ಯಾವುದೇ ರಿಹೆರ್ಸಲ್ ಇಲ್ಲದೇ ನಟಿಸುತ್ತಿದ್ದ ಏಕೈಕ ನಟನನ್ನು ಹೊಗಳಿದ ನಯನತಾರಾ!

ರಿಹರ್ಸೆಲ್ ಇಲ್ಲದೆ ನಟಿಸುತ್ತಿದ್ದ ನಟ

ಸಂದರ್ಶನದಲ್ಲಿ ಜೂನಿಯರ್ ಎನ್‌ಟಿಆರ್ ಬಗ್ಗೆ ವಿಶೇಷವಾಗಿ ಮಾತನಾಡಿದ ನಯನತಾರಾ "ಅವರು ಯಾವುದೇ ರೀತಿಯ ರಿಹೆರ್ಸಲ್ ಮಾಡಿದ್ದನ್ನು ನಾನು ನೋಡಿಯೇ ಇಲ್ಲ, ಅವರು ರಿಹೆರ್ಸಲ್ ಮಾಡದೇ ನಟಿಸುವ ಏಕೈಕ ನಟ. ಈಗ ರಿಹೆರ್ಸಲ್ ಮಾಡಬುಹುದೇನೋ ಆದರೆ ಆ ಸಮಯದಲ್ಲಿ ಅವರು ಯಾವುದೇ ರಿಹೆರ್ಸಲ್ ಮಾಡುತ್ತಿರಲಿಲ್ಲ" ಎಂದು ಹೇಳಿಕೆ ನೀಡಿದ್ದಾರೆ. ಎನ್‌ ಟಿ ಆರ್ ಹಾಗೂ ನಯನತಾರಾ ಸೂಪರ್ ಹಿಟ್ ಚಿತ್ರ ಅದುರ್ಸ್‌ನಲ್ಲಿ ತೆರೆಹಂಚಿಕೊಂಡಿದ್ದರು.

ಬಾಲಕೃಷ್ಣ ಬಗ್ಗೆ ನಯನತಾರಾ ಹೇಳಿದ್ದೇನು?

ಇನ್ನು ತೆಲುಗು ಚಿತ್ರರಂಗದ ಮತ್ತೋರ್ವ ದಿಗ್ಗಜ ನಟ ಬಾಲಕೃಷ್ಣ ಬಗ್ಗೆ ಸಹ ನಯನತಾರಾ ಮಾತನಾಡಿದ್ದಾರೆ. ಇನ್ನು ಬಾಲಕೃಷ್ಣ ಅವರ ವರ್ತನೆಗೆ ಚಿತ್ರರಂಗದವರು ಹಾಗೂ ಪ್ರೇಕ್ಷಕರು ಭಯಗೊಂಡಿರುವ ಸಾಕಷ್ಟು ಉದಾಹರಣೆಗಳಿವೆ. ಮೊಬೈಲ್ ಬಿಸಾಡುವ, ಕಿರುಚಾಡುವ ಬಾಲಕೃಷ್ಣ ಸ್ವೀಟೆಸ್ಟ್ ಪರ್ಸನ್ ಎಂದು ನಯನತಾರಾ ಹೊಗಳಿದ್ದಾರೆ. ಹೌದು, ಬಾಲಕೃಷ್ಣ ಎಂದರೆ ಎಲ್ಲರೂ ಭಯಪಡುತ್ತಾರೆ, ಆದರೆ ನನ್ನ ಜತೆ ಅವರು ತಮಾಷೆಯಿಂದ ಮಾತನಾಡುತ್ತಾ ಇದ್ದರು ಎಂದು ನಯನತಾರಾ ಹೇಳಿದ್ದಾರೆ.

ವಿಕ್ಟರಿ ವೆಂಕಟೇಶ್, ಚಿರಂಜೀವಿ ಕುರಿತು ನಯನ್ ಮಾತು

ಇನ್ನು ತಮ್ಮ ಮೊದಲ ಹೀರೊ ವಿಕ್ಟರಿ ವೆಂಕಟೇಶ್, ಮೆಗಾಸ್ಟಾರ್ ಚಿರಂಜೀವಿ ಹಾಗೂ ಅಕ್ಕಿನೇನಿ ನಾಗಾರ್ಜುನ ಬಗ್ಗೆ ಕೂಡ ನಯನತಾರಾ ಮಾತನಾಡಿದ್ದಾರೆ. "ವೆಂಕಟೇಶ್ ಅವರು ತೆಲುಗಿನಲ್ಲಿ ನನ್ನ ಮೊದಲ ಹೀರೊ, ಅವರ ಜತೆ ಕೆಲಸ ಮಾಡುವಾಗ ಕುಟುಂಬದವರ ಜತೆ ಕೆಲಸ ಮಾಡಿದಂತಾಗುತ್ತದೆ. ನಾಗಾರ್ಜುನ್ ಅವರು ಚಾರ್ಮರ್. ಚಿರಂಜೀವಿ ಅವರು ತುಸು ಸ್ಟಾರ್‌ಡಂ ಹಾಗೂ ಆಟಿಟ್ಯೂಡ್ ತೋರಿಸಬಹುದು, ಆದರೆ ಅವರು ತುಂಬಾ ಡೌನ್ ಟು ಅರ್ಥ್" ಎಂದು ನಯನತಾರಾ ಹೊಗಳಿದ್ದಾರೆ.

ರವಿತೇಜಾ ಹಾಗೂ ಪ್ರಭಾಸ್

ಇನ್ನೂ ಮುಂದುವರಿದು ಮಾತನಾಡಿದ ನಯನತಾರಾ "ರವಿತೇಜಾ ನನ್ನ ಆಪ್ತ ಸ್ನೇಹಿತರಲ್ಲಿ ಓರ್ವರು. ಪ್ರಭಾಸ್ ತುಂಬಾ ಒಳ್ಳೆಯ ಮನಸ್ಸುಳ್ಳವರು. ಅಂದಿನ ಸಮಯದಲ್ಲಿ ಚಿತ್ರೀಕರಣದ ಸಮಯದಲ್ಲಿ ಜೋಕ್ ಹೇಳುತ್ತಾ ಪುಟ್ಟ ಬಾಲಕನಂತೆ ಕುಣಿದಾಡುತ್ತಿದ್ದ ಪ್ರಭಾಸ್ ಇಂದು ದೊಡ್ಡ ಸ್ಟಾರ್. ಆತನನ್ನು ಈ ರೀತಿ ನೋಡುವುದಕ್ಕೆ ಖುಷಿಯಾಗುತ್ತೆ" ಎಂದು ಹೇಳಿಕೆ ನೀಡಿದ್ದಾರೆ.