Birthday Special: ರಾಜಮನೆತನದ ಕುಡಿ.. ಸಾವಿರಾರು ಕೋಟಿ ಸಂಪತ್ತು: ಆಸ್ತಿ ಮುಂದೆ ಪ್ರಭಾಸ್ ಸಂಪಾದನೆ ಲೆಕ್ಕಕ್ಕಿಲ್ಲ!

ಸಾವಿರಾರು ಕೋಟಿ ಒಡೆಯ ಪ್ರಭಾಸ್!

ಪ್ರಭಾಸ್ ತಾತ, ಮುತ್ತಾತ ಪಶ್ಚಿಮ ಗೋದಾವರಿಯಲ್ಲಿ ರಾಜರಾಗಿ ಆಳ್ವಿಕೆ ನಡೆಸಿದ್ದರು. ಪ್ರಭಾಸ್‌ಗೆ 'ಬಾಹುಬಲಿ' ರೀತಿಯ ಪಾತ್ರ ಸೂಕ್ತ, ರಕ್ತದಲ್ಲೇ ರಾಜಸ ಇದೆ ಎಂದು ರಾಜಮೌಳಿ ಕೂಡ ಹೇಳಿದ್ದರು. ಅವತ್ತಿನ ಕಾಲಕ್ಕೆ ಕುಟುಂಬಸ್ಥರು 100 ರೂಪಾಯಿ, 1000 ರೂಪಾಯಿಗೆ ಎಕರೆ ಜಾಗ ಖರೀದಿಸಿದ್ದರು. ಈಗ ಅಲ್ಲಿ ಒಂದು ಎಕರೆಗೆ ಕೋಟಿ ರೂಪಾಯಿ ಮೌಲ್ಯ ಇದೆ. ಹಾಗಾಗಿ ಪ್ರಭಾಸ್ ಬಳಿ ಸಾವಿರಾರು ಕೋಟಿ ಮೌಲ್ಯದ ಆಸ್ತಿ ಇರುವ ಅಂದಾಜಿದೆ. ಇನ್ನು ಪ್ರಭಾಸ್ ಚಿತ್ರವೊಂದಕ್ಕೆ 100 ಕೋಟಿ ರೂ. ಅಧಿಕ ಸಂಭಾವನೆ ಪಡೆಯುತ್ತಾರೆ. ಜಾಹೀರಾತು, ವ್ಯಾಪಾರ ವ್ಯವಹಾರಗಳಿಂದಲೂ ಕೋಟಿ ಕೋಟಿ ಆದಾಯ ಸಂಪಾದಿಸುತ್ತಾರೆ. ಅದಕ್ಕೆ ತಕ್ಕಂತೆ ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ. ಸಾಕಷ್ಟು ಸಾಮಾಜಿಕ ಕಾರ್ಯಗಳಲ್ಲೂ ತೊಡಗಿಸಿಕೊಂಡಿದ್ದಾರೆ.

ಹೋಟೆಲ್ ನಡೆಸಬೇಕು ಎಂದುಕೊಂಡಿದ್ದ ಪ್ರಭಾಸ್

ಸಾಮಾನ್ಯವಾಗಿ ಚಿತ್ರರಂಗದ ಹಿನ್ನಲೆ ಇರುವವರು ಚಿತ್ರರಂಗದ ಯಾವುದಾದರೂ ವಿಭಾಗದಲ್ಲಿ ಕೆಲಸ ಮಾಡಬೇಕು ಎಂದುಕೊಳ್ಳುತ್ತಾರೆ. ಆದರೆ ಪ್ರಭಾಸ್ ಮೊದಲು ಹೀರೊ ಆಗಬೇಕು ಎಂದುಕೊಂಡಿರಲಿಲ್ಲವಂತೆ.

ಯಂಗ್ ರೆಬಲ್ ಸ್ಟಾರ್ ಮದುವೆ ಯಾವಾಗ?

ವಯಸ್ಸು 40 ದಾಟಿದರೂ ಪ್ರಭಾಸ್ ಮಾತ್ರ ಮದುವೆ ಆಗುವ ಬಗ್ಗೆ ಚಿಂತಿಸಿದಂತೆ ಕಾಣುತ್ತಿಲ್ಲ. ಸಾಕಷ್ಟು ಬಾರಿ ಪ್ರಭಾಸ್ ಮದುವೆ ವಿಚಾರ ಕೇಳಿಬಂದಿತ್ತಾದರೂ ಯಾವುದು ಕನ್ಫರ್ಮ್ ಆಗಲಿಲ್ಲ. ಅನುಷ್ಕಾ ಶೆಟ್ಟಿ ಸೇರಿದಂತೆ ಕೆಲ ನಟಿಯರ ಜೊತೆಗೂ ಯಂಗ್ ರೆಬಲ್ ಸ್ಟಾರ್ ಹೆಸರು ತಳುಕು ಹಾಕಿಕೊಂಡಿತ್ತು. 'ಬಾಹುಬಲಿ' ಸಕ್ಸಸ್ ನಂತರ 6 ಸಾವಿರಕ್ಕೂ ಅಧಿಕ ಮದುವೆ ಪ್ರಪೋಷಲ್‌ಗಳು ಬಂದಿತ್ತಂತೆ. ಆದರೆ ಯಾವುದನ್ನು ಪ್ರಭಾಸ್ ಒಪ್ಪಲಿಲ್ಲ ಎಂದು ಸುದ್ದಿ ಆಗಿತ್ತು. ಅಭಿಮಾನಿಗಳು ನೆಚ್ಚಿನ ನಟನ ಮದುವೆ ಯಾವಾಗ ಎಂದು ಕೇಳುತ್ತಲೇ ಇರುತ್ತಾರೆ. ಸದ್ಯಕ್ಕಂತೂ ಆ ಬಗ್ಗೆ ಯಾವುದೇ ಸುಳಿವು ಸಿಗುತ್ತಿಲ್ಲ.

ಡಾರ್ಲಿಂಗ್ ಕೈಯಲ್ಲಿರುವ ಸಿನಿಮಾಗಳು

ಪ್ರಭಾಸ್ ಬರೀ ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ಮಾತ್ರ ಬಣ್ಣ ಹಚ್ಚುತ್ತಿದ್ದಾರೆ. 'ಆದಿಪುರುಷ್' ಸಿನಿಮಾ ಪೋಸ್ಟ್‌ ಪ್ರೊಡಕ್ಷನ್ ಹಂತದಲ್ಲಿದೆ. ಚಿತ್ರದಲ್ಲಿ ರಾಮಾಯಣದ ಕಥೆಯನ್ನು ಹೇಳಲಾಗುತ್ತಿದೆ. ಇನ್ನು ನಾಗ್‌ ಅಶ್ವಿನ್ ನಿರ್ದೇಶನದ 'ಪ್ರಾಜೆಕ್ಟ್ K' ಹಾಗೂ ಪ್ರಶಾಂತ್ ನೀಲ್ ಸಾರಥ್ಯದ 'ಸಲಾರ್' ಸಿನಿಮಾ ಚಿತ್ರೀಕರಣ ನಡೀತಿದೆ. ಸೆಪ್ಟೆಂಬರ್‌ನಲ್ಲಿ ಆಕ್ಷನ್ ಎಂಟರ್‌ಟೈನರ್ 'ಸಲಾರ್' ಸಿನಿಮಾ ತೆರೆಗೆ ಬರಲಿದೆ. ಇನ್ನು ಮಾರುತಿ ನಿರ್ದೇಶನದ ಮತ್ತೊಂದು ಚಿತ್ರಕ್ಕೂ ಪ್ರಭಾಸ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.