ಅಂಧಾಧುನ್ ತೆಲುಗು ರೀಮೇಕ್‌ನಲ್ಲಿ ಕನ್ನಡತಿ ನಾಯಕಿ: ನಿತಿನ್ ಜತೆ ರೊಮ್ಯಾನ್ಸ್ ಮಾಡುವ ನಟಿ ಯಾರು?

ನಭಾ ನಟೇಶ್ ಹೆಸರು

'ಅಂಧಾಧುನ್' ರೀಮೇಕ್‌ನ ನಾಯಕಿ ಪಾತ್ರದಲ್ಲಿ ಮೊದಲ ಚಿತ್ರ 'ವಜ್ರಕಾಯ'ದಲ್ಲಿಯೇ ಮಿಂಚು ಹರಿಸಿದ್ದ ನಟಿ ನಭಾ ನಟೇಶ್ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ವಜ್ರಕಾಯದಲ್ಲಿ ವ್ಯಾಪಕ ಮೆಚ್ಚುಗೆ ಪಡೆದರೂ ನಭಾ ಕನ್ನಡದಲ್ಲಿ ನಂತರ ನಟಿಸಿದ್ದು 'ಲೀ' ಎಂಬ ಚಿತ್ರದಲ್ಲಿ ಮಾತ್ರ.

ನಭಾ ಕೈಯಲ್ಲಿ ಇನ್ನೆರಡು ಸಿನಿಮಾ

ತೆಲುಗಿನಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿದಿರುವ ನಭಾ ಕೈಯಲ್ಲಿ 'ಇನ್ನು ಎರಡು ಸಿನಿಮಾಗಳಿವೆ. ಸಾಯಿ ಧರಂ ತೇಜ್ ನಾಯಕರಾಗಿರುವ 'ಸೋಲೊ ಬ್ರದುಕೆ ಸೋ ಬೆಟರ್' ಮತ್ತು ಬೆಲ್ಲಂಕೊಂಡ ಶ್ರೀನಿವಾಸ್ ಜತೆ 'ಅಲ್ಲುಡು ಅಧುರ್ಸ್' ಚಿತ್ರಗಳಲ್ಲಿ ನಭಾ ನಟಿಸುತ್ತಿದ್ದಾರೆ.

ಟಬು ಪಾತ್ರದಲ್ಲಿ ಶಿಲ್ಪಾ

ಟಬು ನಟಿಸಿದ್ದ ಪಾತ್ರಕ್ಕೆ ರಮ್ಯಾಕೃಷ್ಣ ಅವರನ್ನು ಹಾಕಿಕೊಳ್ಳಲು ಚಿತ್ರತಂಡ ಬಯಸಿತ್ತು. ಆದರೆ ಈಗ ಬಾಲಿವುಡ್‌ನಿಂದಲೇ ಖ್ಯಾತ ನಟಿಯನ್ನು ಕರೆತರಲು ಉದ್ದೇಶಿಸಿದ್ದಾರೆ ಎನ್ನಲಾಗಿದೆ. ಆಕೆಯೂ ಮೂಲ ಕನ್ನಡತಿ ಎನ್ನುವುದು ವಿಶೇಷ. ಕರಾವಳಿ ಬೆಡಗಿ ಶಿಲ್ಪಾ ಶೆಟ್ಟಿ ಇದರಲ್ಲಿ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ.

ಭರ್ಜರಿ ಹಿಟ್ ಆಗಿದ್ದ ಚಿತ್ರ

ಶ್ರೀರಾಮ್ ರಾಘವನ್ ನಿರ್ದೇಶನದ ಹಿಂದಿಯ 'ಅಂಧಾಧುನ್' 2018ರಲ್ಲಿ ತೆರೆಕಂಡಿತ್ತು. ಅಂಧನ ಪಾತ್ರದಲ್ಲಿ ನಟಿಸಿದ್ದ ಆಯುಷ್ಮಾನ್ ಖುರಾನಾ ಅವರಿಗೆ ರಾಷ್ಟ್ರಪ್ರಶಸ್ತಿ ಕೂಡ ಸಿಕ್ಕಿತ್ತು. 32 ಕೋಟಿ ರೂ ವೆಚ್ಚದಲ್ಲಿ ನಿರ್ಮಾಣವಾಗಿದ್ದ ಸಿನಿಮಾ ಒಟ್ಟಾರೆ 450 ಕೋಟಿ ರೂ ಗಳಿಕೆ ಕಂಡಿತ್ತು.