ಹಲವು ಅವಕಾಶ ಸಿಕ್ಕರೂ ಬಿಗ್‌ಬಾಸ್‌ಗೆ ಹೋಗಲಿಲ್ಲ ಈ ಸ್ಟಾರ್ ನಟಿ: ಕಾರಣ?

ಬಿಗ್‌ಬಾಸ್ ಬರುತ್ತಾರಾ ಭೂಮಿಕಾ ಚಾವ್ಲಾ?

ಹಲವಾರು ತೆಲುಗು, ಹಿಂದಿ ಸಿನಿಮಾಗಳಲ್ಲಿಯೂ ನಟಿಸಿರುವ ಭೂಮಿಕಾ ಚಾವ್ಲಾ ಹಿಂದಿ ಬಿಗ್‌ಬಾಸ್ 15ನೇ ಸೀಸನ್‌ನಲ್ಲಿ ಸ್ಪರ್ಧಿ ಆಗಲಿದ್ದಾರೆ ಎನ್ನಲಾಗಿತ್ತು. ಗಾಳಿ ಸುದ್ದಿ ತುಸು ಜೋರಾಗಿಯೇ ಹರಿದಾಡಿತ್ತು. ಆದರೆ ಈ ಬಗ್ಗೆ ಸ್ವತಃ ನಟಿ ಭೂಮಿಕಾ ಚಾವ್ಲಾ ಅವರೇ ಸ್ಪಷ್ಟನೆ ನೀಡಿದ್ದಾರೆ.

ನನ್ನನ್ನು ಹಲವು ಬಾರಿ ಕರೆಯಲಾಗಿತ್ತು: ಭೂಮಿಕಾ

ಬಿಗ್‌ಬಾಸ್ ಸೀಸನ್ 1,2,3 ಕ್ಕಾಗಿ ನನ್ನನ್ನು ಕೇಳಲಾಗಿತ್ತು. ಆ ನಂತರದ ಕೆಲವು ಸೀಸನ್‌ಗಳಿಗೂ ನನ್ನನ್ನು ಆಹ್ವಾನಿಸಲಾಯಿತು ಆದರೆ ನಾನು ಹೋಗಲಿಲ್ಲ. ಈ ಬಾರಿಯೂ ನನ್ನನ್ನು ಬಿಗ್‌ಬಾಸ್‌ಗೆ ಕರೆದಿಲ್ಲ. ಒಂದೊಮ್ಮೆ ಅವರು ಕರೆದರೂ ನಾನು ಹೋಗುವುದಿಲ್ಲ ಎಂದಿದ್ದಾರೆ ಭೂಮಿಕಾ ಚಾವ್ಲಾ.

ನನ್ನ ಸುತ್ತ ಕ್ಯಾಮೆರಾ ಇರುವುದು ನನಗೆ ಇಷ್ಟವಿಲ್ಲ: ಭೂಮಿಕಾ

'ನಾನೊಬ್ಬ ಸಾರ್ವಜನಿಕ ವ್ಯಕ್ತಿ (ಸೆಲೆಬ್ರಿಟಿ) ಆದರೆ ನನಗೆ ನನ್ನದೇ ಆದ ಜೀವನ, ವ್ಯಕ್ತಿತ್ವವಿದೆ. ನಾನು ಖಾಸಗಿ ಆಗಿರಲು ಇಷ್ಟಪಡುತ್ತೇನೆಯೇ ವಿನಃ ನನ್ನ ಸುತ್ತ ಸದಾಕಾಲ ಕ್ಯಾಮೆರಾಗಳು ಇರುವುದನ್ನು ಇಷ್ಟಪಡುವುದಿಲ್ಲ' ಎಂದಿದ್ದಾರೆ. ತಮ್ಮ ಪೋಸ್ಟ್‌ ಮೂಲಕ ಬಿಗ್‌ಬಾಸ್‌ ಗಾಳಿಸುದ್ದಿಗೆ ಸೂಜಿ ಚುಚ್ಚಿದ್ದಾರೆ ಭೂಮಿಕಾ.

Recommended Video

ಎಲ್ಲಾ ಮುಗಿದು ಹೋದ ಕಥೆ, ಇದನ್ನೆಲ್ಲಾ ನೋಡಿದ್ರೆ ನೋವಾಗುತ್ತೆ | Filmibeat Kannada

ಹಲವು ಸೂಪರ್ ಹಿಟ್ ಸಿನಿಮಾ ನೀಡಿರುವ ಭೂಮಿಕಾ

ನಟಿ ಭೂಮಿಕಾ ಚಾವ್ಲಾ ತೆಲುಗಿನಲ್ಲಿ ಹಲವಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. 'ಇಂದ್ರ', 'ಸಿಂಹಾದ್ರಿ', 'ಜೈ ಚಿರಂಜೀವ', 'ವಾಸು', 'ಒಕ್ಕಡು', 'ಖುಷಿ' ಹೀಗೆ ಹಲವಾರು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಸಲ್ಮಾನ್ ಖಾನ್‌ ವೃತ್ತಿ ಬದುಕಿನಲ್ಲಿ ಮರುಜೀವ ನೀಡಿದ 'ತೇರೆನಾಮ್' ಸಿನಿಮಾದಲ್ಲಿಯೂ ಭೂಮಿಕಾ ನಾಯಕಿ. ಅಭಿಷೇಕ್ ಬಚ್ಚನ್ ಜೊತೆ 'ರನ್' ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕನ್ನಡದಲ್ಲಿ ಉಪೇಂದ್ರ ನಟನೆಯ 'ಗಾಡ್‌ಫಾದರ್', 'ಲವ್ ಯೂ ಆಲಿಯಾ' ಸಿನಿಮಾಗಳಲ್ಲಿ ನಟಿಸಿದ್ದಾರೆ.