ಶ್ರುತಿ ಹಾಸನ್-ಅಕ್ಷರಾ ಜೊತೆ ರಾಣಾ ದಗ್ಗುಬಾಟಿ ಹೊಸ ಪ್ರಾಜೆಕ್ಟ್?

'ಸಲಾರ್' ಚಿತ್ರದಲ್ಲಿ ಶ್ರುತಿ ಹಾಸನ್

ಪವನ್ ಕಲ್ಯಾಣ್ ಜೊತೆ 'ವಕೀಲ್ ಸಾಬ್' ಚಿತ್ರದಲ್ಲಿ ಶ್ರುತಿ ಹಾಸನ್ ನಟಿಸಿದ್ದರು. ಕಳೆದ ವಾರವಷ್ಟೇ ತೆರೆಕಂಡಿರುವ ಲಾಭಂ ಚಿತ್ರದಲ್ಲಿ ವಿಜಯ್ ಸೇತುಪತಿ ಜೊತೆ ಕಾಣಿಸಿಕೊಂಡಿದ್ದರು. ಪ್ರಸ್ತುತ ಪ್ರಶಾಂತ್ ನೀಲ್ ಹಾಗೂ ಪ್ರಭಾಸ್ ಕಾಂಬಿನೇಷನ್‌ನಲ್ಲಿ ತಯಾರಾಗುತ್ತಿರುವ ಸಲಾರ್ ಸಿನಿಮಾದಲ್ಲಿ ಶ್ರುತಿ ಹಾಸನ್ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ಎರಡು ಹಂತದ ಶೂಟಿಂಗ್ ನಡೆದಿದ್ದು, ಹೈದರಾಬಾದ್‌ನಲ್ಲಿ ಮೂರನೇ ಶೆಡ್ಯೂಲ್ ಚಿತ್ರೀಕರಣ ನಡೆಯುತ್ತಿದೆ.

'ಭಿಮ್ಲಾ ನಾಯಕ್' ಫಸ್ಟ್ ಲುಕ್

ಹಿಂದಿಯಲ್ಲಿ 'ಹಾತಿ ಮೇರಾ ಸಾತಿ' ಹಾಗೂ ತೆಲುಗಿನಲ್ಲಿ ವಿರಾಟ ಪರ್ವಂ ಸಿನಿಮಾ ಬಿಡುಗಡೆಯಾಗಬೇಕಿದೆ. ಪವನ್ ಕಲ್ಯಾಣ್ ಜೊತೆ ಭಿಮ್ಲಾ ನಾಯಕ್ ಚಿತ್ರದಲ್ಲಿ ರಾಣಾ ದಗ್ಗುಬಾಟಿ ಪ್ರಮುಖ ಪಾತ್ರ ನಿರ್ವಹಿಸುತ್ತಿದ್ದಾರೆ. ಇದು ಮಲಯಾಳಂನ ಹಿಟ್ ಚಿತ್ರದ 'ಅಯ್ಯಪ್ಪನುಂ ಕೋಶಿಯುಂ' ತೆಲುಗು ರಿಮೇಕ್. ಸೆಪ್ಟೆಂಬರ್ 20 ರಂದು ಭಿಮ್ಲಾ ನಾಯಕ್ ಚಿತ್ರದಲ್ಲಿ ರಾಣಾ ಫಸ್ಟ್ ಲುಕ್ ಪೋಸ್ಟರ್ ರಿಲೀಸ್ ಆಗಲಿದೆ. ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಜನವರಿ 12 ರಂದು ಈ ಚಿತ್ರ ತೆರೆಗೆ ಬರ್ತಿದೆ.

ಅಟ್ಲಿ-ಶಾರೂಖ್ ಚಿತ್ರದಲ್ಲಿ ರಾಣಾ

ಶಾರೂಖ್ ಖಾನ್ ಮತ್ತು ಅಟ್ಲಿ ಕಾಂಬಿನೇಷನ್‌ನಲ್ಲಿ ಮೂಡಿ ಬರುತ್ತಿರುವ 'ಲಯನ್' ಚಿತ್ರದಲ್ಲಿ ರಾಣಾ ದಗ್ಗುಬಾಟಿ ವಿಶೇಷ ಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ. ಆದರೆ, ಈ ಬಗ್ಗೆ ಅಧಿಕೃತ ಮಾಹಿತಿ ಇಲ್ಲ. ಶಾರೂಖ್ ಖಾನ್‌ಗೆ ಈ ಚಿತ್ರದಲ್ಲಿ ನಯನತಾರಾ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ.

ಶ್ರುತಿ ಹಾಸನ್ ಸಹೋದರಿ ಅಕ್ಷರಾ

2015ರಲ್ಲಿ ಶಮಿತಾಭ್ ಚಿತ್ರದೊಂದಿಗೆ ಸಿನಿಮಾ ಇಂಡಸ್ಟ್ರಿ ಪ್ರವೇಶಿಸಿದ ಅಕ್ಷರಾ ಹಾಸನ್ ಕೆಲವೇ ಚಿತ್ರಗಳಲ್ಲಿ ನಟಿಸಿದರು. ಅಜಿತ್ ಜೊತೆ ವಿವೇಗಂ ಸಿನಿಮಾ ಮಾಡಿದರು. ಪ್ರಸ್ತುತ, 'ಅಚ್ಚಂ ಮೇಡಂ ನಾನಂ ಪಾಯಿರ್ಪು' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಇನ್ನು ಬಿಡುಗಡೆಯಾಗಿಲ್ಲ.

ರಾಣಾ-ಶ್ರುತಿ ಒಳ್ಳೆಯ ಸ್ನೇಹಿತರು

ರಾಣಾ ದಗ್ಗುಬಾಟಿ ಮತ್ತು ಶ್ರುತಿ ಹಾಸನ್ ಮೊದಲಿನಿಂದಲೂ ಒಳ್ಳೆಯ ಸ್ನೇಹಿತರು. ವಿದೇಶಿ ಹುಡುಗನ ಜೊತೆ ಶ್ರುತಿ ಹಾಸನ್ ಡೇಟಿಂಗ್ ಮಾಡ್ತಿದ್ದರು. ಇಬ್ಬರು ಮದುವೆಯಾಗ್ತಾರೆ ಎಂದು ಸುದ್ದಿಯಾಗಿತ್ತು. ಆ ನಂತರ ಇವರಿಬ್ಬರ ಲವ್ ಬ್ರೇಕ್ ಅಪ್ ಆಗಿದೆ ಎನ್ನುವುದು ಬಹಿರಂಗವಾಗಿದೆ.