ನಟಿ ಶ್ರಾವಣಿ ಆತ್ಮಹತ್ಯೆ ಪ್ರಕರಣ: ನಿರ್ಮಾಪಕ ಪೊಲೀಸರಿಗೆ ಶರಣು

ಇಬ್ಬರನ್ನು ಮೊದಲೇ ಬಂಧಿಸಿದ್ದ ಪೊಲೀಸರು

ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶ್ರಾವಣಿ ಪ್ರಿಯಕರ ದೇವರಾಜ್ ರೆಡ್ಡಿ ಹಾಗೂ ಮಾಜಿ ಪ್ರಿಯಕರ ಸಾಯಿಕೃಷ್ಣ ರೆಡ್ಡಿಯನ್ನು ಪೊಲೀಸರು ಈಗಾಗಲೇ ಬಂಧಿಸಿದ್ದಾರೆ. ಇದೀಗ ಮೂರನೇ ಆರೋಪಿ ಅಶೋಕ್ ರೆಡ್ಡಿ ಯನ್ನೂ ಸಹ ಪೊಲೀಸರು ಬಂಧಿಸಿದ್ದಾರೆ.

ಮಾನಸಿಕ ಕಿರುಕುಳದಿಂದ ಶ್ರಾವಣಿ ಆತ್ಮಹತ್ಯೆ

ಮಾನಸಿಕ ಕಿರುಕುಳ ತಾಳಲಾರದೆ ಶ್ರಾವಣಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎನ್ನಲಾಗಿದ್ದು, ಶ್ರಾವಣಿ ಆತ್ಮಹತ್ಯೆ ಮಾಡಿಕೊಳ್ಳುವಂತೆ ಪ್ರಚೋದಿಸುವಲ್ಲಿ ಈ ಮೂವರ ಪಾತ್ರವಿದೆ ಎಂದು ಪೊಲೀಸರು ಎಫ್‌ಐಆರ್ ದಾಖಲಿಸಿಕೊಂಡಿದ್ದಾರೆ.

ಮದುವೆಯಾಗಲು ನಿರಾಕರಿಸಿದ್ದ ದೇವರಾಜ್ ರೆಡ್ಡಿ

ಪೊಲೀಸರು ಹೇಳಿರುವಂತೆ, ಶ್ರಾವಣಿ ಪ್ರಿಯಕರ ದೇವರಾಜ್ ರೆಡ್ಡಿ, ಶ್ರಾವಣಿಯನ್ನು ಮದುವೆಯಾಗಲು ನಿರಾಕರಿಸಿದ್ದನಂತೆ. ಶ್ರಾವಣಿ ಮನೆಯವರ ಹೇಳಿಕೆ ಪ್ರಕಾರ, ದೇವರಾಜ್ ರೆಡ್ಡಿ ಕೆಲವು ವಿಡಿಯೋಗಳನ್ನು ಇಟ್ಟುಕೊಂಡು ಶ್ರಾವಣಿಯನ್ನು ಬ್ಲಾಕ್‌ಮೇಲ್ ಮಾಡಿದ್ದನಂತೆ.

Recommended Video

TRP ಗೋಸ್ಕರ ನನ್ನ ಕುಟುಂಬದ ನೆಮ್ಮದಿ ಹಾಳು ಮಾಡಿದ್ದು ಇಷ್ಟ ಆಗಿಲ್ಲ| Raksh | Filmibeat Kannada

ಶ್ರಾವಣಿ ಮೇಲೆ ಹಲ್ಲೆ ಮಾಡಿದ್ದ ಸಾಯಿಕೃಷ್ಣ

ಇನ್ನು ಶ್ರಾವಣಿ ಮಾಜಿ ಪ್ರಿಯಕರ ಸಾಯಿಕೃಷ್ಣ, ಶ್ರಾವಣಿ ಮೇಲೆ ಸಾರ್ವಜನಿಕ ಸ್ಥಳದಲ್ಲಿ ಹಲ್ಲೆ ಮಾಡಿದ್ದ. ಶ್ರಾವಣಿ ಕುಟುಂಬಸ್ಥರಿಗೆ ಆಕೆಯ ವಿರುದ್ಧ ದೂರು ಹೇಳಿ, ಮನೆಯವರಿಂದಲೂ ಶ್ರಾವಣಿ ಮೇಲೆ ಹಲ್ಲೆ ಆಗುವಂತೆ ಮಾಡಿದ್ದ. ನಿರ್ಮಾಪಕ ಅಶೋಕ್ ರೆಡ್ಡಿ ಸಹ ಶ್ರಾವಣಿ ಜೊತೆಗೆ ದೈಹಿಕ ಸಂಬಂಧ ಹೊಂದಿದ್ದ ಎನ್ನಲಾಗುತ್ತಿದೆ. ತನಿಖೆ ನಂತರ ಸತ್ಯಾಂಶ ಹೊರಬರಲಿದೆ.