ಕನ್ನಡತಿಯ ಮದುವೆಯಾದ ತೆಲುಗು ನಟ ನಾಗಶೌರ್ಯಗೆ ಸಿಕ್ಕ ವರದಕ್ಷಿಣೆ ಎಷ್ಟು?

ಯಶಸ್ವಿ ಉದ್ಯಮಿ ಅನುಷಾ ಶೆಟ್ಟಿ

ನಾಗ ಶೌರ್ಯ ಪತ್ನಿ ಅನುಷಾ ಶೆಟ್ಟಿ ಖ್ಯಾತ ಉದ್ಯಮಿಯ ಪುತ್ರಿ ಆಗಿರುವ ಜೊತೆಗೆ ಸ್ವತಃ ಯಶಸ್ವಿ ಉದ್ಯಮಿಯೂ ಆಗಿದ್ದಾರೆ. ಡಿಸೈನ್ಸ್ ಓಪಿಸಿ ಪ್ರೈವೆಟ್ ಲಿಮಿಟೆಡ್ ಅನ್ನೋ ಖಾಸಗಿ ಸಂಸ್ಥೆಯನ್ನು ನಡೆಸುತ್ತಿದ್ದಾರೆ. ಅನುಷಾ ಶೆಟ್ಟಿಗೆ 2019ರಲ್ಲಿ ಡಿಸೈನರ್ ಆಫ್ ದಿ ಇಯರ್ ಪ್ರಶಸ್ತಿ ಕೂಡ ಲಭಿಸಿದೆ. ಅನುಷಾ ಒಬ್ಬರ ನೆಟ್‌ವರ್ತ್‌ ಸುಮಾರು 80 ಕೋಟಿ ಇದೆ ಎನ್ನಲಾಗುತ್ತಿದೆ. ಬೆಂಗಳೂರಿನ ಜೈನ್ ಯೂನಿವರ್ಸಿಟಿಯಲ್ಲಿ ಬಿ. ಕಾಂ ಪದವಿಯನ್ನು ಮುಗಿಸಿದ್ದಾರೆ. ಅಲ್ಲದೆ ಪಾಂಡಿಚೇರಿ ಯೂನಿವರ್ಸಿಟಿಯಿಂದ ಎಂಬಿಎ ಪದವಿ ಪಡೆದುಕೊಂಡಿದ್ದಾರೆ. ಭಾರತದ ಯುವ ಮಹಿಳಾ ಉದ್ಯಮಿಗಳಲ್ಲಿ ಅನುಷಾ ಕೂಡ ಒಬ್ಬರು.

ಕಾರು ಹಾಗೂ ಮನೆ ಉಡುಗೊರೆ

ನಾಗ ಶೌರ್ಯ ಅನ್ನು ವಿವಾಹವಾಗಿರುವ ಅನುಷಾ ತಮ್ಮ ಸಂಸ್ಥೆಯ ಪಾಲುದಾರಿಕೆಯನ್ನು ನಾಗ ಶೌರ್ಯಗೆ ನೀಡಿದ್ದಾರೆ ಎನ್ನಲಾಗುತ್ತಿದೆ. ಅನುಷಾ ಸಂಸ್ಥೆಯಲ್ಲಿ ನಾಗ ಶೌರ್ಯ ಬಂಡವಾಳ ಹೂಡಿದ್ದಾರೆ ಎಂಬ ಮಾತುಗಳು ಸಹ ಕೇಳಿ ಬರುತ್ತಿವೆ. ಇನ್ನು ಅನುಷಾ ಶೆಟ್ಟಿಯವರ ತಂದೆ, ತಮ್ಮ ಅಳಿಯನಿಗೆ ಬೆಂಗಳೂರಿನಲ್ಲಿ ಎಂಟು ಕೋಟಿ ಮೌಲ್ಯದ ಮನೆಯೊಂದನ್ನು ಉಡುಗೊರೆಯನ್ನಾಗಿ ನೀಡಿದ್ದಾರೆ ಎನ್ನಲಾಗುತ್ತಿದೆ. ಜೊತೆಗೆ ಐಶಾರಾಮಿ ಕಾರೊಂದನ್ನು ಸಹ ಅಳಿಯನಿಗೆ ಉಡುಗೊರೆಯಾಗಿ ಅನುಷಾ ಶೆಟ್ಟಿಯವರ ತಂದೆ ನೀಡಿದ್ದಾರಂತೆ.

ಟಾಲಿವುಡ್‌ನ ಯುವ ನಟ ನಾಗಶೌರ್ಯ

ಟಾಲಿವುಡ್‌ನ ಯುವ ನಟ ನಾಗ ಶೌರ್ಯ ಉದಯೋನ್ಮುಖ ನಟ. ಇನ್ನೂ ಈ ನಟ ನಟಿಸಿದ ಸಿನಿಮಾಗಳು ಬ್ಲಾಕ್‌ಬಸ್ಟರ್ ಹಿಟ್ ಆಗದೇ ಹೋದರೂ, 'ಚಲೋ' ಹಾಗೂ 'ಊಹಲು ಗುಸಗುಸಲಾಡೆ' ಸಿನಿಮಾಗೆ ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ. 'ಕ್ರಿಕೆಟ್ ಗರ್ಲ್ಸ್ & ಬಿಯರ್' ಸಿನಿಮಾ ಮೂಲಕ ಸಿನಿಮಾಗೆ ಎಂಟ್ರಿ ಕೊಟ್ಟ ನಾಗಶೌರ್ಯ ಬಿಗ್ ಹಿಟ್‌ಗಾಗಿ ಎದುರು ನೋಡುತ್ತಿದ್ದಾರೆ. ಸದ್ಯ ಕೈಯಲ್ಲಿ ಎರಡು ಸಿನಿಮಾಗಳಿವೆ. ಇವುಗಳ ಶೂಟಿಂಗ್ ನಡೆಯುತ್ತಿದ್ದು, ಮುಂದಿನ ವರ್ಷ ಸಿನಿಮಾ ಬಿಡುಗಡೆಯಾಗುತ್ತಿದೆ.