Don't Miss!
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- News ಪೂಜೆ ಮಾಡಿದ ಈ ಲಿಂಬೆಹಣ್ಣು ಲಕ್ಷಕ್ಕೆ ಹರಾಜ್! ಶಾಕ್ ಆಡ್ಬೇಡಿ ಇದು ನಿಜ...
- Sports IPL 2024: ಆರ್ಸಿಬಿ vs ಕೆಕೆಆರ್ ಪಂದ್ಯಕ್ಕೂ ಮುನ್ನ ಗಂಭೀರ್ನತ್ತ ಐಸ್-ಕೋಲ್ಡ್ ಲುಕ್ ನೀಡಿದ ಕೊಹ್ಲಿ
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇಂಡಸ್ಟ್ರಿಗೆ ಕಾಲಿಟ್ಟು 35 ವರ್ಷಗಳ ಬಳಿಕ ನೂರು ಕೋಟಿ ಕ್ಲಬ್ ಸೇರಿದ ನಟ ರವಿತೇಜಾ!
ರವಿತೇಜಾ ತೆಲುಗಿನ ಎವರ್ ಗ್ರೀನ್ ಎನರ್ಜಿಟಿಕ್ ನಟ. ರಾಜಮೌಳಿ ರೀತಿಯ ನಿರ್ದೇಶಕರ ಜತೆ ಕೆಲಸ ನಿರ್ವಹಿಸಿರುವ ರವಿತೇಜಾ ಐವತ್ತಕ್ಕೂ ಹೆಚ್ಚಿನ ಚಿತ್ರಗಳಲ್ಲಿ ನಟಿಸಿದ್ದರೂ ಸಹ ಇಲ್ಲಿಯವರೆಗೂ ಯಾವ ಚಿತ್ರವೂ ನೂರು ಕೋಟಿ ಕ್ಲಬ್ ಸೇರಿಯೇ ಇರಲಿಲ್ಲ. ನೂರು, ಇನ್ನೂರು ದಿನಗಳನ್ನು ಚಿತ್ರಮಂದಿರಗಳಲ್ಲಿ ಪೂರೈಸಿದ ಹಲವಾರು ಚಿತ್ರಗಳನ್ನು ನೀಡಿರುವ ರವಿತೇಜಾ ಈಗಿನ ಸಿನಿ ಕ್ಷೇತ್ರದಲ್ಲಿ ನೂರು ಕೋಟಿ ಕಲೆಕ್ಷನ್ ಮಾಡುವ ಚಿತ್ರ ನೀಡುವಲ್ಲಿ ಯಶಸ್ವಿಯಾಗಿರಲಿಲ್ಲ.
ಇನ್ನು ಇತ್ತೀಚೆಗಿನ ದಿನಗಳಲ್ಲಿ ಕ್ರ್ಯಾಕ್ ಹೊರತುಪಡಿಸಿ ರವಿತೇಜಾ ನಟನೆಯ ಬೇರೆ ಯಾವ ಚಿತ್ರಗಳೂ ಸಹ ಬಾಕ್ಸ್ ಆಫೀಸ್ನಲ್ಲಿ ಗೆದ್ದಿರಲಿಲ್ಲ. ಎಲ್ಲರೂ ರವಿತೇಜಾ ಕತೆ ಮುಗಿದ ಹಾಗೆ, ಇನ್ನೇನಿದ್ದರೂ ಕಡಿಮೆ ಬಜೆಟ್ ಸಿನಿಮಾಗಳನ್ನು ಮಾಡಿಕೊಂಡಿರಬೇಕಷ್ಟೇ ಎನ್ನುತ್ತಿರುವಾಗಲೇ ಈಗ ಧಮಾಕಾ ಮೂಲಕ ಗಟ್ಟಿಯಾಗಿ ಕಮ್ಬ್ಯಾಕ್ ಮಾಡಿದ್ದಾರೆ.
ಕಳೆದ ಡಿಸೆಂಬರ್ 23ರಂದು ಬಿಡುಗಡೆಗೊಂಡ ಧಮಾಕಾ 14 ದಿನಗಳಲ್ಲಿ ನೂರು ಕೋಟಿ ಕ್ಲಬ್ ಸೇರಿದ್ದು, ರವಿತೇಜಾ ಸಿನಿ ಕೆರಿಯರ್ನಲ್ಲಿ ನೂರು ಕೋಟಿ ಕ್ಲಬ್ ಸೇರಿದ ಮೊದಲ ಚಿತ್ರ ಎಂಬ ಮೈಲಿಗಲ್ಲನ್ನು ನೆಟ್ಟಿದೆ. ಇನ್ನು ಧಮಾಕಾ ಎಕ್ಸ್ಪರಿಮೆಂಟ್ ಚಿತ್ರವೇನಲ್ಲ, ವಾವ್ ಎನಿಸುವಂತಹ ಕಂಟೆಂಟ್ ಅನ್ನೂ ಸಹ ಹೊಂದಿಲ್ಲ, ಇದೊಂದು ಪಕ್ಕಾ ತೆಲುಗು ಫ್ಲೇವರ್ನ ಸಿನಿಮಾ.
ಹೌದು, ಧಮಾಕಾ ಬಿಡುಗಡೆಯಾದಾಗ ಪಡೆದುಕೊಂಡ ವಿಮರ್ಶೆ ಇಂತಹದ್ದೇ. ಸಾಧಾರಣಕ್ಕಿಂತ ಕಳಪೆ ಎಂಬ ವಿಮರ್ಶೆಗಳನ್ನು ವಿಮರ್ಶಕರು ನೀಡಿದರೂ ಸಹ ಧಮಾಕಾ ಬ್ಲಾಕ್ಬಸ್ಟರ್ ಹಿಟ್ ಆಗಿದೆ. ನೂರು ಕೋಟಿ ಕ್ಲಬ್ ಸೇರಿ ಯಾರೂ ಊಹಿಸಿರದ ರೀತಿ ಅಬ್ಬರಿಸಿದೆ. ಚಿತ್ರದ ಕಾಮಿಡಿ, ಡಾನ್ಸ್ ಚಿತ್ರಕ್ಕೆ ದೊಡ್ಡ ಪ್ಲಸ್ ಪಾಯಿಂಟ್ಗಳಾಗಿ ಪರಿಣಮಿಸಿವೆ. ಈ ಮೂಲಕ ರವಿತೇಜಾ ಮಾತ್ರವಲ್ಲದೇ ಶ್ರೀಲೀಲಾ ಸಹ ನೂರು ಕೋಟಿ ಕ್ಲಬ್ ಸೇರಿದ್ದಾರೆ.