ವರ್ಮಾ ಬಯೋಪಿಕ್ ಆರಂಭ: ಆರ್‌ಜಿವಿ ಚಿತ್ರಕ್ಕೆ ತಾಯಿಯಿಂದ ಆಶೀರ್ವಾದ

ಆರ್‌ಜಿವಿ ತಾಯಿ ಆಶೀರ್ವಾದ

ರಾಮ್ ಗೋಪಾಲ್ ವರ್ಮಾ ಅವರ ಬಯೋಪಿಕ್ ಚಿತ್ರಕ್ಕೆ 'ರಾಮು' ಎಂದು ಹೆಸರಿಟ್ಟಿದ್ದು, ಮೊದಲ ಅಧ್ಯಾಯದ ಚಿತ್ರೀಕರಣ ಇಂದಿನಿಂದ ಅಧಿಕೃತವಾಗಿ ಆರಂಭವಾಗಿದೆ. ವರ್ಮಾ ಅವರ ತಾಯಿ ಸೂರ್ಯವತಿ ಚಿತ್ರಕ್ಕೆ ಆಶೀರ್ವಾದ ಮಾಡಿದ್ದು, ಕ್ಯಾಮೆರಾಗೆ ಚಾಲನೆ ನೀಡಿದ್ದಾರೆ.

ಮೊದಲ ದೃಶ್ಯಕ್ಕೆ ಸಹೋದರಿ ಕ್ಲಾಪ್

ಆರ್‌ಜಿವಿ ಅವರ ಬಯೋಪಿಕ್ ಚಿತ್ರಕ್ಕೆ ಕುಟುಂಬಸ್ಥರು ಸಂಪೂರ್ಣವಾಗಿ ಸಹಕಾರ ನೀಡಿದ್ದು, ಚಿತ್ರದ ಮುಹೂರ್ತ ಸಮಾರಂಭ ಕಾರ್ಯಕ್ರಮಕ್ಕೆ ಅವರ ತಾಯಿ ಸೂರ್ಯವತಿ ಹಾಗೂ ಸಹೋದರಿ ವಿಜಯ ಪಾಲ್ಗೊಂಡಿದ್ದರು. ಚಿತ್ರದ ಮೊದಲ ದೃಶ್ಯಕ್ಕೆ ವರ್ಮಾ ಸಹೋದರಿ ವಿಜಯ ಕ್ಲಾಪ್ ಮಾಡಿರುವುದು ವಿಶೇಷವಾಗಿದೆ.

ವರ್ಮಾ ಪಾತ್ರದಲ್ಲಿ ದೊರಸಾಯಿ ತೇಜ

'ರಾಮು' ಚಿತ್ರದ ಮೊದಲ ಅಧ್ಯಾಯದಲ್ಲಿ ಆರ್‌ಜಿವಿ ಅವರ ಪಾತ್ರದಲ್ಲಿ ಯುವ ಕಲಾವಿದ ದೊರಸಾಯಿ ತೇಜ ಕಾಣಿಸಿಕೊಳ್ಳುತ್ತಿದ್ದಾರೆ. ಇದು ವರ್ಮಾ ಅವರ ಕಾಲೇಜು ಬದುಕಿನ ಸುತ್ತ ನಡೆಯಲಿದ್ದು, ವಿದ್ಯಾರ್ಥಿ ಜೀವನವನ್ನು ಸೆರೆಹಿಡಿಯಲಾಗುತ್ತಿದೆ. ಮೊದಲ ದೃಶ್ಯದಲ್ಲಿ ತಾಯಿಯಿಂದ ಆಶೀರ್ವಾದ ಪಡೆಯುವ ದೃಶ್ಯವನ್ನು ಸೆರೆಹಿಡಿಲಾಯಿತು.

Recommended Video

ಕೊನೆಗೂ ಅಪ್ಪಾಜಿ ಜೊತೆ ಆಕ್ಟ್ ಮಾಡೋ ಆಸೆ ಈಡೇರಲಿಲ್ಲ | Shruthi Krishna | Filmibeat Kannada

ಮೂರು ಭಾಗದಲ್ಲಿ 'ರಾಮು' ಬಯೋಪಿಕ್

ಅಂದ್ಹಾಗೆ, ರಾಮ್ ಗೋಪಾಲ್ ವರ್ಮಾ ಅವರ ಈ ಬಯೋಪಿಕ್ ಮೂರು ಭಾಗಗಳಾಗಿ ಮೂಡಿ ಬರಲಿದ್ದು, ಈ ಮೂರು ಪ್ರಾಜೆಕ್ಟ್‌ನ್ನು ಬೊಮ್ಮಕು ಮುರಳಿ ನಿರ್ಮಿಸಲಿದ್ದಾರೆ. ಇನ್ನು ವರ್ಮಾ ಪಾತ್ರದಲ್ಲಿ ನಟಿಸುತ್ತಿರುವ ದೊರಸಾಯಿ ತೇಜ ಅವರೇ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ.