ಡಿಸೆಂಬರ್ 15ಕ್ಕೆ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಲಿದೆ ಕಿಚ್ಚನ ಈ ತೆಲುಗು ಚಿತ್ರ

ಕಿಚ್ಚ ಸುದೀಪ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದ ತೆಲುಗು ಚಿತ್ರ ವಿಶ್ವದ ಜನಪ್ರಿಯ ಓಟಿಟ ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಗೊಳ್ಳಲು ತಯಾರಾಗಿದೆ. ಹೌದು, 2012ರ ಜುಲೈ 6ರಂದು ಬಿಡುಗಡೆ ದೇಶಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡಿದ್ದ ಕಿಚ್ಚ ಸುದೀಪ್ ಹಾಗೂ ರಾಜಮೌಳಿ ಕಾಂಬಿನೇಶನ್‌ನ ಈಗ ಚಿತ್ರ ನೆಟ್‌ಫ್ಲಿಕ್ಸ್ ವೇದಿಕೆಯಲ್ಲಿ ಪ್ರಸಾರವಾಗಲಿದೆ.

ಅಂದಹಾಗೆ ಈ ಹಿಂದೆಯೇ ಈಗ ಚಿತ್ರ ಅಮೆಜಾನ್ ಪ್ರೈಮ್ ವಿಡಿಯೊದಲ್ಲಿ ಓಟಿಟಿ ಬಿಡುಗಡೆ ಕಂಡಿತ್ತು. ಆದರೆ ಇದೀಗ ಈಗ ಚಿತ್ರ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಗೊಳ್ಳುತ್ತಿರುವುದು ವಿಶೇಷವೆಂದೇ ಹೇಳಬಹುದು. ಡಿಸೆಂಬರ್ 15ರಂದು ಈಗ ಚಿತ್ರ ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಸಾರವಾಗಲಿದ್ದು, ಈಗಾಗಲೇ ಈ ಕುರಿತು ನೆಟ್‌ಫ್ಲಿಕ್ಸ್ ಕೂಡ ಅಪ್ಲಿಕೇಶನ್‌ನಲ್ಲಿ ಪಕಟಿಸಿದೆ.

ಇನ್ನು ಈಗ ಚಿತ್ರ ನೆಟ್‌ಫ್ಲಿಕ್ಸ್ ವೇದಿಕೆಯಲ್ಲಿ ಬಿಡುಗಡೆಯಾಗುವುದರಿಂದ ಮತ್ತೊಂದು ರಾಜಮೌಳಿ ಚಿತ್ರ ವಿಶ್ವದಾದ್ಯಂತ ಪ್ರಶಂಸೆ ಗಿಟ್ಟಿಸಿಕೊಳ್ಳಲಿದೆ ಎಂದು ತೆಲುಗು ಸಿನಿ ರಸಿಕರು ಖುಷಿ ವ್ಯಕ್ತಪಡಿಸುತ್ತಿದ್ದರೆ, ಕನ್ನಡ ಚಿತ್ರ ಪ್ರೇಮಿಗಳು ಹಾಗೂ ಕಿಚ್ಚ ಸುದೀಪ್ ಅಭಿಮಾನಿಗಳು ಸುದೀಪ್ ಓರ್ವ ಅತ್ಯುತ್ತಮ ನಟ ಎಂಬ ವಿಚಾರ ಈ ಓಟಿಟಿ ಬಿಡುಗಡೆ ಮೂಲಕ ಇಡೀ ವಿಶ್ವವನ್ನು ತಲುಪಲಿದೆ ಎಂಬ ಲೆಕ್ಕಾಚಾರದಲ್ಲಿದ್ದಾರೆ.

ಇನ್ನು ಕಿಚ್ಚ ಸುದೀಪ್, ಸಮಂತಾ ರುತ್ ಪ್ರಭು ಹಾಗೂ ನಾನಿ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದ ಈಗ ಚಿತ್ರ 30 ಕೋಟಿ ವೆಚ್ಚದಲ್ಲಿ ತಯಾರಾಗಿ ಬರೋಬ್ಬರಿ 130 ಕೋಟಿ ಕಲೆಹಾಕಿ ಅಬ್ಬರಿಸಿತ್ತು.