RRR Ticket Rates : ಯಾವ ನಗರಗಳಲ್ಲಿ ಟಿಕೆಟ್ ದರ ಎಷ್ಟಿದೆ: ಕರ್ನಾಟಕದಲ್ಲಿ ಎಷ್ಟು?

ಆಂಧ್ರದಲ್ಲಿ ಕಡಿಮೆ ದರ

ಆಂಧ್ರ ಪ್ರದೇಶದಲ್ಲಿ RRR ಟಿಕೆಟ್ ದರಗಳು ಕಡಿಮೆ ಇವೆ. ಆಂಧ್ರದಲ್ಲಿ ಸರ್ಕಾರವು ಚಿತ್ರಮಂದಿರಗಳ ಟಿಕೆಟ್ ದರ ಹೆಚ್ಚಳದ ಮೇಲೆ ನಿಯಂತ್ರಣ ಹೇರಿತ್ತು. ತೆಲುಗು ಚಿತ್ರರಂಗದ ಪ್ರಮುಖರ ಮನವಿಯ ಬಳಿಕ ಬಿಗ್ ಬಜೆಟ್‌ ಸಿನಿಮಾಗಳಿಗೆ ಟಿಕೆಟ್ ದರವನ್ನು ಕೆಲವು ವಾರಗಳ ವರೆಗೆ ಹೆಚ್ಚಿಸಲು ಅವಕಾಶ ನೀಡಲಾಗಿದೆ, ಅದರಂತೆ RRR ಸಿನಿಮಾಕ್ಕೆ ಟಿಕೆಟ್ ದರಗಳನ್ನು ಹೆಚ್ಚಿಸಲಾಗಿದೆಯಾದರೂ ಇತರೆ ಕೆಲ ರಾಜ್ಯಗಳಿಗೆ ಹೋಲಿಸಿರೆ ಈಗಲೂ ಅಲ್ಲಿ ಟಿಕೆಟ್ ದರಗಳು ಕಡಿಮೆಯೇ ಇವೆ. ರಿಕ್ಲೈನರ್‌ ಸೀಟುಗಳ ಬೆಲೆಯಷ್ಟೆ ಕೆಲವು ಚಿತ್ರಮಂದಿರಗಳಲ್ಲಿ 300 ರುಪಾಯಿಗಳಿವೆ ಇನ್ನುಳಿದಂತೆ ಉಳಿದ ಬಹುತೇಕ ಚಿತ್ರಮಂದಿರಗಳಲ್ಲಿ ಟಿಕೆಟ್ ದರ 200 ಕ್ಕಿಂತಲೂ ಕಡಿಮೆಯೇ ಇದೆ.

ತೆಲಂಗಾಣದಲ್ಲಿ ಟಿಕೆಟ್ ದರ ದುಬಾರಿ

ಇದೇ ಮೊದಲ ಬಾರಿಗೆ ತೆಲಂಗಾಣ ರಾಜ್ಯದಲ್ಲಿ ದುಬಾರಿ ಮೊತ್ತದ ಟಿಕೆಟ್ ಬೆಲೆಯನ್ನು ಸಿನಿಮಾ ಒಂದಕ್ಕೆ ನಿಗದಿಪಡಿಸಲಾಗಿದೆ. ಆಂಧ್ರದಂತೆಯೇ ತೆಲಂಗಾಣದಲ್ಲಿಯೂ ಟಿಕೆಟ್ ದರಗಳು ಈ ಮೊದಲು ಕಡಿಮೆ ಇತ್ತು. ಆದರೆ ಆಂಧ್ರದಲ್ಲಿ ಟಿಕೆಟ್ ದರಗಳನ್ನು ಕಡಿಮೆ ಮಾಡಿದ್ದರಿಂದ ಅಲ್ಲಿ ಆಗಬಹುದಾದ ನಷ್ಟವನ್ನು ಸರಿದೂಗಿಸಿಕೊಳ್ಳಲು ತೆಲಂಗಾಣದ ಚಿತ್ರಮಂದಿರಗಳ ಟಿಕೆಟ್ ದರವನ್ನು ಭಾರಿಯಾಗಿ ಹೆಚ್ಚಿಸಲಾಗಿದೆ. ಹೈದರಾಬಾದ್‌ನಲ್ಲಿ ಬಹುತೇಕ ಚಿತ್ರಮಂದಿರಗಳಲ್ಲಿ ಪ್ರಾರಂಭಿಕ ಟಿಕೆಟ್ ದರವೇ 300 ರುಪಾಯಿಗಳಿವೆ. ಕೆಲವೆಡೆ 500 ರುಪಾಯಿ ಸಹ ದರ ಇದೆ. ಸಿಂಗಲ್‌ ಸ್ಕ್ರೀನ್‌ಗಳಲ್ಲಿ ಕೆಲವೆಡೆಯಷ್ಟೆ ಟಿಕೆಟ್ ದರ ಕಡಿಮೆಗೆ ನಿಗದಿಪಡಿಸಲಾಗಿದೆ.

ತಮಿಳುನಾಡಿನಲ್ಲಿ ಅತಿ ಕಡಿಮೆ ಬೆಲೆ

ತಮಿಳುನಾಡು ರಾಜ್ಯದಲ್ಲಿ RRR ಟಿಕೆಟ್ ಬೆಲೆ ಅತಿ ಕಡಿಮೆ ಬೆಲೆಗೆ ಲಭ್ಯವಿದೆ. 'RRR' ಸಿನಿಮಾದ ತಮಿಳು ಆವೃತ್ತಿಯ 2ಡಿ ವರ್ಷನ್‌ ಟಿಕೆಟ್‌ನ ಬೆಲೆ ಚೆನ್ನೈನ ಯಾವುದೇ ಚಿತ್ರಮಂದಿರದಲ್ಲಿಯೂ 200 ರುಪಾಯಿಗಿಂತಲೂ ಹೆಚ್ಚಿಲ್ಲ. ಬಹುತೇಕ ಚಿತ್ರಮಂದಿರಗಳಲ್ಲಿ 190 ರುಪಾಯಿಯ ಬೆಲೆಗೆ ಟಿಕೆಟ್ ಮಾರಾಟವಾಗುತ್ತಿದೆ. ತಮಿಳಿನ 3 ಡಿ ವರ್ಷನ್‌ಗೆ ಮಾತ್ರ ಕೆಲವು ಚಿತ್ರಮಂದಿರಗಳಲ್ಲಿ 220 ರುಪಾಯಿಗಳನ್ನು ಪಡೆಯಲಾಗುತ್ತಿದೆ. ಇಡೀ ದೇಶದಲ್ಲಿ ಅತ್ಯಂತ ಕಡಿಮೆ ಬೆಲೆಗೆ ಸಿನಿಮಾ ನೋಡಬಹುದು ತಮಿಳುನಾಡಿನಲ್ಲಿ.

ಕೇರಳದಲ್ಲಿ RRR ಹವಾ ಬಹು ಕಡಿಮೆ

ಕೇರಳ ರಾಜ್ಯದಲ್ಲಿ RRR ಹವಾ ಬಹಳ ಕಡಿಮೆ ಇದೆ. ಕರ್ನಾಟಕ, ಆಂಧ್ರ, ತೆಲಂಗಾಣದಲ್ಲಿ ಸಿನಿಮಾ ಟಿಕೆಟ್‌ಗಳು ಈಗಾಗಲೇ ಸೋಲ್ಡ್ ಆಗಿವೆ ಆದರೆ ಕೇರಳದ ಕೊಚ್ಚಿಯಲ್ಲಿ ಸಿನಿಮಾ ಟಿಕೆಟ್‌ ಅಡ್ವಾನ್ಸ್ ಬುಕಿಂಗ್ ಆಗಿಲ್ಲ. ಅಲ್ಲಿ ಟಿಕೆಟ್ ದರಗಳು ಸಹ ಸಾಧಾರಣವಾಗಿಯೇ ಇವೆ. ಅಲ್ಲಿ ಯಾವ ಚಿತ್ರಮಂದಿರಗಳೂ 200 ಕ್ಕಿಂತಲೂ ಹೆಚ್ಚಿನ ಬೆಲೆಗೆ ಟಿಕೆಟ್ ಮಾರಾಟ ಮಾಡುತ್ತಿಲ್ಲ. ಬೆರಳಿಣೆಕೆ ಚಿತ್ರಮಂದಿರಗಳಷ್ಟೆ 220 ಕ್ಕೆ ಟಿಕೆಟ್ ಮಾರಾಟ ಮಾಡುತ್ತಿವೆ.

ಮುಂಬೈ, ಅಹ್ಮದಾಬಾದ್‌ನಲ್ಲಿ ಮಹಾ ದುಬಾರಿ

ಗುಜರಾತ್‌ನ ಅಹ್ಮದಾಬಾದ್‌ನ ಎರಡು ಚಿತ್ರಮಂದಿರಗಳಲ್ಲಿ 'RRR' ಒಂದು ಟಿಕೆಟ್ ಬೆಲೆ 800 ರುಪಾಯಿಗೂ ಅಧಿಕವಿದೆ. ಆದರೆ ಇನ್ನುಳಿದ ಚಿತ್ರಮಂದಿರಗಳಲ್ಲಿ ಸರಾಸರಿ ಬೆಲೆ 250-300 ರ ಮಧ್ಯದಲ್ಲಿದೆ. ಕೆಲವು ಚಿತ್ರಮಂದಿರಗಳಲ್ಲಿ 150 ಕ್ಕೂ ಟಿಕೆಟ್ ಲಭ್ಯವಿದೆ. ಇನ್ನು ಮುಂಬೈನಲ್ಲಿ ಕೆಲ ಚಿತ್ರಮಂದಿರಗಳಲ್ಲಿ ವಿಶೇಷ ಶೋ ಟಿಕೆಟ್ ಅನ್ನು 1500-1900 ರುಪಾಯಿಗೆ ಮಾರಾಟ ಮಾಡಲಾಗುತ್ತಿದೆ. ಮುಂಬೈನ ಹಲವು ಚಿತ್ರಮಂದಿರಗಳಲ್ಲಿ ಟಿಕೆಟ್ ದರ 400 ರಿಂದ 600 ರುಪಾಯಿ ಬೆಲೆ ಇದೆ.