ತಣ್ಣಗಿದ್ದ ತೆಲುಗು ಸಿನಿರಂಗದಲ್ಲಿ ಆತಂಕ ಎಬ್ಬಿಸಿದ ನಟಿಯ 'ಡ್ರಗ್ಸ್' ಹೇಳಿಕೆ!

ತೆಲುಗು ಸಿನಿಮಾರಂಗ ತನಿಖೆ ಆಗಬೇಕು: ನಟಿ ಮಾಧವಿ ಲತಾ

ತೆಲುಗು ನಟಿ ಮಾಧವಿ ಲತಾ, ಸಿನಿಮಾ ರಂಗಗಳಲ್ಲಿ ಡ್ರಗ್ಸ್ ಬಗ್ಗೆ ಮಾತನಾಡಿದ್ದು, 'ಮೊದಲು ತೆಲುಗು ಸಿನಿಮಾರಂಗದಲ್ಲಿ ಡ್ರಗ್ಸ್ ಬಗ್ಗೆ ತನಿಖೆ ಮಾಡಬೇಕು' ಎಂದಿದ್ದಾರೆ. ಹಾಗೋ-ಹೀಗೋ ಪ್ರಸ್ತುತ ನಡೆಯುತ್ತಿರುವ ಡ್ರಗ್ಸ್ ಪ್ರಕರಣದಿಂದ ದೂರವಿದ್ದ ತೆಲುಗು ಸಿನಿರಂಗಕ್ಕೆ ನಟಿ ನೀಡಿರುವ ಹೇಳಿಕೆ ಮುಜುಗರ ತಂದಿದೆ. ಜೊತೆಗೆ ಟಾಲಿವುಡ್‌ನಲ್ಲೂ ತನಿಖೆ ಪ್ರಾರಂಭವಾಗುತ್ತದೆಯಾ ಎಂಬ ಭಯವನ್ನೂ ತಂದಿದೆ.

ಡ್ರಗ್ಸ್ ಇಲ್ಲದ ಪಾರ್ಟಿಗಳು ಬಹಳ ವಿರಳ: ಮಾಧವಿ ಲತಾ

ಮಾಧವಿ ಲತಾ ಹೇಳಿರುವ ಪ್ರಕಾರ, ತೆಲುಗು ಸಿನಿಮಾ ರಂಗದಲ್ಲಿ ಡ್ರಗ್ಸ್‌ ಪಾರ್ಟಿಗಳು ಬಹಳ ಸಾಮಾನ್ಯವಂತೆ. ಲಾಕ್‌ಡೌನ್ ಸಮಯದಲ್ಲಿ ಸಹ ಚಿತ್ರರಂಗದ ಹಲವರು ಡ್ರಗ್ಸ್‌ ಪಾರ್ಟಿಗಳನ್ನು ಭಾಗವಹಿಸಿದ್ದರು ಎಂದಿದ್ದಾರೆ ಮಾಧವಿ ಲತಾ.

ಸ್ಯಾಂಡಲ್‌ವುಡ್ ಡ್ರಗ್ಸ್ ನಂಟು ಪ್ರಕರಣ: ಮತ್ತೆ ಮೂವರ ಬಂಧನ

ತೆಲುಗು ಚಿತ್ರರಂಗವನ್ನು ತನಿಖೆಗೆ ಒಳಪಡಿಸಿ: ನಟಿ ಒತ್ತಾಯ

ಎನ್‌ಸಿಬಿ ಅಧಿಕಾರಿಗಳು ತೆಲುಗು ಚಿತ್ರರಂಗವನ್ನು ಸಹ ತನಿಖೆಗೆ ಒಳಪಡಿಸಬೇಕು, ಹಲವು ನಟ-ನಟಿಯರು ಡ್ರಗ್ಸ್ ಸೇವಿಸುವುದನ್ನು ನಾನು ನೋಡಿದ್ದೇನೆ. ಡ್ರಗ್ಸ್‌ ಸರಬರಾಜು ಹಿಂದೆ ದೊಡ್ಡ ಮಾಫಿಯಾ ಇದೆ ಎಂಬ ಕಾರಣಕ್ಕೆ ಈವರೆಗೆ ಮಾತನಾಡಿರಲಿಲ್ಲ. ಈಗ ಎನ್‌ಸಿಬಿ ಅಧಿಕಾರಿಗಳು ತನಿಖೆ ಮಾಡುತ್ತಿರುವ ಕಾರಣ ಮಾತನಾಡುತ್ತಿದ್ದೇನೆ ಎಂದರು.

Recommended Video

ಪತ್ನಿ Revathi ಕಾಲೆಳೆದ Nikhil Kumaraswamy | Oneindia Kannada

ತೆಲುಗು ಸಿನಿರಂಗದ ಕೆಲವರ ಬಂಧನವಾಗಿತ್ತು

ಈ ಹಿಂದೊಮ್ಮೆ ತೆಲುಗು ಸಿನಿಮಾ ರಂಗದಲ್ಲಿ ಡ್ರಗ್ಸ್ ಬಳಕೆ ಬಗ್ಗೆ ಬೆಳಕಿಗೆ ಬಂದಿತ್ತು. ನಟ ರವಿತೇಜಾ ಸಹೋದರ ಸೇರಿ ಹಲವರು ಈ ಪ್ರಕರಣದಲ್ಲಿ ಬಂಧಿತರಾಗಿದ್ದರು. ಈಗ ಕನ್ನಡ ಸಿನಿಮಾದಲ್ಲಿ ಡ್ರಗ್ಸ್ ಪ್ರಕರಣ ಬೆಳಕಿಗೆ ಬಂದಿದ್ದು ನಟಿ ರಾಗಿಣಿ, ಸಂಜನಾ ಸೇರಿ ಹಲವರು ಬಂಧನಕ್ಕೆ ಒಳಗಾಗಿದ್ದಾರೆ.