Samantha: ಮಣಿರತ್ನಂ 'ರೋಜಾ' ಚಿತ್ರಕ್ಕಾಗಿ ಸಮಂತಾ, ವಿಜಯ್ ದೇವರಕೊಂಡ ಭರ್ಜರಿ ತಯಾರಿ!

'ರೋಜಾ' ಚಿತ್ರದ ಹೊಸ ಅವತರಣಿಕೆ ಆರಂಭ!

ಖ್ಯಾತ ನಿರ್ದೇಶಕ ಮಣಿರತ್ನಂ ಮಾಡಿರುವ 'ರೋಜಾ' ಸಿನಿಮಾ ನೆನಪಿದೆಯಾ? 1992ರಲ್ಲಿ ಬಂದ ಸಿನಿಮಾ ಈಗ ಮತ್ತೆ ಸದ್ದು ಮಾಡುತ್ತಿದೆ. ದಶಕಗಳ ನಂತರ ಈ ಸಿನಿಮಾ ಕಥೆಯನ್ನು ಮತ್ತೆ ತೆರೆಯ ಮೇಲೆ ನೋಡ ಬಹುದಾಗಿದೆ. ಹಾಗಂತ 'ರೋಜಾ' ಸಿನಿಮಾವನ್ನು ಈಗ ಮತ್ತೆ ರಿಮೇಕ್ ಮಾಡುತ್ತಿಲ್ಲ. ಆದರೆ ಅದೇ ಕತೆಯನ್ನು ಈಗಿನ ಜನರೇಷನ್‌ಗೆ ಹೋಲಿಕೆ ಮಾಡಿದರೆ ಹೇಗೆ ಇರುತ್ತದೆ ಎನ್ನುವ ಕಥೆಯನ್ನು ಹೇಳಲು ನಟಿ ಸಮಂತಾ ಮತ್ತು ವಿಜಯ್ ದೇವರಕೊಂಡ ಬರ್ತಿದ್ದಾರೆ.

ವಿಜಯ್‌ ದೇವರಕೊಂಡಗೆ ಸಮಂತಾ 'ರೋಜಾ'!

ನಟಿ ಸಮಂತಾ ಮತ್ತು ವಿಜಯ್ ದೇವರಕೊಂಡ ಕಾಂಬಿನೇಷನ್‌ನಲ್ಲಿ ಸಿನಿಮಾ ಬರುತ್ತಿದೆ. ಈ ಚಿತ್ರಕ್ಕೆ ಈ ಹಿಂದೆ ಸಮಂತಾ ನಾಗಚೈತನ್ಯ ಅಭಿನಯದ 'ಮಜಿಲಿ' ಚಿತ್ರವನ್ನು ನಿರ್ದೇಶನ ಮಾಡಿದ್ದ ಶಿವನಿರ್ವಾಣ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಈ ಚಿತ್ರವನ್ನು 'ರೋಜಾ' ಸಿನಿಮಾ ಮಾದರಿಯಲ್ಲೇ ಹೆಚ್ಚಾಗಿ ಕಾಶ್ಮೀರದ ಹಿನ್ನೆಯಲ್ಲಿ ಚಿತ್ರೀಕರಿಸಲಾಗುತ್ತದೆಯಂತೆ. ಈ ಚಿತ್ರ ಪ್ರೇಮಕಥೆಯನ್ನು ಆಧರಿಸಿದ್ದು, ಹಳೆ ರೋಜಾ ಸಿನಿಮಾವನ್ನು ನೆನಪಿಸಲಿದೆಯಂತೆ.

ವಿಜಯ್ ದೇವರಕೊಂಡ ಜೊತೆಗೆ ಸಮಂತಾ ರೊಮ್ಯಾನ್ಸ್!

ಇನ್ನು ಚಿತ್ರದಲ್ಲಿ ಹೆಚ್ಚಾಗಿ ಪ್ರೀತಿ, ಪ್ರೇಮ, ಪ್ರಣಯ ಇರಲಿದೆಯಂತೆ. ಈ ಚಿತ್ರದ ಮೂಲಕ ಸಮಂತಾ ವಿಜಯ್ ದೇವರಕೊಂಡ ಜೊತೆಗೆ ತೆರೆಯ ಮೇಲೆ ರೊಮ್ಯಾನ್ಸ್ ಮಾಡಲಿದ್ದಾರೆ. ಈ ಹಿಂದೆ ಮಹಾನಟಿಯಲ್ಲಿ ಇವರ ಜೋಡಿಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಈಗ ಇವರು ರೊಮ್ಯಾಂಟಿಕ್ ಲವ್‌ ಕಹಾನಿಯ ಮೂಲಕ ಒಟ್ಟಿಗೆ ಬರುತ್ತಿದ್ದಾರೆ. ಹಾಗಾಗಿ ಸಮಂತಾ ಹಾಗೂ ವಿಜಯ್ ಪಾತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ.

ಸಮಂತಾಗೂ ಮೊದಲು ಕಿಯಾರಾ ಆಯ್ಕೆ!

ಸಮಂತಾಗಿಂತಲೂ ಮೊದಲು ಈ ಚಿತ್ರಕ್ಕೆ ಬಾಲಿವುಡ್‌ ನಟಿ ಕಿಯಾರಾ ಅಡ್ವಾಣಿ ಆಯ್ಕೆ ಆಗಿದ್ದರಂತೆ. ನಂತರ ಕಿಯಾರಾಳನ್ನು ಕೈ ಬಿಟ್ಟು ಸಮಂತಾ ಮೊರೆ ಹೋಗಿದೆಯಂತೆ ಸಿನಿಮಾ ತಂಡ. ಸದ್ಯ ಸಮಂತಾ ಅಭಿನಯದ ಮೂರು ಸಿನಿಮಾಗಳು ತೆರೆಗೆ ಬರಬೇಕಿದೆ. ಈ ನಡುವೆ ಸಮಂತಾ ಹೊಸ ಸಿನಿಮಾ ಪ್ರಕಟ ಆಗಿದೆ. ಈ ಚಿತ್ರದಲ್ಲಿ ಸಮಂತಾ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ಸಿನಿಮಾದ ಲುಕ್ ರಿವೀಲ್ ಆದ ಬಳಿಕ ಗೊತ್ತಾಗಲಿದೆ.