ಪವಿತ್ರಾ-ನರೇಶ್ ಬಗ್ಗೆ ಸುದ್ದಿ: ಯೂಟ್ಯೂಬ್ ಚಾನೆಲ್‌ಗಳ ವಿರುದ್ಧ ದೂರು

ಒಟ್ಟಿಗೆ ಕಾಣಿಸಿಕೊಂಡಿದ್ದ ನರೇಶ್-ಪವಿತ್ರಾ

ಸೂಪರ್ ಸ್ಟಾರ್ ಕೃಷ್ಣ ಅವರ ಅಂತಿಮ ದರ್ಶನದ ಸಮಯದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಲ್ಲದೆ, ಘನತೆ ಮರೆತು ಈ ಜೋಡಿಗಳು ಅಲ್ಲಿ ವರ್ತಿಸಿದ್ದಾರೆ ಎಂದು ಕೆಲವು ವೆಬ್‌ಸೈಟ್‌ಗಳು, ಯೂಟ್ಯೂಬ್ ಚಾನೆಲ್‌ಗಳು ವರದಿ ಮಾಡಿದ್ದವು. ಇವರಿಬ್ಬರೂ ಕೃಷ್ಣ ಅವರ ಅಂತಿಮ ದರ್ಶನಕ್ಕೆ ಜಂಟಿಯಾಗಿ ಆಗಮಿಸಿದ ವಿಡಿಯೋಗಳು ಸಹ ಬಹಳ ವೈರಲ್ ಆಗಿದ್ದವು.

ದೂರು ನೀಡಿರುವ ಪವಿತ್ರಾ ಲೋಕೇಶ್

ಇದೀಗ ನಟಿ ಪವಿತ್ರಾ ಲೋಕೇಶ್, ತಮ್ಮ ಹಾಗೂ ನರೇಶ್ ವಿರುದ್ಧ ಕೆಟ್ಟದಾಗಿ ಬರೆದ, ವಿಡಿಯೋ ಪ್ರಕಟಿಸಿದ ವೆಬ್‌ಸೈಟ್‌ಗಳು ಹಾಗೂ ಯೂಟ್ಯೂಬ್ ಚಾನೆಲ್‌ಗಳ ವಿರುದ್ಧ ತೆಲಂಗಾಣ ಸೈಬರ್ ಪೊಲೀಸರಿಗೆ ದೂರು ನೀಡಿದ್ದು, ತಮ್ಮ ಬಗ್ಗೆ ಅವಹೇಳನಕಾರಿಯಾಗಿ ಸುದ್ದಿ ಪ್ರಸಾರ ಮಾಡಿದವರ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯ ಮಾಡಿದ್ದಾರೆ.

ವೈಯಕ್ತಿಕ ದ್ವೇಷದಿಂದ ಮಾನಹಾನಿ: ಪವಿತ್ರಾ

ಪವಿತ್ರಾ ಲೋಕೇಶ್‌ ನೀಡಿರುವ ದೂರು ಸ್ವೀಕರಿಸಿರುವ ಸೈಬರ್ ಪೊಲೀಸರು ಕೇಸು ನಮೂದಿಸಿಕೊಂಡಿದ್ದು ತನಿಖೆ ಮುಂದುವರೆಸಿದ್ದಾರೆ. ಕೆಲವು ಯೂಟ್ಯೂಬ್ ಚಾನೆಲ್‌ಗಳು, ವೆಬ್‌ಸೈಟ್‌ಗಳು ಹಾಗೂ ಕೆಲವು ಮಾಧ್ಯಮ ಸಂಸ್ಥೆಗಳು ನನ್ನ ವಿರುದ್ಧ ವೈಯಕ್ತಿಕ ದ್ವೇಷದಿಂದ ಮಾನಹಾನಿಕಾರಕ ಸುದ್ದಿಗಳನ್ನು ಪರಕಟಿಸಿವೆ ಎಂದು ಪವಿತ್ರಾ ಲೋಕೇಶ್ ತಮ್ಮ ದೂರಿನಲ್ಲಿ ಹೇಳಿದ್ದಾರೆ.

ವಿಚ್ಛೇದನ ಪಡೆಯದೇ ಸಹಬಾಳ್ವೆ

ಪವಿತ್ರಾ ಲೋಕೇಶ್ ಅವರು ಸುಚೇಂದ್ರ ಪ್ರಸಾದ್ ಅವರೊಟ್ಟಿಗೆ ಎರಡನೇ ಮದುವೆಯಾಗಿ ಮಕ್ಕಳನ್ನು ಸಹ ಪಡೆದಿದ್ದರು. ಇನ್ನು ನಟ ನರೇಶ್‌ ಕನ್ನಡತಿ ರಮ್ಯಾ ಅವರೊಟ್ಟಿಗೆ ಮೂರನೇ ಬಾರಿ ಮದುವೆಯಾಗಿದ್ದರು. ಆದರೆ ಇಬ್ಬರೂ ಸಹ ವಿಚ್ಛೇದನ ಪಡೆಯದೆ ಇದೀಗ ಪರಸ್ಪರ ಒಟ್ಟಿಗೆ ಜೀವಿಸುತ್ತಿದ್ದಾರೆ. ತಾವಿಬ್ಬರೂ ಆತ್ಮೀಯ ಗೆಳೆಯರು ಎಂದು ಮೊದಲು ಹೇಳಿಕೊಂಡಿದ್ದ ನರೇಶ್ ಆ ನಂತರ ತಾವು ಲಿವಿನ್‌ ರಿಲೇಷನ್‌ನಲ್ಲಿರುವುದಾಗಿ ಹೇಳಿಕೊಂಡರು. ಇತ್ತೀಚೆಗಷ್ಟೆ ತೆರೆಯ ಮೇಲೂ ಪತಿ-ಪತ್ನಿಯಾಗಿ 'ಅಂದರೂ ಬಾಗುಂಡಾಲಿ, ಅಂದುಲೋ ನೇನುಂಡಾಲಿ' ಸಿನಿಮಾದಲ್ಲಿ ಈ ಜೋಡಿ ನಟಿಸಿದೆ.