"ರಾತ್ರಿಯಿಂದ ಬಹಳ ಖುಷಿ ಆಗ್ತಿದೆ": ಪವಿತ್ರಾ ಲೋಕೇಶ್ ಭುಜದ ಮೇಲೆ ಕೈಹಾಕಿ ನರೇಶ್ ವಿಡಿಯೋ

ಪವಿತ್ರಾ ಭುಜದ ಮೇಲೆ ನರೇಶ್ ಕೈ

ಹಾಸ್ಯ ನಟ ಆಲಿ ನಿರ್ಮಿಸಿ ನಟಿಸಿರುವ ಸಿನಿಮಾ 'ಅಂದರೂ ಬಾಗುಂಡಾಲಿ ಅಂದುಲೋ ನೇನುಂಡಾಲಿ'. ಕಿರಣ್ ಶ್ರೀಪುರಂ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ. ಚಿತ್ರದಲ್ಲಿ ನರೇಶ್ ಮತ್ತು ಪವಿತ್ರಾ ಮತ್ತೆ ಗಂಡ- ಹೆಂಡತಿ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸಿನಿಮಾ ನೇರವಾಗಿ 'ಆಹಾ' ಓಟಿಟಿ ಫ್ಲಾಟ್‌ಫಾರ್ಮ್‌ಗೆ ಬಂದಿದೆ. ಚಿತ್ರಕ್ಕೆ ಅದ್ಭುತ ರೆಸ್ಪಾನ್ಸ್ ಸಿಕ್ತಿದೆ ಎಲ್ಲರಿಗೂ ಧನ್ಯವಾದ ಎಂದು ವಿಡಿಯೋವೊಂದರಲ್ಲಿ ಇಬ್ಬರು ಹೇಳಿದ್ದಾರೆ. ಆ ವಿಡಿಯೋ ಈ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

ರೊಮ್ಯಾಂಟಿಕ್ ಆಗಿ ಜೋಡಿ ದರ್ಶನ

ಸದ್ಯ ಈ ವಿಡಿಯೋ ನೋಡಿದವರು ಇಬ್ಬರು ರಿಲೇಶನ್‌ಶಿಪ್‌ನಲ್ಲಿ ಇರೋದು ನಿಜ ಎನ್ನುತ್ತಿದ್ದಾರೆ. ವಿಡಿಯೋದಲ್ಲಿ ನರೇಶ್ ರೊಮ್ಯಾಂಟಿಕ್ ಆಗಿ ಪವಿತ್ರಾ ಲೋಕೇಶ್ ಭುಜದ ಮೇಲೆ ಕೈ ಹಾಕಿ ನಿಂತಿದ್ದಾರೆ. ಮಾತು ಮಾತಿಗೂ ಭುಜ ಮುಟ್ಟುತ್ತಾ ಜೋಶ್‌ನಿಂದ ಮಾತನಾಡಿದ್ದಾರೆ. ಪರೋಕ್ಷವಾಗಿ ತಮ್ಮಿಬ್ಬರ ರಿಲೇಶನ್‌ಶಿಪ್‌ ಬಗ್ಗೆ ಕ್ಲಾರಿಟಿ ಕೊಡುತ್ತಿರುವಂತೆ ಕಾಣುತ್ತಿದೆ. ಅಥವಾ ಬೇಕಂತಲೇ 3ನೇ ಪತ್ನಿ ರಮ್ಯಾ ರಘುಪತಿ ಅವರನ್ನು ಕೆಣಕುವಂತಿದೆ ಎಂದು ಕೆಲವರು ಹೇಳುತ್ತಿದ್ದಾರೆ.

ನರೇಶ್- ಪವಿತ್ರಾ ಹೇಳಿದ್ದೇನು?

'ಅಂದರೂ ಬಾಗುಂಡಾಲಿ ಅಂದುಲೋ ನೇನುಂಡಾಲಿ' ಸಿನಿಮಾ ರಾತ್ರಿಯಿಂದ 'ಆಹಾ'ಗೆ ಬಂದಿದೆ. ರಾತ್ರಿಯಿಂದ ನನಗೆ ಸಾಕಷ್ಟು ಮೆಸೆಜ್‌ಗಳು, ಫೋನ್ ಕರೆಗಳು ಬರ್ತಿದೆ. ಎಲ್ಲರೂ ಸಿನಿಮಾ ಚೆನ್ನಾಗಿದೆ ಎನ್ನುತ್ತಿದ್ದಾರೆ. ಒಳ್ಳೆಯ ಸಿನಿಮಾ ತೆಗೆದರೆ, ಕಂಟೆಂಟ್ ಬೇಸ್ಡ್ ಸಿನಿಮಾಗಳು ಎಲ್ಲರಿಗೂ ಇಷ್ಟ ಆಗುತ್ತದೆ. ಇಷ್ಟು ಒಳ್ಳೆಯ ರಿವ್ಯೂಗಳು ಇತ್ತೀಚಿನ ದಿನಗಳಲ್ಲಿ ಬಂದಿರಲಿಲ್ಲ. ಸಿನಿಮಾ ನೋಡಿ ಮೆಚ್ಚಿಕೊಂಡ ಎಲ್ಲರಿಗೂ ಥ್ಯಾಂಕ್ಸ್ ಎಂದು ನರೇಶ್, ಪವಿತ್ರ ಹೇಳಿದ್ದಾರೆ. ಆದರೆ ಇಡೀ ವಿಡಿಯೋದಲ್ಲಿ ಪವಿತ್ರಾ ಲೋಕೇಶ್ ಭುಜದ ಮೇಲೆ ಹಾಕಿದ ಕೈಯನ್ನು ನರೇಶ್ ತೆಗೆಯಲೇ ಇಲ್ಲ.

ಅಂದವಾಗಿ ಕಾಣಿಸಲು ಲಕ್ಷ ಲಕ್ಷ ಖರ್ಚು

ಇನ್ನು ಪವಿತ್ರಾ ಲೋಕೇಶ್ ಇತ್ತೀಚಿನ ದಿನಗಳಲ್ಲಿ ಮತ್ತಷ್ಟು ಚೆಂದವಾಗಿ ಕಾಣಲು ಲಕ್ಷ ಲಕ್ಷ ಹಣ ಖರ್ಚು ಮಾಡುತ್ತಿದ್ದಾರೆ ಎನ್ನುವ ಮಾತುಗಳು ಕೇಳಿಬರ್ತಿದೆ. ಸ್ಪೆಷಲ್ ವರ್ಕೌಟ್ಸ್, ಡಯೆಟ್, ಫೇರ್‌ನೆಸ್ ಕ್ರೀಮ್, ಸ್ಕಿನ್ ಗ್ಲೋ ಹೀಗೆ ಏನೇನೋ ಬಳಸುತ್ತಿದ್ದಾರಂತೆ. ಇನ್ನು ತೆಲುಗಿನಲ್ಲಿ ಸಾಲು ಸಾಲು ಸಿನಿಮಾಗಳಲ್ಲಿ ಪೋಷಕ ನಟಿಯಾಗಿ ಪವಿತ್ರಾ ನಟಿಸುತ್ತಿದ್ದಾರೆ. ಕೆಲ ದಿನಗಳ ಹಿಂದೆ ನಡೆದ ಗಲಾಟೆ, ವಿವಾದದಿಂದ ಅವಕಾಶಗಳು ಹೆಚ್ಚಾಗಿದ್ದು, ನಟಿ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದಾರೆ ಎನ್ನಲಾಗ್ತಿದೆ.