ಜನವರಿ 10ಕ್ಕೆ ರಿವೀಲ್ ಆಗಲಿದೆ ನಟಿ ಸಾಯಿ ಪಲ್ಲವಿ 'ಲವ್ ಸ್ಟೋರಿ'

ಜನವರಿ 10ಕ್ಕೆ ಲವ್ ಸ್ಟೋರಿ ಟೀಸರ್

ಹೌದು, ಇದೇ ತಿಂಗಳು ಜನವರಿ 10ರಂದು ಲವ್ ಸ್ಟೋರಿ ಸಿನಿಮಾದ ಟೀಸರ್ ರಿಲೀಸ್ ಆಗುತ್ತಿದೆ. ಹೆಸರೇ ಹೇಳುವ ಹಾಗೆ ಇದೊಂದು ರೊಮ್ಯಾಂಟಿಕ್ ಸಿನಿಮಾವಾಗಿದೆ. ಈಗಾಗಲೇ ಚಿತ್ರದಿಂದ ಒಂದು ಪ್ರೋಮೋ ಮತ್ತು ಪೋಸ್ಟರ್ ಗಳು ರಿಲೀಸ್ ಆಗಿದ್ದು ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.

ಪೋಸ್ಟರ್ ಹೊಂಚಿಕೊಂಡ ನಾಗಚೈತನ್ಯ

ಸದ್ಯ ಟೀಸರ್ ರಿಲೀಸ್ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ನಟ ನಾಗಚೈತನ್ಯ, 'ಕನಸು, ಉತ್ಸಾಹ, ನಿರ್ಣ, ಪ್ರೀತಿ. ನಮ್ಮ ಲವ್ ಸ್ಟೋರಿಯೂ ಹಾಗೆ. ಲವ್ ಸ್ಟೋರಿ ಸಿನಿಮಾದ ಟೀಸರ್ ಜನವರಿ 8ರಂದು ರಿಲೀಸ್ ಆಗುತ್ತಿದೆ' ಎಂದು ಹೇಳಿದ್ದಾರೆ. ಜೊತೆಗೆ ಸಾಯಿ ಪಲ್ಲವಿ ನಾಗಚೈತನ್ಯ ಕಿವಿಯಲ್ಲಿ ಏನೋ ಹೇಳುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ಶೇಖರ್ ಕಮ್ಮುಲಾ ನಿರ್ದೇಶನ

ಮೂಲಗಳ ಪ್ರಕಾರ ಲವ್ ಸ್ಟೋರಿ ಸಿನಿಮಾ, ಮರ್ಯಾದಾ ಹತ್ಯೆ ಬಗ್ಗೆ ಇರುವ ಸಿನಿಮಾ ಆಗಿದೆ ಎನ್ನಲಾಗುತ್ತಿದೆ. ನಿರ್ದೇಶಕ ಶೇಖರ್ ಕಮ್ಮುಲಾ ಆಕ್ಷನ್ ಕಟ್ ಹೇಳಿದ್ದಾರೆ. ಕೆಲವು ದಿನಗಳ ಹಿಂದೆ ಸಿನಿಮಾದಿಂದ ರಿಲೀಸ್ ನಾಗ ಚೈತನ್ಯ ಮತ್ತು ಸಾಯಿಪಲ್ಲವಿ ಮದುವೆ ಪೋಸ್ಟರ್ ಅಭಿಮಾನಿಗಳ ಗಮನ ಸೆಳೆದಿತ್ತು.

ವೈರಲ್ ಆಗಿತ್ತು ಮದುವೆ ಫೋಟೋ

ಅದ್ದೂರಿಯಾಗಿ ಅಲಂಕೃತಗೊಂಡಿರುವ ಮಂಟಪದಲ್ಲಿ, ನಾಗಚೈತನ್ಯ ಮತ್ತು ಸಾಯಿ ಪಲ್ಲವಿ ಹಸೆಮಣೆ ಮೇಲೆ ಕುಳಿತಿದ್ದು, ಇಬ್ಬರು ಒಬ್ಬರಿಗೊಬ್ಬರು ನೋಡಿಕೊಂಡು ನಗುತ್ತಿರುವ ಲುಕ್ ಅಭಿಮಾನಿಗಳ ನಿದ್ದೆ ಗೆಡಿಸಿತ್ತು. ಇದೀಗ ರಿಲೀಸ್ ಆಗುತ್ತಿರುವ ಟೀಸರ್ ಹೇಗರಲಿದೆ ಎನ್ನುವ ಕುತೂಹಲ ಅಭಿಮಾನಿಗಲ್ಲಿ ಮನೆಮಾಡಿದೆ.