ಹೈದರಾಬಾದ್‌ನಲ್ಲಿ 'ಕಾಂತಾರ'ಕ್ಕಾಗಿ ಕೇವಲ ಎರಡು ದಿನಗಳ ಹಿಂದೆ ಬಿಡುಗಡೆಯಾಗಿದ್ದ ತೆಲುಗು ಚಿತ್ರ ಎತ್ತಂಗಡಿ!

ಕ್ರೇಜಿ ಫೆಲೋ ಬದಲು ಕಾಂತಾರ

ಇನ್ನು ಕಾಂತಾರ ಎರಡನೇ ದಿನ ಬಿಡುಗಡೆಗೊಂಡಿರುವ ಈ ಶಾಂತಿ 70 MM ಚಿತ್ರಮಂದಿರದಲ್ಲಿ ಕಳೆದ ಶುಕ್ರವಾರವಷ್ಟೇ ( ಅಕ್ಟೋಬರ್ 14 ) ಕ್ರೇಜಿ ಫೆಲೊ ಎಂಬ ತೆಲುಗು ಚಿತ್ರ ಬಿಡುಗಡೆಗೊಂಡಿತ್ತು. ಶುಕ್ರವಾರ ಹಾಗೂ ಶನಿವಾರದಂದು ಶಾಂತಿ ಚಿತ್ರಮಂದಿರದಲ್ಲಿ ಕಳಪೆ ಪ್ರದರ್ಶನ ಕಂಡ ಕ್ರೇಜಿ ಫೆಲೊ ಚಿತ್ರವನ್ನು ಮೂರನೇ ದಿನದಿಂದ ಎತ್ತಂಗಡಿ ಮಾಡಲಾಗಿದ್ದು, ಆ ಜಾಗಕ್ಕೆ ಕಾಂತಾರ ಬಂದಿದೆ.

ಕಾಂತಾರ ಎರಡನೇ ದಿನ ಹೈದರಾಬಾದ್ ಆರ್ ಟಿ ಸಿ ರಸ್ತೆ ಚಿತ್ರಮಂದಿರಗಳಲ್ಲಿ ಗಳಿಸಿದ್ದೆಷ್ಟು?

ಇನ್ನು ಭಾನುವಾರದಿಂದ ( ಅಕ್ಟೋಬರ್ 16 ) ಕ್ರೇಜಿ ಫೆಲೊ ಬದಲಾಗಿ ಕಾಂತಾರ ಚಿತ್ರವನ್ನು ಶಾಂತಿ 70 MM ಚಿತ್ರಮಂದಿರದಲ್ಲಿ ಪ್ರದರ್ಶಿಸಲಾಗಿದ್ದು, ಒಂದೇ ರಸ್ತೆಯ ಒಟ್ಟು 2 ಪ್ರಮುಖ ಚಿತ್ರಮಂದಿರಗಳಲ್ಲಿ ಕಾಂತಾರ ಪ್ರದರ್ಶನವಾಗುತ್ತಿದೆ. ಹೀಗೆ ಭಾನುವಾರದಂದು ( ಅಕ್ಟೋಬರ್ 16 ) ಕಾಂತಾರ ಈ ಎರಡೂ ಚಿತ್ರಮಂದಿರಗಳಲ್ಲಿಯೂ ಯಾವ ರೀತಿಯ ಪ್ರದರ್ಶನ ಕಂಡಿತು ಎಂಬುದರ ಕುರಿತ ವಿವರ ಕೆಳಕಂಡಂತಿದೆ.

ಸಂಧ್ಯಾ 70 MM:

ಬೆಳಗ್ಗೆ ಪ್ರದರ್ಶನ: 75570 ರೂಪಾಯಿಗಳು

ಮ್ಯಾಟಿನಿ: ಹೌಸ್ ಫುಲ್

ಸಂಜೆ ಪ್ರದರ್ಶನ: ಹೌಸ್ ಫುಲ್

ರಾತ್ರಿ ಪ್ರದರ್ಶನ: ಹೌಸ್ ಫುಲ್

ಶಾಂತಿ 70 MM:

ಬೆಳಗ್ಗೆ ಪ್ರದರ್ಶನ: 11075 ರೂಪಾಯಿಗಳು

ಮ್ಯಾಟಿನಿ: 29025 ರೂಪಾಯಿಗಳು

ಸಂಜೆ ಪ್ರದರ್ಶನ: 102395 ರೂಪಾಯಿಗಳು

ರಾತ್ರಿ ಪ್ರದರ್ಶನ: 98875 ರೂಪಾಯಿಗಳು

ಕೆಜಿಎಫ್ 1 ದಾಖಲೆ ಮುರಿಯುವ ಸಾಧ್ಯತೆ

ಇನ್ನು ಕಾಂತಾರ ಭಾರತದಾದ್ಯಂತ ಅಬ್ಬರಿಸುತ್ತಿರುವ ರೀತಿಯನ್ನು ಗಮನಿಸಿದರೆ ಯಶ್ ಅಭಿನಯದ ಕೆಜಿಎಫ್ 1 ಚಿತ್ರ ನಿರ್ಮಿಸಿರುವ 250 ಕೋಟಿ ಕಲೆಕ್ಷನ್ ದಾಖಲೆಯನ್ನು ಮುರಿಯುವ ಎಲ್ಲ ಸಾಧ್ಯತೆಗಳು ಕಾಣಿಸುತ್ತಿವೆ. ಚಿತ್ರ ಈಗಾಗಲೇ ನೂರು ಕೋಟಿ ಕ್ಲಬ್ ಸೇರಿದ್ದು, ಸದ್ಯ ಪ್ಯಾನ್ ಇಂಡಿಯಾ ಬಿಡುಗಡೆಯಾಗಿರುವುದರಿಂದ ಕಲೆಕ್ಷನ್ ವೇಗ ಮತ್ತಷ್ಟು ಹೆಚ್ಚಲಿದೆ ಹಾಗೂ ಚಿತ್ರ ಇನ್ನೂರು ಕೋಟಿ ಕ್ಲಬ್ ಸೇರಲಿದೆ.