ಆ ಸಿನಿಮಾದಿಂದಾಗಿ ಸಂಭಾವನೆ ಹೆಚ್ಚಿಸಿಕೊಳ್ಳುತ್ತಿರುವ ರವಿತೇಜ

ಸಂಭಾವನೆ ಏರಿಸಿಕೊಳ್ಳಲು ನಿರ್ಧರಿಸಿರುವ ರವಿತೇಜ

ತೆಲುಗಿನ ಸ್ಟಾರ್ ನಟರ ಪೈಕಿ ರವಿತೇಜ ತುಸು ಕಡಿಮೆ ಸಂಭಾವನೆ ಪಡೆಯುತ್ತಿದ್ದಾರೆ. ಹಾಗಾಗಿ ಈಗ ಸಂಭಾವನೆ ಏರಿಸಿಕೊಳ್ಳಲು ನಿರ್ಧರಿಸಿರುವ ರವಿತೇಜ, ಸಂಭಾವನೆ ಕಡಿಮೆ ಎಂಬ ಕಾರಣಕ್ಕೆ ಎರಡು ಸಿನಿಮಾಗಳಿಂದ ಹಿಂದೆ ಸರಿದಿದ್ದಾರೆ.

ಇಬ್ಬರ ಸಿನಿಮಾ ನಿರಾಕರಿಸಿರುವ ರವಿತೇಜ

ನಿರ್ದೇಶಕ ಮಾರುತಿ ಮತ್ತು ನಿರ್ದೇಶಕ ನಕ್ಕಿನಿ ತ್ರಿನಾಥ ರಾವ್ ಅವರುಗಳು ರವಿತೇಜ ಗೆ ಕತೆ ಹೇಳಿದ್ದರು. ರವಿತೇಜ ಸಹ ಒಪ್ಪಿದ್ದರು, ಆದರೆ ಸಂಭಾವನೆ ವಿಷಯದಲ್ಲಿ ರವಿತೇಜ ಅಸಮಾಧಾನಗೊಂಡು ಸಿನಿಮಾಗಳಿಂದ ಹಿಂದೆ ಸರಿದಿದ್ದಾರೆ.

ಸಿನಿಮಾ ಹಿಟ್‌ಗಾಗಿ ಕಾಯುತ್ತಿರುವ ರವಿತೇಜ

ಸಂಭಾವನೆ ಏರಿಸಿಕೊಳ್ಳಲು ಸೂಕ್ತ ಅವಕಾಶಕ್ಕಾಗಿ ಕಾಯುತ್ತಿರುವ ರವಿತೇಜ, ಕ್ರ್ಯಾಕ್ ಸಿನಿಮಾದ ಮೇಲೆ ಭರವಸೆ ಇಟ್ಟು ಕೂತಿದ್ದಾರೆ. ಕ್ರ್ಯಾಕ್ ಸಿನಿಮಾ ಹಿಟ್ ಆದರೆ, ಪ್ರಸ್ತುತ ಇರುವ ಸಂಭಾವನೆ ಮೇಲೆ 35-40% ಹೆಚ್ಚುವರಿ ಸಂಭಾವನೆಗೆ ಬೇಡಿಕೆ ಇಡಲಿದ್ದಾರೆ.

ಶ್ರುತಿ ಹಾಸನ್ ನಾಯಕಿ

ರವಿತೇಜ ನಟನೆಯ ಕ್ರ್ಯಾಕ್ ಸಿನಿಮಾದಲ್ಲಿ ಶ್ರುತಿ ಹಾಸನ್ ನಾಯಕಿಯಾಗಿ ನಟಿಸಿದ್ದಾರೆ.ಜೊತೆಗೆ ವಿಜಯಲಕ್ಷ್ಮಿ ಶರತ್‌ಕುಮಾರ್, ಸಮುದ್ರಕಿಣಿ ಸಹ ಸಿನಿಮಾದಲ್ಲಿದ್ದಾರೆ. ಸಿನಿಮಾವನ್ನು ಗೋಪಿಚಂದ್ ಮಲಿನೇನಿ ನಿರ್ದೇಶಿಸಿದ್ದಾರೆ. ನಿರ್ಮಾಣ ಬಿ.ಮಧು ಅವರದ್ದು.