Don't Miss!
- News ಮೈತ್ರಿ ಹೆಸರಿನಲ್ಲಿ ಬೆನ್ನಿಗೆ ಚೂರಿ ಹಾಕಿದರು; ಎಚ್.ಡಿ. ಕುಮಾರಸ್ವಾಮಿ ಆಕ್ರೋಶ
- Automobiles KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅನುಷ್ಕಾ ಶೆಟ್ಟಿಗೆ ಲತಾ ಮಂಗೇಶ್ಕರ್ ಹಾಡಲಿ ಎಂದು ರಾಜಮೌಳಿ ಬಯಸಿದ್ದರು: ಗಾನಕೋಗಿಲೆ ಹಾಡಲಿಲ್ಲ ಏಕೆ?
ಭಾರತ ಸಂಗೀತ ಲೋಕದ ದಂತಕಥೆ ಲತಾ ಮಂಗೇಶ್ಕರ್. ಭಾರತೀಯ ಚಿತ್ರರಂಗಕ್ಕೆ ಲತಾ ಮಂಗೇಶ್ಕರ್ ಹೆಸರೇ ಒಂದು ಬ್ರ್ಯಾಂಡ್. ಅದಕ್ಕೆ ಸಂಗೀತ ಲೋಕ ಇವರನ್ನು 'ಕ್ವೀನ್ ಆಫ್ ಮೆಲೋಡಿ' ಎಂದು ಕರೆದಿದೆ. ಇವರ ಸುಮಧುರ ಕಂಠಕ್ಕೆ ತಮ್ಮನೇ ತಾವು ಮರೆತು ಹೋಗುವ ಅದೆಷ್ಟೋ ಸಂಗೀತ ಪ್ರೇಮಿಗಳಿದ್ದಾರೆ. ಭಾರತ ಸರ್ಕಾರ ಲತಾ ಮಂಗೇಶ್ಕರ್ ಧ್ವನಿಗೆ ಮರುಳಾಗಿ ದೇಶದ ಅತ್ಯುನ್ನತ ಪ್ರಶಸ್ತಿ 'ಭಾರತ ರತ್ನ' ನೀಡಿ ಗೌರವಿಸಿದೆ. ಭಾರತದ ಎಲ್ಲಾ ನಟಿಯರ ಫೇವರಿಟ್ ಲತಾ ಮಂಗೇಶ್ಕರ್.
Recommended Video
ಲತಾ ಮಂಗೇಶ್ಕರ್ ನಮಗೂ ಹಾಡಬೇಕು ಅಂತ ಅದೆಷ್ಟೋ ನಾಯಕಿಯರು ಬೇಡಿಕೊಂಡಿರಬಹುದು. ಅದರೆ, ಎಲ್ಲರಿಗೂ ಅವಕಾಶ ಸಿಕ್ಕಿಲ್ಲ. ಹೊಸ ಫೀಳಿಗೆಯನ್ನು ಹೊರತು ಪಡಿಸಿ ಬಾಲಿವುಡ್ ಬಹುತೇಕ ನಟಿಯರಿಗೆ ಲತಾ ಮಂಗೇಶ್ಕರ್ ಹಾಡಿದ್ದಾರೆ. ದಕ್ಷಿಣ ಭಾರತದ ಸ್ಟಾರ್ ನಟಿ ಅನುಷ್ಕಾ ಶೆಟ್ಟಿಗೂ ಲತಾ ಮಂಗೇಶ್ಕರ್ ಹಾಡಲಿ ಎಂಬುದು ರಾಜಮೌಳಿ ಆಸೆಯಾಗಿತ್ತಂತೆ. ಆದರೆ, ಆ ಆಸೆ ನೆರವೇರಲಿಲ್ಲ.
ಲತಾ ಹಾಡುವುದು ರಾಜಮೌಳಿ ಬಯಕೆಯಾಗಿತ್ತು
'ಬಾಹುಬಲಿ 2' ಸಿನಿಮಾಗೆ ಲತಾ ಮಂಗೇಶ್ಕರ್ ಹಾಡಲಿ ಎಂಬುದು ಎಸ್ ಎಸ್ ರಾಜಮೌಳಿ ಕನಸಾಗಿತ್ತು. ಬಾಹುಬಲಿ ಮೊದಲ ಭಾಗ ಬ್ಲಾಕ್ ಬಸ್ಟರ್ ಹಿಟ್ ಆಗಿತ್ತು. ಹೀಗಾಗಿ 'ಬಾಹುಬಲಿ 2' ಚಿತ್ರದ ಬಿಡುಗಡೆಗೆ ಭರ್ಜರಿ ತಯಾರಿ ನಡೆಯುತ್ತಿತ್ತು. ಹಿಂದಿಗೂ ಡಬ್ ಆಗಿ ಬಿಡುಗಡೆ ಆಗಬೇಕಿದ್ದರಿಂದ ರಾಜಮೌಳಿ ಹಾಡುಗಳ ಬಗ್ಗೆನೂ ತಲೆಕೆಡಿಸಿಕೊಂಡಿದ್ದರು. ಈ ವೇಳೆ 'ಬಾಹುಬಲಿ 2'ಚಿತ್ರದ ಒಂದು ಹಾಡನ್ನು ಲತಾ ಮಂಗೇಶ್ಕರ್ ಹಾಡುವಂತೆ ಕೇಳಿಕೊಂಡಿದ್ದರು. ಅನುಷ್ಕಾ ಶೆಟ್ಟಿಗೆ ಲತಾ ಮಂಗೇಶ್ಕರ್ ಧ್ವನಿ ನೀಡಿದ್ದರೆ, ಸಿನಿಮಾದ ಹಾಡುಗಳಿಗೆ ಪ್ರಚಾರ ಮಾಡುವುದೇ ಬೇಡ ಎಂಬುದು ರಾಜಮೌಳಿ ಬಯಕೆಯಾಗಿತ್ತು.
ಕೀರವಾಣಿಗೆ ಲತಾ ಮಂಗೇಶ್ಕರ್ ಹಾಡಬೇಕಿತ್ತು
'ಬಾಹುಬಲಿ 2' ಸಿನಿಮಾಗೆ ಎಂ ಎಂ ಕೀರವಾಣಿ ಸಂಗೀತ ನೀಡಿದ್ದರು. ಈ ಸಿನಿಮಾದ ತೆಲುಗು ಹಾಡುಗಳು ಸೂಪರ್ ಹಿಟ್ ಆಗಿತ್ತು. ಹಿಂದಿಯಲ್ಲಿ ಬಾಹುಬಲಿ 2 ಚಿತ್ರದ 'ಸೋಜಾ ಝರಾ' ಹಾಡನ್ನು ಲತಾ ಮಂಗೇಶ್ಕರ್ ಹಾಡಿವಂತೆ ಕೇಳಿಕೊಂಡಿದ್ದರು. ಇದಕ್ಕಾಗಿ ಲತಾ ಮಂಗೇಶ್ಕರ್ ಅವರಿಗೆ ಈ ಹಾಡನ್ನು ಕಳುಹಿಸಿಕೊಟ್ಟಿದ್ದರು ಎನ್ನಲಾಗಿದೆ. ಆದರೆ, ರಾಜಮೌಳಿಯ ಆಸೆ ಈಡೇರಲಿಲ್ಲ. ಲತಾ ಮಂಗೇಶ್ಕರ್ ಹಾಡು ಹಾಡಲು ತಿರಸ್ಕರಿಸಿದ್ದರು.
ಬಾಹುಬಲಿ ಹಾಡು ತಿರಸ್ಕರಿಸಲು ಕಾರಣವೇನು
ಲತಾ ಮಂಗೇಶ್ಕರ್ ಸುಮಾರು 7 ದಶಕಗಳ ಕಾಲ ಹಾಡಿದ್ದಾರೆ. ಸುಮಾರು 36 ಭಾಷೆಯ ಸಿನಿಮಾಗಳಿಗೆ ಸಾವಿರಾರು ಹಾಡುಗಳನ್ನು ಹಾಡಿ ದಾಖಲೆ ಬರೆದಿದ್ದಾರೆ. ಅದೆಷ್ಟು ಸ್ಟಾರ್ ನಾಯಕಿಯರ ಧ್ವನಿಯಾಗಿದ್ದಾರೆ. ಒಂದು ವೇಳೆ ಲತಾ ಮಂಗೇಶ್ಕರ್ ಈ ಹಾಡನ್ನು ಹಾಡಿದ್ದರು. ದಕ್ಷಿಣ ಭಾರತದ ಮತ್ತೊಬ್ಬ ನಟಿಗೆ ಧ್ವನಿ ನೀಡಿದಂತೆ ಆಗುತ್ತಿತ್ತು. ಆದರೆ. ಲತಾ ಮಂಗೇಶ್ಕರ್ ವಯಸ್ಸಿ ಕಾರಣ ನೀಡಿ, ಈ ಹಾಡನ್ನು ತಿರಸ್ಕರಿಸಿದ್ದರು.
ಸರ್ಕಾರಿ ಗೌರವಗಳೊಂದಿಗೆ ಅಂತ್ಯ ಸಂಸ್ಕಾರ
ಲತಾ ಮಂಗೇಶ್ಕರ್ ಕೊರೊನಾ ಸೋಂಕಿನಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. 28 ದಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದರೂ ಗುಣಮುಖರಾಗಲಿಲ್ಲ. ಫೆಬ್ರವರಿ 06 ರ ಬೆಳಗ್ಗೆ 8.12ಕ್ಕೆ ಬಹು ಅಂಗಾಂಗ ವೈಫಲ್ಯದಿಂದ ಲತಾ ಮಂಗೇಶ್ಕರ್ ಕೊನೆಯುಸಿರೆಳೆದಿದ್ದರು. ಪ್ರಧಾನಿ ನರೇಂದ್ರ ಮೋದಿಯಿಂದ ಹಿಡಿದು ಬಾಲಿವುಡ್ನ ಗಣ್ಯರೆಲ್ಲರೂ ಲತಾ ಮಂಗೇಶ್ಕರ್ ಅವರಿಗೆ ಅಂತಿಮ ನಮನ ಸಲ್ಲಿಸಿದ್ದರು. ಮುಂಬೈನ ಶಿವಾಜಿ ಪಾರ್ಕ್ನಲ್ಲಿ ಅಂತ್ಯ ಸಂಸ್ಕಾರ ನೆರವೇರಿಸಲಾಯಿತು.