ಶೋಗಳು ಹೌಸ್‌ಫುಲ್.. ರೀ ರಿಲೀಸ್‌ನಲ್ಲೂ 'ಖುಷಿ' ದಾಖಲೆ: ಕರ್ನಾಟಕ ಡಿಸ್ಟ್ರಿಬ್ಯೂಟರ್ ಹೇಳಿದ್ದಿಷ್ಟು!

'ಖುಷಿ' ಶೋಗಳು ಹೌಸ್‌ಫುಲ್

ಆಂಧ್ರ, ತೆಲಂಗಾಣ ಮಾತ್ರವಲ್ಲದೇ ಮುಂಬೈ, ಕರ್ನಾಟಕ, ಚೆನ್ನೈನಲ್ಲೂ 'ಖುಷಿ' ಸಿನಿಮಾ ರೀ ರಿಲೀಸ್ ಆಗ್ತಿದೆ. 2 ದಿನ ಮೊದ್ಲೆ ಆನ್‌ಲೈನ್‌ನಲ್ಲಿ ಟಿಕೆಟ್ ಅಡ್ವಾನ್ಸ್ ಬುಕ್ಕಿಂಗ್ ಶುರುವಾಗಿದೆ. ಈಗಾಗಲೇ ಹೈದರಾಬಾದ್‌ನಲ್ಲಿ 45, ವೈಜಾಗ್‌ನಲ್ಲಿ 15, ಚೆನ್ನೈನಲ್ಲಿ 3 ಹಾಗೂ ಬೆಂಗಳೂರಿನಲ್ಲಿ 3 ಶೋಗಳು ಹೌಸ್‌ಫುಲ್ ಆಗಿರುವುದು ಅಚ್ಚರಿ ಮೂಡಿಸಿದೆ. ಹಳೇ ಚಿತ್ರಕ್ಕೆ ಈ ಪಾಟಿ ಕ್ರೇಜ್ ಇದ್ಯಾ ಎಂದು ಕೆಲವರು ಶಾಕ್ ಆಗಿದ್ದಾರೆ. ಕೆಲವೆಡೆ ಬೆಳಗ್ಗೆ 6 ಗಂಟೆಗೆ ಮೊದಲ ಪ್ರದರ್ಶನ ಆರಂಭ ಆಗ್ತಿದೆ.

ಕರ್ನಾಟಕದಲ್ಲಿ 'ಖುಷಿ' ಕ್ರೇಜ್

ತೆಲುಗು ರಾಜ್ಯಗಳಲ್ಲಿ ಮಾತ್ರವಲ್ಲ ಕರ್ನಾಟಕದಲ್ಲೂ 'ಖುಷಿ' ಸಿನಿಮಾ ರೀ ರಿಲೀಸ್ ಕ್ರೇಜ್ ಜೋರಾಗಿದೆ. ಈಗಾಗಲೇ 25ಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ ಸಿನಿಮಾ ಅಡ್ವಾನ್ಸ್ ಬುಕ್ಕಿಂಗ್ ಶುರುವಾಗಿದೆ. ನಾಳೆ ಮತ್ತಷ್ಟು ಸ್ಕ್ರೀನ್‌ಗಳನ್ನು ಸೇರಿಸುವುದಾಗಿ ವಿತರಕರು ಹೇಳಿದ್ದಾರೆ. ಈಗಾಗಲೇ ಮಾರತ್ ಹಳ್ಳಿಯ ತುಳಸಿ ಥಿಯೇಟರ್‌ನ 3 ಶೋಗಳ ಟಿಕೆಟ್ ಮಾರಾಟವಾಗಿದೆ. ಹಲವೆಡೆ ಫಾಸ್ಟ್‌ ಫಿಲ್ಲಿಂಗ್ ಆಗ್ತಿದೆ. ಬೆಂಗಳೂರಿನಲ್ಲೂ ಕೆಲವೆಡೆ ಬೆಳಗ್ಗೆ 6 ಗಂಟೆಗೆ ಶೋಗಳು ಆರಂಭವಾಗಲಿದೆ. ಈಗಾಗಲೇ ಅಡ್ವಾನ್ಸ್ ಬುಕ್ಕಿಂಗ್‌ನಿಂದ ಲಕ್ಷ ಲಕ್ಷ ಕಲೆಕ್ಷನ್ ಆಗಿದೆ.

ಕರ್ನಾಟಕ ವಿತರಕರು ಹೇಳಿದ್ದೇನು?

ಧೀರಜ್ ಎಂಟರ್‌ಪ್ರೈಸಸ್ ಸಂಸ್ಥೆ ಕರ್ನಾಟದಲ್ಲಿ 'ಖುಷಿ' ಸಿನಿಮಾ ರೀ ರಿಲೀಸ್ ರೈಟ್ಸ್ ಖರೀದಿಸಿದ್ದಾರೆ. ಅಡ್ವಾನ್ಸ್ ಬುಕ್ಕಿಂಗ್‌ಗೆ ಸಿಕ್ತಿರುವ ರೆಸ್ಪಾನ್ಸ್ ನೋಡಿ ವಿತರಕರು ಖುಷಿಯಾಗಿದ್ದಾರೆ. "ಸದ್ಯ 25 ಸ್ಕ್ರೀನ್‌ಗಳು ಕನ್ಫರ್ಮ್ ಅಗಿದೆ. ಮತ್ತಷ್ಟು ಶೋಗಳನ್ನು ಆಡ್ ಮಾಡುತ್ತೇವೆ. ಸಿನಿಮಾ ನಿರ್ಮಾಪಕರಾದ ಎ. ಎಂ ರತ್ನಂ ಜೊತೆಗಿನ ಸ್ನೇಹಕ್ಕಾಗಿ ಈ ಸಿನಿಮಾ ರಿಲೀಸ್ ಮಾಡುತ್ತಿದ್ದೇವೆ, ಶನಿವಾರ ಒಂದೇ ದಿನ ಅಲ್ಲ, ಭಾನುವಾರವೂ ಸಿನಿಮಾ ಪ್ರದರ್ಶನ ಮುಂದುವರೆಯಲಿದೆ. ಪ್ರೇಕ್ಷಕರ ಪ್ರತಿಕ್ರಿಯೆ ನೋಡಿಕೊಂಡು ಸಿನಿಮಾ ಪ್ರದರ್ಶನ ಮುಂದುವರೆಸುತ್ತೇವೆ" ಎಂದು ವಿತರಕರು ಹೇಳಿದ್ದಾರೆ.

ಸಿನಿಮಾ ರೀ ರಿಲೀಸ್ ಟ್ರೆಂಡ್

ಹಳೇ ಸಿನಿಮಾಗಳನ್ನು ರೀ ರಿಲೀಸ್ ಮಾಡೋದು ಹೊಸದೇನು ಅಲ್ಲ. ಆದರೆ ತೆಲುಗಿನಲ್ಲಿ ಮಹೇಶ್‌ ಬಾಬು ಹುಟ್ಟುಹಬ್ಬಕ್ಕೆ 'ಪೋಕಿರಿ' ಸಿನಿಮಾ 4k ವರ್ಷನ್‌ನಲ್ಲಿ ವಿಶ್ವದಾದ್ಯಂತ ರಿಲೀಸ್ ಆಗಿ ಸದ್ದು ಮಾಡಿತ್ತು. ನಂತರ ಪವನ್ ಕಲ್ಯಾಣ್ ನಟನೆಯ 'ಜಲ್ಸಾ' ಕೂಡ ಮತ್ತೆ ರಿಲೀಸ್ ಆಗಿ 3 ಕೋಟಿ ಕಲೆಕ್ಷನ್ ಮಾಡಿತ್ತು. ಇತ್ತೀಚೆಗೆ ರಜನಿಕಾಂತ್‌ ಬರ್ತ್‌ಡೇ ಸ್ಪೆಷಲ್ಲಾಗಿ 'ಬಾಬಾ' ಸಿನಿಮಾ ಹೊಸ ರೂಪದಲ್ಲಿ ತೆರೆಗೆ ಬಂದಿತ್ತು. ಒಂದೇ ವಾರಕ್ಕೆ 10 ಸಾವಿರಕ್ಕೂ ಅಧಿಕ ಟಿಕೆಟ್ಸ್ ಮಾರಾಟವಾಗಿ ದಾಖಲೆ ಬರೆದಿತ್ತು. ಇದೇ ಹಾದಿಯಲ್ಲಿ 'ಖುಷಿ' ಸಿನಿಮಾ ಬರ್ತಿದೆ.