ನಿರ್ದೇಶಕನ ನಿಜ ರೂಪ ವಿಡಿಯೋ ಮಾಡಿ ಪ್ರಪಂಚಕ್ಕೆ ತೋರಿಸಿದ ಸಹ ನಿರ್ದೇಶಕ!

ನನ್ನನ್ನು ಕೆಲಸದಿಂದ ತೆಗೆದುಹಾಕಿದ್ದಾನೆ ಶ್ರೀನಿವಾಸ್: ಸಹ ನಿರ್ದೇಶಕ ಆಕ್ರೋಶ

ಮೂರು ವರ್ಷದಿಂದ ಮಹೇಶ್, ಅವಸರಾಲ ಶ್ರೀನಿವಾಸ್ ಬಳಿ ಸಹ ನಿರ್ದೇಶಕನಾಗಿ ಕೆಲಸ ಮಾಡುತ್ತಿದ್ದರಂತೆ. ಆದರೆ ಇಂದು ಬೆಳಿಗ್ಗೆ ವಿನಾಕಾರಣ ಅವಸರಾಲ ಶ್ರೀನಿವಾಸ್, ಮಹೇಶ್ ಅನ್ನು ತೆಗಳಿ ಕಚೇರಿಯಿಂದ ಹೊರಗೆ ಅಟ್ಟಿದ್ದಾರಂತೆ. ಇದಕ್ಕೆ ಸಿಟ್ಟಾದ ಮಹೇಶ್, ಶ್ರೀನಿವಾಸ್‌ನ ನಿಜ ರೂಪವನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ.

ನಿರ್ದೇಶಕನ ಬೊಕ್ಕ ತಲೆಯನ್ನು ತೋರಿಸಿದ ಸಹ ನಿರ್ದೇಶಕ

ಕ್ಯಾಮೆರಾ ಹಿಡಿದು ಸಿಟ್ಟಿನಲ್ಲಿ ಹೋದ ಸಹ ನಿರ್ದೇಶಕ ಮಹೇಶ್, ಫೊಟೊ ಶೂಟ್ ಮಾಡಿಸಿಕೊಳ್ಳುತ್ತಿದ್ದ ಅವಸರಾಲ ಶ್ರೀನಿವಾಸ್ ಬಳಿ ಹೋಗಿದ್ದಾರೆ. ಮಹೇಶ್ ಅನ್ನು ನೋಡಿದ ಶ್ರೀನಿವಾಸ್ ಬೈಯ್ಯಲು ಆರಂಭಿಸಿದ್ದಾರೆ. ಕೂಡಲೇ ಸಹ ನಿರ್ದೇಶಕ ಮಹೇಶ್, ಅವಸರಾಲ ಶ್ರೀನಿವಾಸ್ ತಲೆಗೆ ಧರಿಸಿದ್ದ ಟೋಪಿ ತೆಗೆದಿದ್ದಾರೆ. ನೋಡಿದರೆ ಅವಸರಾಲ ಶ್ರೀನಿವಾಸ್‌ರದ್ದು ಬೊಕ್ಕ ತಲೆ!

ಇದೇ ನೋಡಿ ಅವಸರಾಲ ಶ್ರೀನಿವಾಸ್‌ನ ನಿಜ ರೂಪ: ಮಹೇಶ್

ಟೋಪಿ ಕಿತ್ತುಕೊಳ್ಳುತ್ತಿದ್ದಂತೆ ಅವಸರಾಲ ಶ್ರೀನಿವಾಸ್ ಗಾಬರಿಯಾಗಿದ್ದಾರೆ, ಈ ವಿಡಿಯೋ ಹೊರಗೆ ಹೋಗಬಾರದು ಎಂದು ಕಿರುಚಿದ್ದಾರೆ. ಆದರೆ ಸಹ ನಿರ್ದೇಶಕ ಮಹೇಶ್, 'ಇದೇ ನೋಡಿ ನಟ, ನಿರ್ದೇಶಕ ಅವಸರಾಲ ಮಹೇಶ್ ನಿಜ ರೂಪ, ಈ ವಿಡಿಯೋ ಎಲ್ಲಾ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತದೆ' ಎಂದು ಅಲ್ಲಿಂದ ಕಾಲ್ಕಿತ್ತಿದ್ದಾರೆ.

Yuvarathna film team lands in trouble!

ಪ್ರಚಾರಕ್ಕಾಗಿ ಮಾಡಿದ ವಿಡಿಯೋ ಎಂದ ನೆಟ್ಟಿಗರು

ಆದರೆ ಈ ವಿಡಿಯೋ ನೋಡಿದ ಹಲವರು ಇದೊಂದು ಪಬ್ಲಿಸಿಟಿ ಸ್ಟಂಟ್. ಅವಸರಾಲ ಶ್ರೀನಿವಾಸ್ ನಿರ್ದೇಶಿಸುತ್ತಿರುವ ಹೊಸ ಸಿನಿಮಾದ ಪ್ರಚಾರಕ್ಕಾಗಿ ಈ ಸುಳ್ಳು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡಲಾಗಿದೆ ಎಂದಿದ್ದಾರೆ.