Liger First Review : 'ಲೈಗರ್' ಸಿನಿಮಾದ ಮೊದಲ ವಿಮರ್ಶೆ ಇಲ್ಲಿದೆ!

'ಲೈಗರ್‌'ಗೆ 3 ಸ್ಟಾರ್!

ಸೌತ್ ಸಿನಿಮಾರಂಗದಲ್ಲಿ ಭಾರಿ ನಿರೀಕ್ಷೆಯೊಂದಿಗೆ ಬರ್ತಿರೋ ಲೈಗರ್ ರಿಲೀಸ್‌ಗೆ ಇನ್ನೊಂದು ದಿನ ಬಾಕಿ ಇದೆ. ಆದರೆ ಅದಾಗಲೇ ಚಿತ್ರದ ವಿಮರ್ಶೆ ಹೊರ ಬಿದ್ದಿದೆ. ಉಮೈರ್ ಸಂದು ಈ ಚಿತ್ರದ ವಿಮರ್ಶೆ ಮಾಡಿದ್ದು, 3 ಸ್ಟಾರ್ ಕೊಟ್ಟಿದ್ದಾರೆ. " ಲೈಗರ್ ಸಿನಿಮಾ ಸೀಟಿ ಮಾರ್ ಎಂಟರ್ಟೈನರ್. ಇದು ವಿಜಯ್ ದೇವರಕೊಂಡ ಒನ್ ಮ್ಯಾನ್ ಶೋ... ಪ್ರೇಕ್ಷಕರ ಹೃದಯ ಗೆಲ್ಲುವಲ್ಲಿ ವಿಜಯ್ ದೇವರಕೊಂಡ ಯಶಸ್ವಿಯಾಗಿದ್ದಾರೆ. ಚಿತ್ರದಲ್ಲಿ ಅತ್ಯುತ್ತಮವಾದ ಸಂಟ್‌ಗಳಿವೆ. ನಿರ್ದೇಶನ ಉತ್ತಮವಾಗಿದೆ. ಹಾಗೇ ರಮ್ಯಾ ಕೃಷ್ಣ ವಿಶೇಷವಾದ ಪಾತ್ರ ಸರ್ಪ್ರೈಸ್ ಎನಿಸುತ್ತದೆ." ಎಂದು ಬರೆದುಕೊಂಡಿದ್ದಾರೆ.

200 ಕೋಟಿ ರೂ. ಗಳಿಕೆಯ ನಿರೀಕ್ಷೆ!

'ಲೈಗರ್' ಸಿನಿಮಾ ಪ್ಯಾನ್ ಇಂಡಿಯಾ ಸಿನಿಮಾ ಆದ ಕಾರಣ ಈ ಚಿತ್ರದ ಗಳಿಕೆಯ ಮೇಲೆ ಸಾಕಷ್ಟು ನಿರೀಕ್ಷೆ ಇದೆ. ಅದರಲ್ಲೂ ಚಿತ್ರತಂಡ ಈ ಚಿತ್ರ ದೊಡ್ಡ ಮಟ್ಟದಲ್ಲಿ ಬಾಕ್ಸಾಫೀಸ್ ಗಳಿಕೆ ಕಾಣಲಿದೆ ಎನ್ನುವ ನಿರೀಕ್ಷೆಯಲ್ಲಿದೆ. ಈ ವಿಚಾರವನ್ನು ಈ ಹಿಂದೆ ಸಂದರ್ಶನದಲ್ಲಿ ವಿಜಯ್ ದೇವರಕೊಂಡ ಹೇಳಿಕೊಂಡಿದ್ದರು. ಈ ಸಿನಿಮಾ ಎಷ್ಟು ಗಳಿಕೆ ಕಾಣಲಿದೆ ಎನ್ನುವ ಪ್ರಶ್ನೆಗೆ ಉತ್ತರಿಸಿದ ವಿಜಯ್ ದೇವರಕೊಂಡ, ಲೈಗರ್ ಸಿನಿಮಾ 200 ಕೋಟಿ ರೂ. ಗಳಿಕೆ ಮಾಡಲಿದೆ ಎಂದು ಹೇಳಿಕೊಂಡಿದ್ದಾರೆ. ಹಾಗಾಗಿ ಮೊದಲ ದಿನ ಎಷ್ಟು ಓಪನಿಂಗ್ ಪಡೆದುಕೊಳ್ಳಲಿದೆ ಎನ್ನುವ ಕುತೂಹಲ ಸೃಷ್ಟಿಯಾಗಿದೆ.

'ಲೈಗರ್' ಬಾಲಿವುಡ್ ಗಳಿಕೆ ಮೇಲೆ ಕಣ್ಣು!

ಇನ್ನು ಬಾಲಿವುಡ್‌ನಲ್ಲಿ ಸೌತ್ ಸಿನಿಮಾಗಳು ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿರುವ ಕಾರಣ 'ಲೈಗರ್' ಚಿತ್ರ ಬಾಲಿವುಡ್‌ನಲ್ಲಿ ಸದ್ದು ಮಾಡಲಿದೆ ನಿರೀಕ್ಷೆಗಳು ಹುಟ್ಟಿದೆ. ಹಾಗಾಗಿ ಈ ಸಿನಿಮಾದ ಬಾಲಿವುಡ್ ಗಳಿಕೆಯ ಮೇಲೆ ಕಣ್ಣು ಇದ್ದೇ ಇದೆ. ಹಾಗೊಂದು ವೇಳೆ 'ಲೈಗರ್' ಬಾಲಿವುಡ್ ಬಾಕ್ಸ್ ಆಫೀಸ್‌ನಲ್ಲಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿದರೆ, ವಿಜಯ್ ದೇವರಕೊಂಡ ಕೂಡ ಉತ್ತರದ ಪ್ರೇಕ್ಷಕರ ಮನಗೆದ್ದ ಅಂತೆಯೇ ಅರ್ಥ. ಹಾಗಾಗಿ ಈ ಸಿನಿಮಾ ಬಾಲಿವುಡ್‌ನಲ್ಲಿ ಯಾವ ಮಟ್ಟಿಗೆ ಗಳಿಕೆ ಕಾಣಲಿದೆ ಎನ್ನುವ ಕುತೂಹಲ ಹೆಚ್ಚಾಗಿದೆ

ನಾಳೆ 'ಲೈಗರ್' ತೆರೆಗೆ!

ಸಿನಿಮಾದಲ್ಲಿ ವಿಜಯ್ ದೇವರಕೊಂಡ ಜೊತೆಗೆ ನಾಯಕಿಯಾಗಿ ಅನನ್ಯಾ ಪಾಂಡೆ ನಟಿಸಿದ್ದಾರೆ. ತಾಯಿಯಾಗಿ ರಮ್ಯಾ ಕೃಷ್ಣ ನಟಿಸಿದ್ದು ವಿಶೇಷ ಪಾತ್ರವೊಂದರಲ್ಲಿ ಜಗತ್‌ ವಿಖ್ಯಾತ ಬಾಕ್ಸರ್ ಮೈಕ್ ಟೈಸನ್ ನಟಿಸಿದ್ದಾರೆ. ಸಿನಿಮಾವನ್ನು ನಿರ್ದೇಶನ ಮಾಡುವ ಜೊತೆಗೆ ಸಹ ಪುರಿ ಜಗನ್ನಾಥ್ ನಿರ್ಮಾಪಕರೂ ಆಗಿದ್ದಾರೆ.