ಮಹೇಶ್ ಬಾಬು ಅಭಿಮಾನಿಗಳ ದಾಖಲೆ ಬೆನ್ನತ್ತಿದೆ ಪವನ್ ಕಲ್ಯಾಣ್ ಫ್ಯಾನ್ಸ್!

ಪವನ್ ಕಲ್ಯಾಣ್ ಹುಟ್ಟುಹಬ್ಬ

ಸೆಪ್ಟೆಂಬರ್ 2 ರಂದು ತೆಲುಗು ಪವರ್ ಸ್ಟಾರ್ ಪವನ್ ಕಲ್ಯಾಣ್ ಹುಟ್ಟುಹಬ್ಬ. ಈ ಹಿನ್ನೆಲೆ ಹ್ಯಾಷ್‌ಟ್ಯಾಗ್ ಟ್ರೆಂಡ್ ಮಾಡಲು ಅಭಿಮಾನಿಗಳು ನಿರ್ಧರಿಸಿದ್ದಾರೆ. ಸೆಪ್ಟೆಂಬರ್ 1 ರಂದು ಸಂಜೆ ಆರು ಗಂಟೆಗೆ ಪವನ್ ಕಲ್ಯಾಣ್ ಹೆಸರಿನಲ್ಲಿ ಹ್ಯಾಷ್‌ಟ್ಯಾಗ್ ಟ್ರೆಂಡ್ ಮಾಡುತ್ತಿದ್ದಾರೆ.

ಮಹೇಶ್ ಬಾಬು ದಾಖಲೆ ಏನು?

ಆಗಸ್ಟ್ 9 ರಂದು ಮಹೇಶ್ ಬಾಬು ಅವರ ಹುಟ್ಟುಹಬ್ಬವಿತ್ತು. ಈ ಹಿನ್ನೆಲೆ HBDMaheshbabu ಹ್ಯಾಷ್‌ಟ್ಯಾಗ್‌ನಲ್ಲಿ ಅತಿ ಹೆಚ್ಚು ಟ್ವೀಟ್ ಮಾಡುವ ಮೂಲಕ ವಿಶ್ವ ದಾಖಲೆ ನಿರ್ಮಿಸಿದ್ದರು ಪ್ರಿನ್ಸ್ ಅಭಿಮಾನಿಗಳು. 24 ಗಂಟೆಯಲ್ಲಿ 60.2 ಮಿಲಿಯನ್ ಟ್ವೀಟ್ ಈ ಹ್ಯಾಷ್‌ಟ್ಯಾಗ್‌ನಲ್ಲಿ ಮಾಡಲಾಗಿತ್ತು.

ಅದಕ್ಕೂ ಮುಂಚೆ ಯಾರ ಹೆಸರಿನಲ್ಲಿತ್ತು?

ಮಹೇಶ್ ಬಾಬು ಅಭಿಮಾನಿಗಳು ರೆಕಾರ್ಡ್ ಸೆಟ್ ಮಾಡುವುದಕ್ಕೂ ಮುಂಚೆ 2019ರಲ್ಲಿ #TwitterBestFandom ಎಂಬ ಹ್ಯಾಷ್‌ಟ್ಯಾಗ್ ಮೊದಲ ಸ್ಥಾನದಲ್ಲಿತ್ತು. 60.05 ಮಿಲಿಯನ್ ಟ್ವೀಟ್ ಈ ಹ್ಯಾಷ್‌ಟ್ಯಾಗ್‌ನಲ್ಲಿ ಆಗಿತ್ತು. ಆದರೆ, ಈ ದಾಖಲೆಯನ್ನು ಮಹೇಶ್ ಅಭಿಮಾನಿಗಳು ಬ್ರೇಕ್ ಮಾಡಿದ್ದರು.

ಮೆಗಾವಾರ್‌ಗೆ ವೇದಿಕೆ ಸಜ್ಜು

ಮಹೇಶ್ ಬಾಬು ಅಭಿಮಾನಿಗಳು ಸೃಷ್ಟಿಸಿರುವ ದಾಖಲೆಯನ್ನು ಗಮನದಲ್ಲಿಟ್ಟುಕೊಂಡಿರುವ ಪವರ್ ಸ್ಟಾರ್ ಫ್ಯಾನ್ಸ್ ಇದರಲ್ಲಿ ಯಶಸ್ಸು ಆಗ್ತಾರಾ ಗೊತ್ತಿಲ್ಲ. ಆದರೆ, ಈ ಟ್ವಿಟ್ಟರ್ ಟ್ರೆಂಡ್ ಮಾತ್ರ ಭಾರಿ ಕುತೂಹಲ ಹುಟ್ಟುಹಾಕಿದೆ. ಇನ್ನುಳಿದಂತೆ ಪವನ್ ಕಲ್ಯಾಣ್ 'ವಕೀಲ್ ಸಾಬ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಅದಾದ ಬಳಿಕ ಇನ್ನು ಎರಡು ಚಿತ್ರಗಳನ್ನು ಕೈಗೆತ್ತಿಕೊಳ್ಳಲಿದ್ದಾರೆ.