'ಪುಷ್ಪ 2': ಅಲ್ಲು ಅರ್ಜುನ್ ಜೊತೆ ನಟಿಸಲು ಬಂಪರ್ ಆಫರ್, ನೀವೂ ಟ್ರೈ ಮಾಡಬಹುದು!

ಅಲ್ಲು ಅರ್ಜುನ್ ಜೊತೆಗೆ ನೀವೂ ನಟಿಸಿ!

ನಟ ಅಲ್ಲು ಅರ್ಜುನ್ ಜೊತೆಗೆ ನಟಿಸಲು ಯಾರಿಗಾದರು ಇಚ್ಛೇ ಇದ್ದಲ್ಲಿ. ಪುಷ್ಪ 2 ಸಿನಿಮಾದಲ್ಲಿ ಅಭಿನಯಿಸಬಹುದು‌. ಆದರೆ ಇದಕ್ಕೆ ಚಿತ್ರತಂಡವೇ ಅವಕಾಶ ಮಾಡಿಕೊಟ್ಟಿದೆ. ಹೌದು ನಿರ್ಮಾಣ ಸಂಸ್ಥೆ ಹೀಗೊಂದು ಬಹಿರಂಗ ಹೇಳಿಕೆ‌ ಪ್ರಕಟ ಮಾಡಿದೆ.‌

ತಿರುಪತಿಯಲ್ಲಿ ಸಾರ್ವಜನಿಕವಾಗಿ ಆಡಿಷನ್!

'ಪುಷ್ಪ 2' ಚಿತ್ರದ ಆಡಿಷನ್ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳಲಾಗಿದೆ‌. ತಿರುಪತಿಯಲ್ಲಿ ಆಡಿಷನ್ ನಡೆಯಲಿದೆ‌. ಎಲ್ಲಾ ವಯಸ್ಸಿನ ಮಕ್ಕಳು, ಮಹಿಳೆ, ಪುರುಷರಿಗೆ ಅವಕಾಶ ಇದೆ. ಜುಲೈ 3,4 ಮತ್ತು 5ರಂದು ತಿರುಪತಿಯ ಮೇಕ್ ಮೈ ಬೇಬಿ ಜೀನಿಯಸ್ ಶಾಲಾ ಆವರಣದಲ್ಲಿ ಆಡಿಷನ್ ನಡೆಯಲಿದೆ. ಎಲ್ಲರಿಗೂ ಭಾಗವಹಿಸಲು ಮುಕ್ತ ಅವಕಾಶ ಇದೆ‌.

ಒಂದೇ ಒಂದು ಷರತ್ತು!

ಪುಷ್ಪ 2 ಚಿತ್ರದ ಆಡಿಷನ್‌ನಲ್ಲಿ ಮುಕ್ತವಾಗಿ ಭಾಗವಹಿಸಬಹುದು. ಯಾರು ಬೇಕಾದರೂ, ಯಾವ ವಯಸ್ಸಿನವರು ಬೇಕಾದರೂ ಭಾಗವಹಿಸಬಹುದು. ಆದರೆ ಆಡಿಷನ್‌ನಲ್ಲಿ ಭಾಗಿ ಆಗಲು ಒಂದೇ ಒಂದು ಕಂಬೀಷನ್ ಇದೆ. ಚಿತ್ತೂರು ಶೈಲಿಯ ಭಾಷೆ. ಹೌದು ಚಿತ್ತೂರು ಶೈಲಿಯ ಭಾಷೆ ಬಂದರೆ ಸಾಕು, ಪುಷ್ಪ 2 ಚಿತ್ರದಲ್ಲಿ ನೀವು ಅಭಿನಯಿಸುವುದು ಬಹುತೇಕ ಖಚಿತ ಆದಂತೆ.

ಅಲ್ಲು ಅರ್ಜುನ್-ರಶ್ಮಿಕಾ ಮ್ಯಾಜಿಕ್!

ಪುಷ್ಪ ಚಿತ್ರದಲ್ಲಿ ‌ನಟ ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಜೋಡಿ ಮ್ಯಾಜಿಕ್ ಮಾಡಿತ್ತು.‌ ‌ಪ್ರೇಕ್ಷಕರು ಈ ನೋಡಿಯನ್ನು ಮೆಚ್ಚಿ ಜೈಕಾರ ಹಾಕಿದ್ದರು. ಈಗ ಪುಷ್ಪ 2 ಚಿತ್ರದಲ್ಲೂ ಈ ಜೋಡಿ ಕಾಂಬಿನೇಷನ್ ಒಂದಾಗಿ ತೆರೆ ಮೇಲೆ ಕಾಣಿಸಿಕೊಳ್ಳಲಿದೆ.‌‌ ಆದರೆ ನಿರ್ದೇಶಕ ಸುಕುಮಾರ್ ಮೇಲೆ ಪುಷ್ಪ ಭಾಗ 2 ಜವಾಬ್ದಾರಿ ಹೆಚ್ಚಾಗಿದೆ.