ಕತೆಯ ಎಳೆ ಬಹಿರಂಗ: 'ರಾಧೆ-ಶ್ಯಾಂ' ಕೇವಲ ಪ್ರೇಮ ಕತೆಯಲ್ಲ

'ರಾಧೆ-ಶ್ಯಾಂ' ಸಿನಿಮಾದ ಕತೆಯ ಎಳೆ ಬಿಟ್ಟುಕೊಟ್ಟ ನಟ

'ರಾಧೆ-ಶ್ಯಾಂ' ಸಿನಿಮಾದಲ್ಲಿ ಖ್ಯಾತ ನಟ ಸಚಿನ್ ಖೆಡೇಕರ್ ಅವರೂ ನಟಿಸಿದ್ದು, ಮಾಧ್ಯಮಗಳೊಟ್ಟಿಗೆ ರಾಧೆ-ಶ್ಯಾಂ ಅನುಭವದ ಬಗ್ಗೆ ಮಾತನಾಡುತ್ತಾ, 'ಇದೊಂದು ಪ್ರೇಮಕತೆ ಹೌದು. ಅದರ ಜೊತೆಗೆ ವಿಜ್ಞಾನ ಮತ್ತು ಜೋತಿಷ್ಯ ಶಾಸ್ತ್ರದ ನಡುವಿನ ತಿಕ್ಕಾಟದ ಕತೆಯೂ ಇದೆ' ಎಂದು ಗುಟ್ಟು ಬಿಟ್ಟುಕೊಟ್ಟಿದ್ದಾರೆ.

ವಿಜ್ಞಾನ-ಜ್ಯೋತಿಷ್ಯದ ನಡುವೆ ತಿಕ್ಕಾಟ

ಸಿನಿಮಾದಲ್ಲಿ ವಿಜ್ಞಾನ ಮತ್ತು ಜ್ಯೋತಿಷ್ಯ ಶಾಸ್ತ್ರದ ನಡುವೆ ತಿಕ್ಕಾಟದ ಕತೆಯೂ ಇರಲಿದೆ ಎಂಬ ಸಚಿನ್ ಖೆಡೇಕರ್ ಅವರ ಮಾತು, 'ರಾಧೆ-ಶ್ಯಾಂ' ಸಿನಿಮಾದ ಬಗ್ಗೆ ಕುತೂಹಲವನ್ನು ನೂರ್ಮಡಿಗೊಳಿಸಿದೆ. ಸಿನಿಮಾದಲ್ಲಿ ಪ್ರೀತಿ-ಪ್ರೇಮದ ಜೊತೆಗೆ ಥ್ರಿಲ್ಲರ್ ಸಹ ಇರಲಿದೆಯೇ ಎಂಬ ಅನುಮಾನ ಹೆಚ್ಚಾಗಿದೆ.

ಪ್ರಭಾಸ್ ಪಾತ್ರದ ಬಗ್ಗೆಯೂ ಗುಟ್ಟು ಬಿಟ್ಟುಕೊಟ್ಟ ನಟ

'ಪ್ರಭಾಸ್‌ಗೆ ತಮ್ಮ ಭವಿಷ್ಯದ ಎಲ್ಲವೂ ಗೊತ್ತಿರುತ್ತದೆ. ಅವರಿಗೆ ಮುಂದೆ ಏನಾಗುತ್ತದೆ ಎಂಬುದು ಗೊತ್ತಿರುತ್ತದೆ' ಎಂದು ಪ್ರಭಾಸ್ ಪಾತ್ರದ ಬಗ್ಗೆಯೂ ಗುಟ್ಟು ಬಿಟ್ಟುಕೊಟ್ಟಿದ್ದಾರೆ ನಟ ಸಚಿನ್ ಖೆಡೇಕರ್. ನಟ ಸಚಿನ್ ಅವರು ಸಿನಿಮಾದಲ್ಲಿ ವೈದ್ಯನ ಪಾತ್ರದಲ್ಲಿ ನಟಿಸಿದ್ದಾರಂತೆ.

Recommended Video

ಪ್ರಶಾಂತ್ ನೀಲ್ ಹೇಳಿದ ಸುಳ್ಳನ್ನು ಮಾದ್ಯಮಗಳ ಮುಂದೆ ಬಿಚ್ಚಿಟ್ಟ ರವಿ ಬಸ್ರೂರ್

ಸಿನಿಮಾದ ಬಿಡುಗಡೆ ದಿನಾಂಕ ಘೋಷಣೆ ಆಗಲಿದೆ

'ರಾಧೆ-ಶ್ಯಾಂ' ಸಿನಿಮಾದಲ್ಲಿ ಪ್ರಭಾಸ್ ಹಾಗೂ ಪೂಜಾ ಹೆಗ್ಡೆ ನಟಿಸಿದ್ದಾರೆ. ಸಿನಿಮಾವು ಪ್ಯಾರಿಸ್‌ನಲ್ಲಿ ಚಿತ್ರೀಕರಣಗೊಂಡಿದೆ. ಸಿನಿಮಾದ ಟೀಸರ್ ಪ್ರೇಮಿಗಳ ದಿನ ಬಿಡುಗಡೆ ಆಗಲಿದ್ದು, ಅದೇ ದಿನ ಸಿನಿಮಾದ ಬಿಡುಗಡೆ ದಿನಾಂಕವನ್ನೂ ಘೋಷಿಸಲಾಗುತ್ತದೆ. ಸಿನಿಮಾವನ್ನು ರಾಧಾ ಕೃಷ್ಣ ಕುಮಾರ್ ನಿರ್ದೇಶಿಸಿದ್ದಾರೆ.