ಹತ್ತು ವರ್ಷವಾದರೂ ಮಕ್ಕಳಿಲ್ಲ: ಸದ್ಗುರು ಬಳಿ ಸಮಸ್ಯೆ ಹೇಳಿಕೊಂಡ ಚಿರಂಜೀವಿ ಸೊಸೆ

ವೈಯಕ್ತಿಕ ಜೀವನದ RRR ಗಳ ಬಗ್ಗೆ ಪ್ರಶ್ನೆ ಕೇಳುತ್ತಾರೆ: ಉಪಾಸನಾ

ಇದಕ್ಕೆ ಉತ್ತರಿಸಿರುವ ಸದ್ಗುರು, 'ರಿಲೇಶನ್‌ಶಿಪ್' ಬಗ್ಗೆ ನಾನು ಏನೂ ಮಾತನಾಡುವುದಿಲ್ಲ. ಅದು ಸಂಪೂರ್ಣವಾಗಿ ನಿಮಗೆ ಬಿಟ್ಟ ವಿಚಾರ. ಆದರೆ ರಿಪ್ರೊಡ್ಯೂಸ್ (ಸಂತಾನೋತ್ಪತ್ತಿ) ಬಗ್ಗೆ ಹೇಳಬಲ್ಲೆ. ಭಾರತದ ಯಾವ ಹೆಣ್ಣು ಮಕ್ಕಳು ಸಂತಾನೋತ್ಪತ್ತಿ ಮಾಡುವ ಶಕ್ತಿ ಹೊಂದಿದ್ದರೂ, ಸಂತಾನೋತ್ಪತ್ತಿ ಮಾಡದೇ ಇರುವ ನಿರ್ಧಾರ ಮಾಡಿದ್ದಾರೊ ಅವರಿಗೆ ನಾನು ಪ್ರಶಸ್ತಿ ನೀಡಲು ಬಯಸುತ್ತೇನೆ. ನಿಜವಾಗಿಯೂ ಆ ಮಹಿಳೆಯರು ಅಭಿನಂದನಾರ್ಹರು'' ಎಂದಿದ್ದಾರೆ ಸದ್ಗುರು.

''ಹುಲಿಗಳು ಅಳಿವಿನ ಅಂಚಿನಲ್ಲಿವೆ, ಆದರೆ ಮನುಷ್ಯರು ಹಾಗಲ್ಲ''

''ಹೌದಾ, ಅದೇಕೆ ಸದ್ಗುರು'' ಎಂದು ಆಸಕ್ತಿಯಿಂದ ಕೇಳಿದ ಉಪಾಸಾನಾಗೆ ತಮ್ಮ ಉತ್ತರ ವಿವರಿಸಿರುವ ಸದ್ಗುರು, ''ನೀವೊಬ್ಬ ಹುಲಿ ಆಗಿದ್ದಿದ್ದರೆ ನಾನು ಖಂಡಿತ ಹೇಳುತ್ತಿದ್ದೆ ಸಂತಾನೋತ್ಪತ್ತಿ ಮಾಡು ಎಂದು ಏಕೆಂದರೆ ಹುಲಿಗಳು ಅಳಿವಿನ ಅಂಚಿನಲ್ಲಿವೆ, ಆದರೆ ನಾವು ಮನುಷ್ಯರು ಅಳಿವಿನಂಚಿನಲ್ಲೇನೂ ಇಲ್ಲ, ಹಾಗಿದ್ದಮೇಲೆ ಏಕೆ ನಾವು ಸಂತಾನೋತ್ಪತ್ತಿ ಮಾಡಬೇಕು'' ಎಂದು ಸದ್ಗುರು ಪ್ರಶ್ನೆ ಮಾಡಿದ್ದಾರೆ.

ನಾವು ಬಹಳ ಮಂದಿ ಆಗಿಬಿಟ್ಟಿದ್ದೀವಿ: ಸದ್ಗುರು

''ನಾವು ಮನುಷ್ಯರು ಒಳ್ಳೆಯವರೇನೋ ಸರಿ ಆದರೆ ನಾವು ಬಹಳ ಮಂದಿ ಆಗಿಬಿಟ್ಟಿದ್ದೇವೆ, ನಮ್ಮಿಂದ ಬೇರೆ ಜೀವಿಗಳಿಗೆ ಸ್ಥಳವಿಲ್ಲದೇ ಆಗುತ್ತಿದೆ. ಹಾಗಾಗಿ ಯಾವ ಮಹಿಳೆಗೆ ಸಂತಾನೋತ್ಪತ್ತಿ ಮಾಡುವ ಶಕ್ತಿ ಇದ್ದೂ ಆಕೆ ಸಂತಾನೋತ್ಪತ್ತಿ ಮಾಡದೇ ಇರುತ್ತಾರೆಯೋ ಅವರು ಖಂಡಿತ ಅಭಿನಂದನಾರ್ಹರು, ಅವರಿಗೆ ನನ್ನ ಶುಭ ಹಾರೈಕೆಗಳು'' ಎಂದಿರುವ ಸದ್ಗುರು, ''ತಲೆಯಲ್ಲಿ ವಿಷಯ ಹೆಚ್ಚಿರುವವರಿಗೆ ತಲೆ ಹೆಚ್ಚು ಕೆಲಸ ಮಾಡುತ್ತದೆ, ಇಲ್ಲವಾದವರಿಗೆ ಜನನಾಂಗಗಳು ಹೆಚ್ಚು ಜಾಗೃತವಾಗಿರುತ್ತವೆ, ಜನಸಂಖ್ಯೆ ಹೆಚ್ಚಾಗುತ್ತವೆ'' ಎಂದಿದ್ದಾರೆ ಸದ್ಗುರು.

ನನ್ನ ಅಮ್ಮ, ಅತ್ತೆ ನಿಮಗೆ ಕರೆ ಮಾಡುತ್ತಾರೆ: ಉಪಾಸನಾ

ಸದ್ಗುರು ಮಾತು ಕೇಳಿ ನಿಜ ಎಂದ ಉಪಾಸನಾ, ''ನಿಮಗೆ ನನ್ನ ತಾಯಿ ಹಾಗೂ ನನ್ನ ಅತ್ತೆಯ ಕರೆಗಳು ಶೀಘ್ರದಲ್ಲಿಯೇ ಬರಲಿವೆ'' ಎಂದು ತಮಾಷೆ ಮಾಡಿದ್ದಾರೆ. ಇದಕ್ಕೆ ಉತ್ತರಿಸಿರುವ ಸದ್ಗುರು ಬರಲಿ ಬಿಡಿ, ಇಂಥಹಾ ಸಾಕಷ್ಟು ಅತ್ತೆಯಂದಿರ ಕರೆಗಳಿಗೆ ನಾನು ಉತ್ತರಿಸಿದ್ದೇನೆ, ಅವರ ಪ್ರಶ್ನೆಗಳಿಗೆ ಸರಿಯಾದ ಉತ್ತರವನ್ನೂ ನೀಡಿದ್ದೇನೆ'' ಎಂದಿದ್ದಾರೆ.