ಅತಿ ಹೆಚ್ಚು ಗಳಿಕೆ ಹೊಂದಿರುವ ತೆಲುಗು ನಿರೂಪಕಿಯರು ಯಾರು?

ಟಿವಿ, ಸಿನಿಮಾ ಲೋಕ ಎರಡಕ್ಕೂ ಸೈ ಎನಿಸಿದ ಸುಮಾ

1991ರಲ್ಲಿ ಮಲಯಾಳಂ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ ಸುಮಾ, 1996ರಲ್ಲಿ ಟಿವಿ ಸೀರಿಯಲ್ ಪ್ರಪಂಚಕ್ಕೆ ಕಾಲಿಟ್ಟರು. ಸ್ವಯಂವರಂ, ಅನ್ವೇಷಿತ, ಗೀತಾಂಜಲಿ, ರಾವೋಯಿ ಚಂದಮಾಮಾ ಪ್ರಮುಖ ಸೀರಿಯಲ್ಸ್. ಟಿವಿ9, ಈಟಿವಿ, ಮಾಟಿವಿ, ಜೀ ಟಿವಿಗಳಲ್ಲಿ ರಿಯಾಲಿಟಿ ಶೋಗಳನ್ನು ನಡೆಸಿ ಹೊಸ ಕ್ರೇಜ್ ಹುಟ್ಟುಹಾಕಿದರು. ಈ ಟಿವಿಯ ಸ್ಟಾರ್ ಮಹಿಳಾ ಕಾರ್ಯಕ್ರಮದ ನಿರೂಪಕಿಯಾಗಿ ಹೊಸ ದಾಖಲೆ ಬರೆದಿದ್ದಾರೆ. ಭಾರತದಲ್ಲಿ ಅತಿ ಹೆಚ್ಚು ಕಾಲ ಪ್ರಸಾರವಾದ ಮಹಿಳೆಯರ ಗೇಮ್ ಶೋ ಇದಾಗಿದೆ.

ಚಿತ್ರರಂಗದ ನಂಟು, ಕಾರ್ಯಕ್ರಮಕ್ಕೆ ಚಾರ್ಚ್ ಅಷ್ಟೇ ಉಂಟು

ನಿರೂಪಕಿಗಾಗಿ ನಂದಿ ಪ್ರಶಸ್ತಿ ಗೆದ್ದಿರುವ ಸುಮಾ ಸೈಮಾ, ಸಿನಿಮಾ, ಜೆಮಿನಿ ಪುರಸ್ಕಾರಲು, ಅಪ್ಸರಾ ಅವಾರ್ಡ್ ಗಳಿಗೆ ಕಾಯಂ ನಿರೂಪಕಿಯಾಗಿದ್ದು, ೨೦ಕ್ಕೂ ಅಧಿಕ ಗೇಮ್ ಶೋ, ರಿಯಾಲಿಟಿ ಶೋ ನಡೆಸಿದ್ದು, ಇತ್ತೀಚಿನ ಅಲಾ ವೈಕುಂಠಪುರಮುಲೋ ಸೇರಿದಂತೆ 70ಕ್ಕೂ ಅಧಿಕ ಪ್ರಮುಖ ಸಿನಿಮಾಗಳ ಆಡಿಯೋ ಲಾಂಚ್ ಕಾರ್ಯಕ್ರಮ ನಡೆಸಿಕೊಟ್ಟಿದ್ದಾರೆ. ಆಡಿಯೋ ಲಾಂಚ್ ಕಾರ್ಯಕ್ರಮಕ್ಕೆ ಕನಿಷ್ಠ 2 ರಿಂದ 2.5 ಲಕ್ಷ ರು ಪಡೆದುಕೊಳ್ಳುತ್ತಿದ್ದಾರೆ. ದೊಡ್ಡ ಇವೆಂಟ್ ಗೆ ಇನ್ನು ದೊಡ್ಡ ಮೊತ್ತ ಸಿಗುತ್ತಿದೆ.

ನಟಿ, ನಿರೂಪಕಿ ಅನಸೂಯ

ಅತಿ ಹೆಚ್ಚು ಟಿ ಆರ್ ಪಿ ಹೊಂದಿರುವ ಜಬರ್ದಸ್ತ್ ಹಾಸ್ಯ್ ಕಾರ್ಯಕ್ರಮದ ನಿರೂಪಕಿಯಾಗಿದ್ದ ಅನಸೂಯ, ನಟಿ, ನಿರೂಪಕಿಯಾಗಿ ಸುಮಾ ನಂತರದ ಸ್ಥಾನದಲ್ಲಿದ್ದಾರೆ. ಸಿನಿಮಾ ಹಾಗೂ ಟಿವಿ ಶೋ ನಡುವೆ ಸಮಯ ಹೊಂದಿಸುವುದೇ ಕಷ್ಟವಾಗಿದೆ. ರಂಗಸ್ಥಲಂ ಚಿತ್ರದಲ್ಲಿ ಪೋಷಕ ನಟಿ ಪಾತ್ರಕ್ಕೆ ಫಿಲಂಫೇರ್ ಗೆದ್ದಿರುವ ಅನಸೂಯ ಎಂಬಿಎ ಪದವೀಧರೆ, ಸಂಸ್ಥೆಯೊಂದರಲ್ಲಿ ಎಚ್ ಆರ್ ಎಕ್ಸಿಕ್ಯೂಟಿವ್ ಆಗಿದ್ದ ಅನಸೂಯ ಸಾಕ್ಷಿ ಟಿವಿಯಲ್ಲಿ ಸುದ್ದಿ ವಾಚಕಿಯಾಗಿದ್ದರು. ಆಡಿಯೋ ಕಾರ್ಯಕ್ರಮಕ್ಕೆ ಕನಿಷ್ಠ 2 ಲಕ್ಷ ರು ಸಂಭಾವನೆ ಪಡೆಯುತ್ತಿದ್ದಾರೆ. ಈ ನಡುವೆ ಹೆಚ್ಚು ರಿಯಾಲಿಟಿ ಶೋ ನಿರೂಪಣೆಯಲ್ಲೇ ತೊಡಗಿದ್ದಾರೆ.

ನಟಿ, ನಿರೂಪಕಿ ರಶ್ಮಿ ಗೌತಮ್

ಆರೋಗ್ಯ ಸಮಸ್ಯೆ ಕಾರಣದಿಂದ ಸಿನಿಮಾ ರಂಗದಿಂದ ಬ್ರೇಕ್ ತೆಗೆದುಕೊಳ್ಳುತ್ತಿರುವಾಗಿ ಘೋಷಿಸಿದ ರಶ್ಮಿ ಗೌತಮ್, ರಿಯಾಲಿಟಿ ಶೋ, ಕಾಮಿಡಿ ಶೋ ಆಂಕರ್ ಆಗಿ ಹೆಚ್ಚು ಫಾನ್ಸ್ ಹೊಂದಿದ್ದಾರೆ. ೨೦೦೨ರಿಂದ ೨೦೧೯ರತನಕ ಹಲವು ಸಿನಿಮಾಗಳಲ್ಲಿ ನಟಿಸಿರುವ ರಶ್ಮಿ ಗೌತಮ್ ಅವರಿಗೆ ಹೆಸರು ತಂದುಕೊಟ್ಟಿರುವುದು ಎಕ್ಸ್ಟ್ರಾ ಜಬರ್ ದಸ್ತ್, ಢೀ ಜೋಡಿ ಡ್ಯಾನ್ಸ್ ಶೋ. ಕಾರ್ಯಕ್ರಮವೊಂದರ ನಿರೂಪಣೆಗಾಗಿ ಒಂದೂವರೆ ಲಕ್ಷ ರು ನಿಂದ 2 ಲಕ್ಷ ರು ತನಕ ಪಡೆಯುವ ರಶ್ಮಿ, ಸದ್ಯ , ಟಿವಿ ಕಾಮಿಡಿ ಶೋನಲ್ಲೇ ಹೆಚ್ಚು ನಿರತರಾಗಿದ್ದಾರೆ.