ಟ್ರೆಂಡ್ ಸೆಟ್ ಮಾಡಿದ 'ಅರ್ಜುನ್ ರೆಡ್ಡಿ' ಒಟ್ಟಾರೆ ಗಳಿಸಿದ ಹಣವೆಷ್ಟು?

ದೇವರಕೊಂಡ-ಶಾಲಿನಿಗೆ ಲೈಫ್ ಕೊಟ್ಟ ಚಿತ್ರ

ವಿಜಯ್ ದೇವರಕೊಂಡ ಮತ್ತು ಚಿತ್ರದ ನಾಯಕಿ ಶಾಲಿನಿ ಪಾಂಡೆ ಅರ್ಜುನ್ ರೆಡ್ಡಿ ಲೈಫ್ ಕೊಡ್ತು. ಸಂದೀಪ್ ರೆಡ್ಡಿ ವಂಗಾ ಈ ಚಿತ್ರ ನಿರ್ದೇಶಿಸಿದ್ದರು. ಆಗಸ್ಟ್ 24ಕ್ಕೆ ಈ ಸಿನಿಮಾ ಬಂದು ನಾಲ್ಕು ವರ್ಷ ಕಳೆಯಿತು. ಈ ವಿಶೇಷವಾಗಿ ನಟಿ ಶಾಲಿನಿ ಪಾಂಡೆ ಸಂತಸ ವ್ಯಕ್ತಪಡಿಸಿದ್ದರು. "ನಾನು ಅರ್ಜುನ್ ರೆಡ್ಡಿ ಚಿತ್ರಕ್ಕೆ ಋಣಿಯಾಗಿದ್ದೀನಿ. ಯಾಕೆಂದರೆ ಅದು ನನ್ನನ್ನು ಅದ್ಭುತ ನಟಿಯಾಗಿ ಒಂದು ನಕ್ಷೆಯಲ್ಲಿ ಇರಿಸಿದೆ. ನಾನು ಅತ್ಯಂತ ಹೆಮ್ಮೆಪಡುವಂತ ನಟನೆ ಮಾಡಲು ನಾನು ಎಷ್ಟು ಸಾಧ್ಯವಾಗುತ್ತೋ ಅಷ್ಟು ಪ್ರಯತ್ನ ಮಾಡಿದ್ದೇನೆ. ಪ್ರೇಕ್ಷಕರು ನನ್ನ ಪಾತ್ರವನ್ನು ಮೆಚ್ಚಿದ್ದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ" ಎಂದಿದ್ದರು.

ಕಲೆಕ್ಷನ್ ವಿವರ ಇಲ್ಲಿದೆ

'ಅರ್ಜುನ್ ರೆಡ್ಡಿ' ಸಿನಿಮಾದ ಗಳಿಕೆ ಅಷ್ಟು ದೊಡ್ಡದೇನು ಅಲ್ಲ. ಆದರೆ ಹೊಸಬರ ಸಿನಿಮಾ ಆ ಮಟ್ಟಕ್ಕೆ ಕ್ರೇಜ್ ಸೃಷ್ಟಿಸಿದ್ದು ಮತ್ತು ಟ್ರೆಂಡ್ ಕ್ರಿಯೇಟ್ ಮಾಡಿದ್ದು ವಿಶೇಷ. ಮೊದಲ ದಿನ ಈ ಚಿತ್ರಕ್ಕೆ 4.64 ಕೋಟಿ ಗಳಿಸಿರುವ ದಾಖಲೆ ಇದೆ. ಮೊದಲ ಮೂರು ದಿನಕ್ಕೆ 11.43 ಕೋಟಿ ಬಾಚಿಕೊಂಡಿದೆ. ಒಂದು ವಾರದ ಮುಕ್ತಾಯಕ್ಕೆ 17.20 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ವರದಿಗಳಲ್ಲಿ ಉಲ್ಲೇಖವಾಗಿದೆ.

ಒಟ್ಟು ಗಳಿಕೆ ಎಷ್ಟು?

'ಅರ್ಜುನ್ ರೆಡ್ಡಿ' ಸಿನಿಮಾ ಆಂಧ್ರಪ್ರದೇಶ ಮತ್ತು ತೆಲಂಗಾಣದಲ್ಲಿ 14.10 ಕೋಟಿ ಗಳಿಸಿದೆ. ಭಾರತದ ಇತರೆ ಪ್ರದೇಶ ಹಾಗೂ ವಿದೇಶದಲ್ಲಿ ಸೇರಿ 7.25 ಕೋಟಿ ಬಾಚಿದೆ. ಒಟ್ಟಾರೆ ವರ್ಲ್ಡ್‌ವೈಡ್ ಕಲೆಕ್ಷನ್ 21.35 ಕೋಟಿ ಬಂದಿದೆ ಎಂದು ತೆಲುಗು ಫಿಲ್ಮಿಬೀಟ್ ವರದಿ ಮಾಡಿದೆ. ರಿಲಿಸ್‌ಗೂ ಮುಂಚೆ 5 ಕೋಟಿ ಪ್ರಿ-ರಿಲೀಸ್ ಬಿಸಿನೆಸ್ ಮಾಡಿತ್ತು. ಹಾಗ್ನೋಡಿದ್ರೆ, 16 ಕೋಟಿವರೆಗೂ ನಿರ್ಮಾಪಕರಿಗೆ ಲಾಭ ತಂದುಕೊಟ್ಟಿದೆಯಂತೆ.

ಪ್ಯಾನ್ ಇಂಡಿಯಾ ಸ್ಟಾರ್

'ಅರ್ಜುನ್ ರೆಡ್ಡಿ' ಸಿನಿಮಾದ ನಂತರ ವಿಜಯ್ ದೇವರಕೊಂಡ ಪ್ಯಾನ್ ಇಂಡಿಯಾ ಸ್ಟಾರ್ ಆದರು. ಈ ಸಿನಿಮಾ ಬೇರೆ ಭಾಷೆಯಲ್ಲಿ ರಿಮೇಕ್‌ಗೆ ಬೇಡಿಕೆ ಹೆಚ್ಚಾಯಿತು. ಹಿಂದಿಯಲ್ಲಿ 'ಕಬೀರ್ ಸಿಂಗ್' ಹೆಸರಿನಲ್ಲಿ ರಿಲೀಸ್ ಆಯಿತು. ಕನ್ನಡದಲ್ಲಿ ಹಕ್ಕು ಸೇಲ್ ಆದರೂ ಸಿನಿಮಾ ಇನ್ನು ತಯಾರಾಗಿಲ್ಲ. ತಮಿಳಿನಲ್ಲಿ ರಿಮೇಕ್ ಆಯ್ತು. ಅರ್ಜುನ್ ರೆಡ್ಡಿ ನಂತರ ಬಂದ 'ಗೀತಾ ಗೋವಿಂದಂ', 'ಡಿಯರ್ ಕಾಮ್ರೇಡ್', 'ವರ್ಲ್ಡ್‌ ಫೇಮಸ್ ಲವರ್' ಅಂತಹ ಹಿಟ್ ಸಿನಿಮಾದಲ್ಲಿ ದೇವರಕೊಂಡ ನಟಿಸಿದರು. ಈಗ ಪೂರಿ ಜಗನ್ನಾಥ್ ಜೊತೆ 'ಲೈಗರ್' ಸಿನಿಮಾ ಮಾಡ್ತಿದ್ದಾರೆ. ಆ ಕಡೆ ಶಾಲಿನಿ ಪಾಂಡೆ ಬಾಲಿವುಡ್ ಪ್ರವೇಶಿಸಿದ್ದು, ರಣ್ವೀರ್ ಸಿಂಗ್ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ.