ಮೆಗಾಸ್ಟಾರ್ ಚಿರಂಜೀವಿ ಕೆನ್ನೆಗೆ 24 ಬಾರಿ ಹೊಡೆದಿದ್ದರು ಈ ನಟಿ

ಆ ದೃಶ್ಯಕ್ಕೆ 24 ಟೇಕ್ ತೆಗೆದುಕೊಂಡಿದ್ದರಂತೆ ರಾಧಿಕಾ

ರಾಧಿಕಾ ಅವರು ನಾಯಕಿಯಾಗಿ ನಟಿಸಿದ್ದ ಮೊದಲ ತೆಲುಗು ಸಿನಿಮಾಕ್ಕೆ ಚಿರಂಜೀವಿ ಅವರೇ ನಾಯಕ. ಚಿರಂಜೀವಿ ಅದಾಗಲೇ ಯಶಸ್ವೀ ನಟ ಎನಿಸಿಕೊಂಡಿದ್ದರು. ದೃಶ್ಯವೊಂದರಲ್ಲಿ ರಾಧಿಕಾ-ಚಿರಂಜೀವಿ ಅವರ ಕೆನ್ನೆಗೆ ಹೊಡೆಯುವ ದೃಶ್ಯವಿತ್ತಂತೆ. ಇದಕ್ಕೆ 24 ಕೇಟ್‌ಗಳನ್ನು ತೆಗೆದುಕೊಂಡಿದ್ದರಂತೆ ಈ ನಟಿ.

ಬರೋಬ್ಬರಿ 24 ಬಾರಿ ಹೊಡೆದಿದ್ದ ರಾಧಿಕಾ

ಚಿರಂಜೀವಿ ಅವರಿಗೆ ಬರೋಬ್ಬರಿ 24 ಬಾರಿ ರಾಧಿಕಾ ಕೆನ್ನೆಗೆ ಹೊಡೆದಿದ್ದರಂತೆ. ಹೊಡೆತಕ್ಕೆ ಚಿರಂಜೀವಿ ಕೆನ್ನೆ ಕೆಂಪಾಗಿ ಹೋಗಿತ್ತಂತೆ. ಕೇಟ್ ಓಕೆ ಆದ ನಂತರ ರಾಧಿಕಾ ಹೋಗಿ ಚಿರಂಜೀವಿ ಅವರ ಕ್ಷಮೆ ಸಹ ಕೇಳಿದರಂತೆ.

ತಮಾಷೆಯಾಗಿ ಪ್ರತಿಕ್ರಿಯಿಸಿದ್ದ ಚಿರಂಜೀವಿ

ಆದರೆ ರಾಧಿಕಾ ಅವರ ಕ್ಷಮಾಪಣೆಗೆ ತಮಾಷೆಯಾಗಿ ಪ್ರತಿಕ್ರಿಯಿಸಿದ ಮೆಗಾಸ್ಟಾರ್ ಚಿರಂಜೀವಿ, 'ನೀವು ನನಗೆ ಚೆನ್ನಾಗಿ ಹೊಡೆದಿರಿ, ವೆರೆ ಗುಡ್' ಎಂದರಂತೆ. ಹೊಸದಾಗಿ ನಟಿಸುತ್ತಿದ್ದ ನಟಿಗೆ ಆತ್ಮವಿಶ್ವಾಸ ತುಂಬುವ ಪ್ರಯತ್ನವನ್ನು ಚಿರಂಜೀವಿ ಅಂದು ಮಾಡಿದ್ದರು ಎಂದು ನೆನಪಿಸಿಕೊಂಡಿದ್ದಾರೆ ರಾಧಿಕಾ.

ಹಲವು ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದರು

ರಾಧಿಕಾ ಮತ್ತು ಚಿರಂಜೀವಿ ಹಲವು ಸಿನಿಮಾಗಳಲ್ಲಿ ಒಟ್ಟಾಗಿ ನಟಿಸಿದ್ದರು. 'ನ್ಯಾಯಂ ಕಾವಾಲಿ, ಮೊಂಡಿ ಗತಂ, ಇದಿ ಪೆಳ್ಳಂಟಾರಾ, ಪುಲಿ ಪೆಬ್ಬುಲಿ, ಕಿರಾಯಿ ರೌಡಿ, ಪಲ್ಲೆಟೂರಿ ಮೊನಗಾಡು, ಅಭಿಲಾಶಾ, ಆರಾಧನಾ ಸೇರಿ ಇನ್ನೂ ಕೆಲವು ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದರು. ಇದು ಸೂಪರ್ ಹಿಟ್ ಜೋಡಿ ಆಗಿತ್ತು.