಭಾಗವಹಿಸುತ್ತಿರುವುದನ್ನು ನೋಡಿ ನನಗೆ ಸಂತೋಷವಾಗಿದೆ. ಅವರು ಯಾವಾಗಲೂ ನನ್ನ ಶಕ್ತಿಯಾಗಿದ್ದಾರೆ. 'ವಿ' ಒಂದು ಆಕ್ಷನ್ ಡ್ರಾಮಾ ಆಗಿದ್ದು, ಪ್ರೇಕ್ಷಕರ ನಿರೀಕ್ಷೆಗೆ ಯೋಗ್ಯವಾಗಿದೆ'' ಎಂದು ಸಂತಸ ಹಂಚಿಕೊಂಡಿದ್ದಾರೆ.

ಇನ್ನುಳಿದಂತೆ ದಿಲ್ ರಾಜು, ಶಿರೀಶ್ ಮತ್ತು ಹರ್ಷಿತ್ ರೆಡ್ಡಿ ನಿರ್ಮಿಸಿದ ವಿ ಅನ್ನು ಮೋಹನ ಕೃಷ್ಣ ಇಂದ್ರಗಂತಿ ನಿರ್ದೇಶಿಸಿದ್ದಾರೆ, ಅಮಿತ್ ತ್ರಿವೇದಿ ಸಂಗೀತ ಸಂಯೋಜಿಸಿದ್ದಾರೆ.