'ಕಾಂತಾರ ತೆಲುಗು' 3ನೇ ದಿನದ ಕಲೆಕ್ಷನ್ ಎಷ್ಟು? ಕೋಟಿಯನ್ನೂ ಮುಟ್ಟಲಿಲ್ಲ ಚಿರಂಜೀವಿಯ ಗಾಡ್‌ಫಾದರ್!

ಕಾಂತಾರ ಮೂರನೇ ದಿನ ಗಳಿದ್ದೆಷ್ಟು?

ಕಾಂತಾರ ತೆಲುಗು ಅವತರಣಿಕೆ ತೆಲುಗು ರಾಜ್ಯಗಳಲ್ಲಿ ಮೊದಲ ದಿನ 3.95 ಕೋಟಿ ಕಲೆಕ್ಷನ್ ಮಾಡಿತ್ತು. ಇನ್ನು ಎರಡನೇ ದಿನ ಭಾನುವಾರವಾಗಿದ್ದ ಕಾರಣ ಅಂದು ಕಾಂತಾರ ತೆಲುಗು ಅವತರಣಿಕೆ ತೆಲುಗು ರಾಜ್ಯಗಳಲ್ಲಿ ಬರೋಬ್ಬರಿ 5.90 ಕೋಟಿ ಗಳಿಸಿತ್ತು. ಈ ಮೂಲಕ ಎರಡೇ ದಿನಗಳಲ್ಲಿ 9.85 ಕೋಟಿ ಕಲೆಹಾಕಿದ್ದ ಕಾಂತಾರ ಮೂರನೇ ದಿನ ( ಅಕ್ಟೋಬರ್ 17 ) 3.65 ಕಲೆಕ್ಷನ್ ಮಾಡಿದೆ. ಈ ಮೂಲಕ ಕಾಂತಾರ ತೆಲುಗು ಅವತರಣಿಕೆ ಮೊದಲ ಮೂರು ದಿನಗಳಲ್ಲಿ 13.50 ಕೋಟಿ ರೂಪಾಯಿಗಳನ್ನು ಕಲೆಹಾಕಿದೆ.

ಗಾಡ್‌ಫಾದರ್‌ಗೆ ಬಿತ್ತು ಭಾರೀ ಹೊಡೆತ

ಇನ್ನು ಮಲಯಾಳಂ ರಿಮೇಕ್ ಚಿತ್ರ ಗಾಡ್‌ಫಾದರ್ ಕಾಂತಾರ ತೆಲುಗು ಅವತರಣಿಕೆ ಬಿಡುಗಡೆಯ ಬಳಿಕ ಬಾಕ್ಸ್ ಆಫೀಸ್‌ನಲ್ಲಿ ಮಕಾಡೆ ಮಲಗಿದೆ ಎನ್ನಬಹುದು. ಮೊದಲ ಹತ್ತು ದಿನಗಳಲ್ಲಿ 100.25 ಕೋಟಿ ಕಲೆಕ್ಷನ್ ಮಾಡಿದ್ದ ಗಾಡ್‌ಫಾದರ್ ಕಾಂತಾರ ತೆಲುಗು ಬಿಡುಗಡೆಯ ದಿನ 1.35 ಕೋಟಿ, ಭಾನುವಾರ ( ಅಕ್ಟೋಬರ್ 16 ) 1.85 ಕೋಟಿ ಗಳಿಸಿತ್ತು. ಇನ್ನು ನಿನ್ನೆ ಕಾಂತಾರ ಮೂರಕ್ಕೂ ಅಧಿಕ ಕೋಟಿ ಗಳಿಸಿದ್ದರೆ, ಗಾಡ್‌ಫಾದರ್ ಕೇವಲ 70 ಲಕ್ಷ ರೂಪಾಯಿ ಗಳಿಸಿದೆ. ಈ ಮೂಲಕ ಗಾಡ್‌ಫಾದರ್ ಕಾಂತಾರ ಬಿಡುಗಡೆಯ ನಂತರ ಮಕಾಡೆ ಮಲಗಿದೆ.

ಕಂಟೆಂಟ್ ಈಸ್ ದಿ ಕಿಂಗ್ ಎಂದ ತೆಲುಗು ಪ್ರೇಕ್ಷಕರು

ಇನ್ನು ತೆಲುಗು ರಾಜ್ಯಗಳಲ್ಲಿ ಕಾಂತಾರ ಅಬ್ಬರಿಸುತ್ತಿರುವುದರ ಕುರಿತು ಮಾತನಾಡಿರುವ ತೆಲುಗು ಸಿನಿ ಪ್ರೇಕ್ಷಕರು ಬಾಕ್ಸ್ ಆಫೀಸ್‌ನಲ್ಲಿ ಈಗ ಸ್ಟಾರ್ ಲೆಕ್ಕಾಚಾರ ಬರುವುದಿಲ್ಲ. ಚಿತ್ರದ ಆರಂಭದಲ್ಲಿ ಮಾತ್ರ ಕಲೆಕ್ಷನ್ ಮಾಡಲು ಸ್ಟಾರ್ ಇರಬೇಕು. ಆದರೆ ಚಿತ್ರದ ಕಂಟೆಂಟ್ ಚೆನ್ನಾಗಿದ್ದರೆ ಯಾವುದೇ ನಟನ ಚಿತ್ರವಾದರೂ ಗೆಲ್ಲಲಿದೆ ಎಂಬುದಕ್ಕೆ ಕಾಂತಾರವೇ ಉದಾಹರಣೆ ಎನ್ನುತ್ತಿದ್ದಾರೆ.