ಎರಡನೇ ಮದುವೆ ಆಗಲು ತಯಾರಿ ನಡೆಸಿದ್ದಾರಾ ತೆಲುಗಿನ ಯಶಸ್ವಿ ನಿರ್ಮಾಪಕ.?

ಮೊದಲನೇ ಪತ್ನಿ ನಿಧನ

ದಿಲ್ ರಾಜು ಪತ್ನಿ ಅನಿತಾ ಮಾರ್ಚ್ 11, 2017 ರಂದು ವಿಧಿವಶರಾದರು. ಹೃದಯಾಘಾತದಿಂದ ಹೈದರಾಬಾದ್ ನಲ್ಲಿ ಅನಿತಾ ತೀರಿಕೊಂಡರು. ಪತ್ನಿ ತೀರಿಕೊಂಡ ಬಳಿಕ ಒಂಟಿಯಾಗಿ ಇರುವ ದಿಲ್ ರಾಜು ಇದೀಗ ಮತ್ತೆ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರಂತೆ.

ಮಗಳಿಗೆ ಮದುವೆ ಮಾಡಿರುವ ದಿಲ್ ರಾಜು

ದಿಲ್ ರಾಜು ಮತ್ತು ಅನಿತಾ ದಂಪತಿಗೆ ಒಬ್ಬಳೇ ಮಗಳು. ಪ್ರೀತಿಯ ಮಗಳಿಗೆ ಈಗಾಗಲೇ ಮದುವೆ ಮಾಡಿ ಗಂಡನ ಮನೆಗೆ ದಿಲ್ ರಾಜು ಕಳುಹಿಸಿದ್ದಾರೆ. ಹೀಗಾಗಿ, ಇತ್ತೀಚಿನ ದಿನಗಳಲ್ಲಿ ದಿಲ್ ರಾಜುಗೆ ಒಂಟಿತನ ಹೆಚ್ಚಾಗಿ ಕಾಡುತ್ತಿರುವುದರಿಂದ, ಮತ್ತೊಂದು ಮದುವೆ ಆಗಲು ಕುಟುಂಬ ಸಲಹೆ ನೀಡಿದೆ ಎನ್ನಲಾಗಿದೆ.

30 ವರ್ಷದ ಯುವತಿ ಜೊತೆಗೆ ಮದುವೆ

49 ವರ್ಷ ವಯಸ್ಸಿನ ದಿಲ್ ರಾಜು, ಇದೀಗ 30 ವರ್ಷದ ಯುವತಿ ಜೊತೆಗೆ ಮದುವೆ ಆಗಲು ಸಜ್ಜಾಗಿದ್ದಾರೆ ಎನ್ನಲಾಗಿದೆ. ಆ ಯುವತಿಯ ಹೆಸರು ಮತ್ತು ಹಿನ್ನಲೆ ಕುರಿತು ಮಾಹಿತಿ ಲಭ್ಯವಾಗಿಲ್ಲ. ಹಾಗೇ, ಮದುವೆ ಯಾವಾಗ ಎಂಬುದರ ಕುರಿತು ದಿಲ್ ರಾಜು ಕನ್ಫರ್ಮ್ ಮಾಡಿಲ್ಲ.

ಪ್ರತಿಭೆಗಳಿಗೆ ಪ್ರೋತ್ಸಾಹ ನೀಡುವ ದಿಲ್ ರಾಜು

ತೆಲುಗಿನ ಯಶಸ್ವಿ ನಿರ್ದೇಶಕರಾದ ಸುಕುಮಾರ್, ಬೋಯಾಪಾಟಿ ಶ್ರೀನು, ಭಾಸ್ಕರ್, ವಂಶಿ ಪೈಡಿಪಲ್ಲಿ, ಶ್ರೀಕಾಂತ್ ಅಡ್ಡಾಲ, ವಾಸು ವರ್ಮ ಮತ್ತು ವೇಣು ಶ್ರೀರಾಮ್.. ನಿರ್ದೇಶಕರಾಗಿ ಚೊಚ್ಚಲ ಚಿತ್ರವನ್ನು ತೆರೆಗೆ ತಂದಿದ್ದು ಇದೇ ದಿಲ್ ರಾಜು ಬ್ಯಾನರ್ ಮೂಲಕ. ಹಲವು ಪ್ರತಿಭೆಗಳಿಗೆ ಪ್ರೋತ್ಸಾಹ ನೀಡಿರುವ ದಿಲ್ ರಾಜು ಕೈಯಲ್ಲಿ ಇದೀಗ ಮೂರು ಪ್ರಾಜೆಕ್ಟ್ ಗಳಿವೆ.