ಜಗತ್ತೇ ಮೆಚ್ಚಿದ ಸಿನಿಮಾ ರಾಜಮೌಳಿಗೆ ಬೋರ್ ಹೊಡೆಸಿತಂತೆ! ಯಾವುದಾ ಸಿನಿಮಾ?

ಪ್ಯಾರಾಸೈಟ್ ಸಿನಿಮಾ ನನಗೆ ಇಷ್ಟವಾಗಲಿಲ್ಲ:ರಾಜಮೌಳಿ

ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ರಾಜಮೌಳಿ, 'ನನಗೆ ಪ್ಯಾರಾಸೈಟ್ ಸಿನಿಮಾ ಬಹಳಾ ಬೋರ್ ಹೊಡೆಸಿತು. ಸಿನಿಮಾ ನೋಡುವಾಗ ಅರ್ಧಕ್ಕೆ ನಿದ್ದೆ ಹೋಗಿ ಬಿಟ್ಟೆ' ಎಂದು ಹೇಳಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಚರ್ಚೆ

ರಾಜಮೌಳಿ ಹೇಳಿಕೆ ಸಮಾಜಿಕ ಜಾಲತಾಣದಲ್ಲಿ ಬಹಳವಾಗಿ ಚರ್ಚೆಗೆ ಒಳಗಾಗುತ್ತಿದೆ. ಪ್ಯಾರಾಸೈಟ್ ಸಿನಿಮಾ ಚೆನ್ನಾಗಿದೆ ಎನ್ನುವವರು, ಚೆನ್ನಾಗಿಲ್ಲ ಎನ್ನುವವರು ಪರಸ್ಪರ ಮಾತಿನ ಯುದ್ಧದಲ್ಲಿ ತೊಡಗಿದ್ದಾರೆ.

ಬಡವ-ಸಿರಿವಂತರ ನಡುವಿನ ಕಂದರ ತೋರುವ ಸಿನಿಮಾ

ಪ್ಯಾರಾಸೈಟ್ ಸಿನಿಮಾ, ಸಿರಿವಂತರ ಬಡವರ ಪರಸ್ಪರ ತಾಕಲಾಟಗಳು, ಸಮಾಜದ ಆರ್ಥಿಕ ಅಸಮಾನತೆ ತೋರಿಸುವ ಸಿನಿಮಾ ಆಗಿದೆ. ಕೊರಿಯಾದ ಈ ಸಿನಿಮಾವನ್ನು ಬೋಂಗ್ ಜೂನ್ ಹೋ ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾ ಈಗ ಅಮೆಜಾನ್ ಪ್ರೈಂ ನಲ್ಲಿ ಲಭ್ಯವಿದೆ.

ಹಲವು ವಿಭಾಗದಲ್ಲಿ ಪ್ರಶಸ್ತಿ ಗೆದ್ದ ಪ್ಯಾರಾಸೈಟ್

ಪ್ಯಾರಾಸೈಟ್ ಸಿನಿಮಾ ಈ ಬಾರಿಯ ಆಸ್ಕರ್ ನಲ್ಲಿ ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡು ಅತ್ಯುತ್ತಮ ಸಿನಿಮಾ ಆಗಿ ಹೊರಹೊಮ್ಮಿತು. ಅತ್ಯುತ್ತಮ ವಿದೇಶಿ ಚಿತ್ರ, ಅತ್ಯುತ್ತಮ ನಿರ್ದೇಶಕ, ಅತ್ಯುತ್ತಮ ಸಿನಿಮಾ, ಅತ್ಯುತ್ತಮ ಚಿತ್ರಕತೆ ವಿಭಾಗಗಳಲ್ಲಿ ಆಸ್ಕರ್ ಜಯಿಸಿದೆ.