ವಿಡಿಯೋ: '96' ತೆಲುಗು ರಿಮೇಕ್ 'ಜಾನು' ಟ್ರೇಲರ್ ಬಂತು

'96' ತಮಿಳು ಸಿನಿಮಾ ತೆಲುಗಿನಲ್ಲಿ ನಿರ್ಮಾಣವಾಗಿದೆ. 'ಜಾನು' ಚಿತ್ರದ ಟ್ರೇಲರ್ ಇಂದು (ಜನವರಿ 29) ಬಿಡುಗಡೆಯಾಗಿದೆ.

ಸಿನಿಮಾ ಟ್ರೇಲರ್ ಇಷ್ಟ ಆಗುತ್ತದೆ. '96' ಸಿನಿಮಾ ನೋಡಿದ್ದರೂ, 'ಜಾನು' ಹೊಸದಾಗಿದೆ ಎನ್ನುವ ಭಾವನೆ ನೀಡುತ್ತಿದೆ. ಪ್ರಮುಖವಾಗಿ ಶರ್ವಾನಂದ್ ಹಾಗು ಸಮಂತಾ ನಟನೆ ತುಂಬ ಚೆನ್ನಾಗಿದೆ. ಮ್ಯೂಸಿಕ್ ಮತ್ತು ಕ್ಯಾಮರಾ ವರ್ಕ್ ಹೈಲೈಟ್ ಆಗಿದೆ.

'96' ಸಿನಿಮಾದಲ್ಲಿ ಭಾವನೆಗಳು ಪ್ರತಿ ದೃಶ್ಯದಲ್ಲಿಯೂ ತುಂಬ ಚೆನ್ನಾಗಿ ಮೂಡಿಬಂದಿದ್ದವು. ಇಲ್ಲಿಯೂ ಸಿನಿಮಾ ಆ ವಿಚಾರದಲ್ಲಿ ಸೋತಿಲ್ಲ. ಮನಸ್ಸಿಗೆ ಹತ್ತಿರ ಆಗುವ ಅನೇಕ ದೃಶ್ಯಗಳು ಇಲ್ಲಿಯೂ ಚೆನ್ನಾಗಿ ಚಿತ್ರೀಕರಣ ಮಾಡಲಾಗಿದೆ.

ಸಿನಿಮಾದ ಟ್ರೇಲರ್ ಕೆಲವರಿಗೆ ಇಷ್ಟವಾಗಿದೆ. ಇನ್ನು ಕೆಲವರು ವಿಜಯ್ ಸೇತುಪತಿ ಹಾಗೂ ತ್ರಿಷಾರನ್ನು ಬಿಟ್ಟು ಆ ಪಾತ್ರದಲ್ಲಿ ಬೇರೆ ಯಾರನ್ನು ಊಹಿಸಲು ಸಾಧ್ಯವಿಲ್ಲ ಎಂದಿದ್ದಾರೆ.

'96' ಚಿತ್ರದ ನಿರ್ದೇಶಕ ಪ್ರೇಮ್ ಕುಮಾರ್ ಅವರೇ ಈ ಸಿನಿಮಾವನ್ನು ಮಾಡಿದ್ದಾರೆ. ಹಳೆಯ ಚಿತ್ರದ ಕೆಲವು ಹಿನ್ನಲೆ ಸಂಗೀತವನ್ನು ಹಾಡುಗಳನ್ನು ಹಾಗೆಯೇ ಬಳಸಿಕೊಳ್ಳಲಾಗಿದೆ. ಫೆಬ್ರವರಿ 7 ರಂದು ಸಿನಿಮಾ ಬಿಡುಗಡೆ ಆಗಲಿದ್ದು, ಫಲಿತಾಂಶದ ಬಗ್ಗೆ ದೊಡ್ಡ ಕುತೂಹಲವಿದೆ.