ಗನ್ ಹಿಡ್ದು 'ಸೈಂಧವ'ನಾಗಿ ಕನ್ನಡಕ್ಕೂ ಬರ್ತಿದ್ದಾರೆ ವಿಕ್ಟರಿ ವೆಂಕಟೇಶ್

ಕುತೂಹಲಭರಿತ ಟೀಸರ್

ಚಂದ್ರಪ್ರಸ್ಥ ಎನ್ನುವ ಬಂದರು ನಗರಿಯಲ್ಲಿ ವೆಂಕಟೇಶ್ ನಡೆದುಕೊಂಡು ಹೋಗಿ ಬೈಕ್‌ ಮೇಲೆ ಇರುವ ಒಂದು ಬಾಕ್ಸ್ ಓಪನ್ ಮಾಡುತ್ತಾರೆ. ಅದರಲ್ಲಿ ಮೆಡಿಸಿನ್ ವೈಲ್ ಇರುತ್ತೆ. ಅದನ್ನು ತೆಗೆದುಕೊಂಡು ಕಂಟೇನರ್ ಒಳಗೆ ಹೋದ ವೆಂಕಿ ಒಂದು ಗನ್ ಹಿಡ್ದು ಹೊರಗೆ ಬರ್ತಾರೆ. ಎದುರಿಗೆ ಬಿದ್ದು ಒದ್ದಾಡುತ್ತಿರುವ ಪುಂಡರನ್ನು ನೋಡಿ "ನಾನು ಇಲ್ಲೇ ಇರ್ತೀನಿ, ಎಲ್ಲೂ ಹೋಗಲ್ಲ, ಬರೋಕೆ ಹೇಳು" ಎಂದು ವಾರ್ನಿಂಗ್ ಕೊಟ್ಟಿದ್ದಾರೆ. ಟೀಸರ್ ಬಿಜಿಎಂ, ಹೀರೊ ಪ್ರಸೆಂಟೇಷನ್ ಚೆನ್ನಾಗಿದೆ ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ.

5 ಭಾಷೆಗಳಲ್ಲಿ 'ಸೈಂಧವ್' ಚಿತ್ರ ತೆರೆಗೆ

ಮೊದಲ ನೋಟದಲ್ಲೇ 'ಸೈಂಧವ್' ಟೀಸರ್ ಅಭಿಮಾನಿಗಳ ಮನ ಗೆದ್ದಿದೆ. ಇದು ವೆಂಕಿ 75ನೇ ಸಿನಿಮಾ ಎನ್ನುವುದು ವಿಶೇಷ. ಈ ಮೈಲಿಗಲ್ಲು ಚಿತ್ರವನ್ನು ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ತೆರೆಗೆ ತರಲಾಗ್ತಿದೆ. ತೆಲುಗಿನ ಜೊತೆಗೆ ಕನ್ನಡ, ಹಿಂದಿ, ತಮಿಳು, ಮಲಯಾಳಂಗೂ ಸಿನಿಮಾ ಡಬ್ ಆಗಿ ರಿಲೀಸ್ ಆಗಲಿದೆ. ನಿಹಾರಿಕಾ ಎಂಟರ್‌ಟೈನ್‌ಮೆಂಟ್ಸ್ ಬ್ಯಾನರ್‌ ಅಡಿಯಲ್ಲಿ ವೆಂಕಟೇಶ್ ಬೋಯನಪಲ್ಲಿ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಬಹಳ ದಿನಗಳ ನಂತರ ವೆಂಕಟೇಶ್ ಆಕ್ಷನ್ ಎಂಟರ್‌ಟೈನರ್ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ.

'ಹಿಟ್- 3' ಪಕ್ಕಕ್ಕಿಟ್ಟ ನಿರ್ದೇಶಕ

'ಹಿಟ್' ಸರಣಿ ಸಿನಿಮಾಗಳ ಮೂಲಕ ನಿರ್ದೇಶಕ ಶೈಲೇಶ್ ಕೊಲನು ಸಕ್ಸಸ್ ಅಲೆಯಲ್ಲಿ ತೇಲುತ್ತಿದ್ದಾರೆ. 'ಹಿಟ್' -2 ಸಕ್ಸಸ್ ಬೆನ್ನಲ್ಲೇ ನಾನಿ ಹೀರೊ ಆಗಿ 'ಹಿಟ್‌- 3' ಸಿನಿಮಾ ಘೋಷಿಸಿದ್ದರು. ಆದರೆ ಆ ಸಿನಿಮಾವನ್ನು ಪಕ್ಕಕ್ಕಿಟ್ಟು 'ಸೈಂಧವ್' ಚಿತ್ರಕ್ಕೆ ಕೈ ಹಾಕಿದ್ದಾರೆ. 'ವಿಕ್ರಂ' ಚಿತ್ರದಲ್ಲಿ ಕಮಲ್ ಗನ್ ಹಿಡ್ದು ಕಾಣಿಸಿಕೊಂಡಂತೆ ಇಲ್ಲಿ ವೆಂಕಿ ದರ್ಶನ ಕೊಟ್ಟಿದ್ದಾರೆ. ಕೆಲವರು 'ಸೈಂಧವ್' ಟಾಲಿವುಡ್ 'ವಿಕ್ರಂ' ಎನ್ನುವಂತೆ ಮಾತನಾಡುತ್ತಿದ್ದಾರೆ.

ಮುಂದಿನ ವರ್ಷ 'ಸೈಂಧವ್' ಅಬ್ಬರ

ಪ್ಯಾನ್ ಇಂಡಿಯಾ ಸಿನಿಮಾಗಳಿಗೆ ಬಂಡವಾಳ ಹೂಡಲು ನಿರ್ಮಾಪಕರು ಹಿಂದೆ ಮುಂದೆ ನೋಡಲ್ಲ. ದೊಡ್ಡಮಟ್ಟದ ಮಾರ್ಕೆಟ್ ಸಿಗುವುದರಿಂದ ಹಣ ವಾಪಸ್ ಬಂದೇ ಬರುತ್ತದೆ ಎನ್ನುವ ಲೆಕ್ಕಾಚಾರ ನಡೆಯುತ್ತದೆ. ಇನ್ನು ಓಟಿಟಿ, ಡಿಜಿಟಲ್ ರೈಟ್ಸ್‌ಗೂ ಡಿಮ್ಯಾಂಡ್ ಬರುತ್ತದೆ. 'ಸೈಂಧವ್' ಚಿತ್ರವನ್ನು ಕೂಡ ಬಹಳ ದೊಡ್ಡಮಟ್ಟದಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಖ್ಯಾತ ನಟ, ನಟಿಯರು ಚಿತ್ರದ ತಾರಾಗಣದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.