ಮಹೇಶ್ ಬಾಬು ಬರ್ತ್‌ಡೇಗೆ 'ಪೋಕಿರಿ' ರೀ-ರಿಲೀಸ್ : ಬಾಕ್ಸಾಫೀಸ್ ಗಡ ಗಡ!

175ಕ್ಕೂ ಅಧಿಕ ಶೋಗಳು

ಹೌದು, ದಾಖಲೆಯ ಮಟ್ಟದಲ್ಲಿ ವಿಶ್ವದಾದ್ಯಂತ 'ಪೋಕಿರಿ' ಸಿನಿಮಾ ನಾಳೆ ಮರು ಬಿಡುಗಡೆಯಾಗುತ್ತಿದೆ. ನೆಚ್ಚಿನ ನಟನ ಸಿನಿಮಾವನ್ನು ಬಹಳ ಅದ್ಧೂರಿಯಾಗಿ ಅಭಿಮಾನಿಗಳು ಮತ್ತೆ ಬೆಳ್ಳಿ ಪರದೆಗೆ ತರುತ್ತಿದ್ದಾರೆ. ಅಡ್ವಾನ್ಸ್ ಟಿಕೆಟ್ ಬುಕಿಂಗ್‌ಗೆ ಸಿಕ್ಕಿರೋ ರೆಸ್ಪಾನ್ಸ್ ನೋಡ್ತಿದ್ರೆ, ಮತ್ತಷ್ಟು ಶೋಗಳನ್ನು ಹೆಚ್ಚಿಸುವ ಸಾಧ್ಯತೆಯಿದೆ.

2006ರಲ್ಲಿ 'ಪೋಕಿರಿ' ಸೆನ್ಸೇನಷನ್

ಪುರಿ ಜಗನ್ನಾಥ್ ನಿರ್ದೇಶನದ 'ಪೋಕಿರಿ' ಚಿತ್ರದಲ್ಲಿ ಮಹೇಶ್‌ ಬಾಬು ಕೃಷ್ಣ ಮನೋಹರ್ ಐಪಿಎಸ್ ಪಾತ್ರದಲ್ಲಿ ಅಬ್ಬರಿಸಿದ್ದರು. ಪ್ರಕಾಶ್‌ ರಾಜ್ ವಿಲನ್ ಆಗಿ ಅಬ್ಬರಿಸಿದರೆ ಸಯ್ಯಾಜಿ ಶಿಂಧೆ, ನಾಸರ್ ಸೇರಿದಂತೆ ದೊಡ್ಡ ತಾರಾಗಣ ಚಿತ್ರದಲ್ಲಿತ್ತು. ಅವತ್ತಿನ ಕಾಲಕ್ಕೆ ಟಾಲಿವುಡ್‌ನ ಹಳೇ ದಾಖಲೆಗಳನ್ನೆಲ್ಲಾ ಮುರಿದು 50 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್ ಮಾಡಿ 'ಪೋಕಿರಿ' ಚಿತ್ರ ದಾಖಲೆ ಬರೆದಿತ್ತು. ತಮಿಳು, ಹಿಂದಿ, ಕನ್ನಡಕ್ಕೂ ರಿಮೇಕ್ ಆಗಿತ್ತು.

ಭರ್ಜರಿ ಸೆಲೆಬ್ರೇಷನ್‌ಗೆ ಪ್ಲ್ಯಾನ್

ಮಹೇಶ್ ಬಾಬು ನಟನೆಯ ಹೊಸ ಸಿನಿಮಾ ರೀತಿಯಲ್ಲೇ ನಾಳೆ 'ಪೋಕಿರಿ' ಬರ್ತಿದೆ. ಅಭಿಮಾನಿಗಳು ಥಿಯೇಟರ್ ಅಂಗಳದಲ್ಲಿ ಸೆಲೆಬ್ರೇಷನ್‌ ಮಾಡಿ ಸ್ವಾಗತಿಸಲು ತಯಾರಿ ನಡೆಸಿದ್ದಾರೆ. ಬೆಂಗಳೂರಿನ ಅಂಜನ್ ಥಿಯೇಟರ್‌ನಲ್ಲಿ 2 ಶೋ ಫಿಕ್ಸ್ ಆಗಿದ್ದು, ಈಗಾಗಲೇ ಟಿಕೆಟ್ಸ್ ಖಾಲಿಯಾಗಿದೆ.

'ಪೋಕಿರಿ' ಹೊಸ ದಾಖಲೆ

ಅತಿ ಹೆಚ್ಚು ಥಿಯೇಟರ್‌ಗಳಲ್ಲಿ ಎರಡನೇ ಬಾರಿ ರೀ-ರಿಲೀಸ್ ಆಗುತ್ತಿರುವ ಸಿನಿಮಾ ಆಗಿ 'ಪೋಕಿರಿ' ಹೊಸ ದಾಖಲೆ ಬರೆದಿದೆ. ಇನ್ನು ಅಮೆರಿಕದ 17ಕ್ಕೂ ಅಧಿಕ ಪ್ರಾಂತ್ಯಗಳ 24 ಥಿಯೇಟರ್‌ಗಳಲ್ಲಿ ಸಿನಿಮಾ ರಿಲೀಸ್ ಆಗ್ತಿದ್ದು, 10 ದಿನ ಮೊದಲೇ ಟಿಕೆಟ್ಸ್ ಮಾರಾಟವಾಗಿತ್ತು. ಈ ಸಿನಿಮಾದಿಂದ ಬಂದ ಹಣವನ್ನು ಮಹೇಶ್‌ ಬಾಬು ಫೌಂಡೇಶನ್ ಮೂಲಕ ಸಾಮಾಜಿಕ ಕೆಲಸಗಳಿಗೆ ಬಳಸಲು ಅಭಿಮಾನಿಗಳು ನಿರ್ಧರಿಸಿದ್ದಾರೆ.