ಸಾಯಿ ಪಲ್ಲವಿ- ನಾಗಚೈತನ್ಯ ಲವ್ ಸ್ಟೋರಿ ಭಾರಿ ಮೊತ್ತಕ್ಕೆ ಮಾರಾಟ

16 ಕೋಟಿ ರೂ.ಗೆ ಮಾರಾಟ

ಚಿತ್ರದ ಡಿಜಿಟಲ್ ಹಕ್ಕು, ಉಪಗ್ರಹ ಹಕ್ಕು ಮತ್ತು ಹಿಂದಿ ಡಬ್ಬಿಂಗ್ ಹಕ್ಕುಗಳನ್ನು 16 ಕೋಟಿ ರೂ.ಗಳಷ್ಟು ಭಾರಿ ಮೊತ್ತದ ಹಣಕ್ಕೆ ಮಾರಾಟವಾಗಿದೆ ಎಂದು ವರದಿಯಾಗಿದೆ. ಇನ್ನೂ ಚಿತ್ರೀಕರಣ ಹಂತದಲ್ಲಿರುವ ಸಿನಿಮಾಕ್ಕೆ ಇಷ್ಟು ಬೇಡಿಕೆ ಬಂದಿರುವುದು ವಿಶೇಷ.

ಅಲ್ಲು ಅರ್ಜುನ್ 'ಆಹಾ'

'ಲವ್ ಸ್ಟೋರಿ' ಚಿತ್ರದ ಡಿಜಿಟಲ್ ಪ್ರಸಾರದ ಹಕ್ಕುಗಳನ್ನು ನಟ ಅಲ್ಲು ಅರ್ಜುನ್ ಮಾಲೀಕತ್ವದ 'ಆಹಾ' ಒಟಿಟಿ ಪ್ಲಾಟ್‌ಫಾರ್ಮ್ ಖರೀದಿಸಿದೆ. ಹಾಗೆಯೇ ಸ್ಟಾರ್ ಮಾ ವಾಹಿನಿ ಅದರ ಉಪಗ್ರಹ ಪ್ರಸಾರದ ಹಕ್ಕುಗಳನ್ನು ಪಡೆದುಕೊಂಡಿದೆ.

ಮರ್ಯಾದಾ ಹತ್ಯೆಯ ಕಥೆ

ಲವ್ ಸ್ಟೋರಿ ಸಿನಿಮಾ ಒಂದು ರೊಮ್ಯಾಂಟಿಕ್ ಎಮೋಷನಲ್ ಡ್ರಾಮಾ ಕಥೆಯಾಗಿದೆ. ಈ ಚಿತ್ರದಲ್ಲಿ ನಿರ್ದೇಶಕ ಶೇಖರ್ ಅವರು ಮರ್ಯಾದಾ ಹತ್ಯೆಯಂತಹ ಗಂಭೀರ ಸಮಸ್ಯೆಯ ವಿರುದ್ಧ ಕಠಿಣವಾದ ಸಂದೇಶವನ್ನು ನೀಡಿದ್ದಾರೆ ಎನ್ನಲಾಗಿದೆ.

ಪ್ರೀತಿ-ಪ್ರೇಮದ ಕಿತ್ತಾಟ

ಪ್ರೀತಿ ಪ್ರೇಮದ ಸಂಗತಿಗಳಲ್ಲಿ ನಂಬಿಕೆ ಇರಿಸದ, ಅಂತಹ ವಿಷಯಗಳನ್ನು ವಿರೋಧಿಸುವ ಸಂಪ್ರದಾಯಸ್ಥ ಕುಟುಂಬದ ಯುವತಿಯಾಗಿ ಸಾಯಿ ಪಲ್ಲವಿ ನಟಿಸಿದ್ದು, ಅವರನ್ನು ಪ್ರೀತಿಸುವ ಯುವಕನ ಪಾತ್ರದಲ್ಲಿ ನಾಗಚೈತನ್ಯ ಕಾಣಿಸಿಕೊಂಡಿದ್ದಾರೆ. ಸಿನಿಮಾ ಚಿತ್ರೀಕರಣದ ಕೊನೆಯ ಹಂತ ಬಾಕಿ ಇದೆ. ಮುಂದಿನ ವರ್ಷ ತೆರೆಕಾಣುವ ನಿರೀಕ್ಷೆಯಿದೆ.