ಪವನ್ ಕಲ್ಯಾಣ್ ಹೊಸ ಸಿನಿಮಾದಲ್ಲಿ ಕನ್ನಡದ ನಟಿ: ಯಾರಾಕೆ?

'ಅಯ್ಯಪ್ಪನುಂ-ಕೊಶಿಯುಂ' ರೀಮೇಕ್‌ನಲ್ಲಿ ಪವನ್ ಕಲ್ಯಾಣ್

ಮಲಯಾಳಂನಲ್ಲಿ ಸೂಪರ್ ಹಿಟ್ ಆಗಿದ್ದ 'ಅಯ್ಯಪ್ಪನುಂ ಕೋಶಿಯುಂ' ಸಿನಿಮಾದ ತೆಲುಗು ರೀಮೇಕ್‌ನಲ್ಲಿ ಪವನ್ ಕಲ್ಯಾಣ್ ನಟಿಸುತ್ತಿದ್ದಾರೆ. ಇದೇ ಸಿನಿಮಾದಲ್ಲಿ ಕರ್ನಾಟಕ ಮೂಲದ ನಟಿ ನಿತ್ಯಾ ಮೆನನ್ ಸಹ ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ.

ರಾಣಾ ದಗ್ಗುಬಾಟಿ ಪತ್ನಿ ಪಾತ್ರದಲ್ಲಿ ನಿತ್ಯಾ ಮೆನನ್?

ನಿತ್ಯಾ ಮೆನನ್ ಅವರು ರಾಣಾ ದಗ್ಗುಬಾಟಿ ಪತ್ನಿಯ ಪಾತ್ರದಲ್ಲಿ ನಟಿಸಲಿದ್ದಾರೆ ಎನ್ನುವ ಸುದ್ದಿ ಇದೆ. ಮಲಯಾಳಂನಲ್ಲಿ ಇದೇ ಪಾತ್ರವನ್ನು ಅನ್ನಾ ರಾಜನ್ ನಿರ್ವಿಸಿದ್ದರು. ಸಿನಿಮಾದಲ್ಲಿ ಇದು ದೊಡ್ಡ ಪಾತ್ರವಲ್ಲದಿದ್ದರೂ ಮುಖ್ಯ ಪಾತ್ರಗಳ ಮೇಲೆ ಪ್ರಭಾವ ಬೀರುವ ಪಾತ್ರವಾಗಿದೆ.

ಇದೇ ಸಿನಿಮಾದಲ್ಲಿ ಸಾಯಿ ಪಲ್ಲವಿ ಸಹ ನಟನೆ?

'ಅಯ್ಯಪ್ಪನುಂ ಕೋಶಿಯುಂ' ಮಲಯಾಳಂ ಸಿನಿಮಾದಲ್ಲಿ ಪೃಥ್ವಿರಾಜ್ ಸುಕುಮಾರನ್, ಬಿಜು ಮೆನನ್ ನಟಿಸಿದ್ದರು. ಮಲಯಾಳಂನಲ್ಲಿ ಬಿಜು ಮೆನನ್ ನಟಿಸಿದ್ದ ಪಾತ್ರದಲ್ಲಿ ಪವನ್ ಕಲ್ಯಾಣ್, ಪೃಥ್ವಿರಾಜ್ ನಟಿಸಿದ್ದ ಪಾತ್ರದಲ್ಲಿ ರಾಣಾ ದಗ್ಗುಬಾಟಿ ನಟಿಸಲಿದ್ದಾರೆ. ಇದೇ ಸಿನಿಮಾದಲ್ಲಿ ಪವನ್ ಕಲ್ಯಾಣ್ ಪತ್ನಿ ಪಾತ್ರದಲ್ಲಿ ಸಾಯಿ ಪಲ್ಲವಿ ನಟಿಸಲಿದ್ದಾರೆ.

Recommended Video

Ajay Devgan ದಿಡೀರ್ ಅಂತ ಹೆಸರು ಚೇಂಜ್ ಮಾಡಿಕೊಳ್ಳುವುದಕ್ಕೆ ಕಾರಣ ಏನು? | Filmibeat Kannada

ಹಲವಾರು ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ ನಿತ್ಯಾ

'ಸೆವೆನ್ ಓ ಕ್ಲಾಕ್' ಕನ್ನಡ ಸಿನಿಮಾದ ಮೂಲಕ ಸಿನಿಮಾ ವೃತ್ತಿ ಆರಂಭಿಸಿದ ನಟಿ ನಿತ್ಯಾ ಮೆನನ್ ಈಗಾಗಲೇ ಹಲವಾರು ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. 'ಅಲಾ ಮೊದಲೈಂದಿ', 'ಇಷ್ಕ್‌', 'ಗುಂಡೆ ಜಾರಿ ಗಲ್ಲಂತೈಯ್ಯಿಂದೆ', 'ಒಕ್ಕಡಿನೆ', 'ಗೀತಾ ಗೋವಿಂದಂ', 'ಸನ್ ಆಫ್ ಸತ್ಯಮೂರ್ತಿ', ಇನ್ನೂ ಕೆಲವು ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ.