ಟೀಸರ್ ವಿಷಯವಾಗಿ ಪರಸ್ಪರ ಕಾಲೆಳೆದುಕೊಂಡ ಜೂ.ಎನ್‌ಟಿಆರ್-ರಾಮ್ ಚರಣ್

ನಿನ್ನ ಹಾಗೆ ತಡ ಮಾಡುವುದಿಲ್ಲ ಎಂದ ರಾಮ್ ಚರಣ್

'ಬ್ರದರ್, ನಿನ್ನನ್ನು 'ಟೀಸ್' ಮಾಡಲಿದ್ದೇನೆ. ಆದರೆ ನಿನ್ನ ಹಾಗೆ ನಾನು ತಡ ಮಾಡುವುದಿಲ್ಲ, ಹೇಳಿದ ಸಮಯಕ್ಕೆ ಟೀಸರ್ ಬಿಡುಗಡೆ ಮಾಡುತ್ತೇನೆ' ಎಂದಿದ್ದಾರೆ ರಾಮ್‌ಚರಣ್ ತೇಜ. ಆರ್‌ಆರ್‌ಆರ್‌ ಸಿನಿಮಾದ ಜೂ.ಎನ್‌ಟಿಆರ್ ಪಾತ್ರದ ಸಣ್ಣ ವಿಡಿಯೋವನ್ನು ಸಹ ಹಂಚಿಕೊಂಡಿದ್ದಾರೆ.

'ನೀನು ಈಗಾಗಲೇ ಐದು ತಿಂಗಳು ತಡವಾಗಿದ್ದೀಯ'

ಇದಕ್ಕೆ ತಮಾಷೆಯಾಗಿಯೇ ಪ್ರತಿಕ್ರಿಯಿಸಿರುವ ಜೂ.ಎನ್‌ಟಿಆರ್, 'ನೀನು ಈಗಾಗಲೇ ಐದು ತಿಂಗಳು ತಡ ಮಾಡಿದ್ದೀಯ. ಅದೂ ಅಲ್ಲದೆ ರಾಜಮೌಳಿ ಜೊತೆಗೆ ಕೆಲಸ ಮಾಡಬೇಕಾದರೆ ಏನು ಬೇಕಾದರೂ ಆಗಬಹುದು, ಆದರೂ ಟೀಸರ್ ನೋಡಲು ಉತ್ಸುಕನಾಗಿದ್ದೇನೆ' ಎಂದಿದ್ದಾರೆ ಜೂ.ಎನ್‌ಟಿಆರ್.

ಕೋಮರಂ ಭೀಂ ಪಾತ್ರದಲ್ಲಿ ಜೂ.ಎನ್‌ಟಿಆರ್

ಆರ್‌ಆರ್‌ಆರ್ ಸಿನಿಮಾದಲ್ಲಿ ಜೂ.ಎನ್‌ಟಿಆರ್ ಕೋಮರಂ ಭೀಮ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಪಾತ್ರದ ಲುಕ್ ಟೀಸರ್ ನಾಳೆ (ಅಕ್ಟೋಬರ್ 22) ರಂದು ಬಿಡುಗಡೆ ಆಗಲಿದೆ. ಟೀಸರ್ ಅನ್ನು ಸಿನಿಮಾದ ಮತ್ತೊಬ್ಬ ನಾಯಕ ರಾಮ್ ಚರಣ್ ತೇಜ ಬಿಡುಗಡೆ ಮಾಡಲಿದ್ದಾರೆ.

ಅಲ್ಲೂರಿ ಸೀತಾರಾಮರಾಜು ಪಾತ್ರದಲ್ಲಿ ರಾಮ್ ಚರಣ್ ತೇಜ

ಆರ್‌ಆರ್‌ಆರ್‌ ಸಿನಿಮಾದಲ್ಲಿ ರಾಮ್ ಚರಣ್ ತೇಜ ಅಲ್ಲೂರಿ ಸೀತಾರಾಮ ರಾಜು ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಸಿನಿಮಾದಲ್ಲಿ ಬಾಲಿವುಡ್ ನಟಿ ಆಲಿಯಾ ಭಟ್, ನಟ ಅಜಯ್ ದೇವಗನ್ ಸಹ ಇದ್ದಾರೆ. ವಿದೇಶಿ ನಟಿ ಒಲಿವಿಯಾ ಮೋರಿಸ್ ಸಹ ಇದ್ದಾರೆ.