ನನಗೆ ಇಬ್ಬರು ಹೆಂಡಿರು, 4 ಮಕ್ಕಳು: ರವಿ ಬೆಳಗೆರೆ

ಲಿವಿಂಗ್ ಟುಗೆದರ್: ಇದರೊಂದಿಗೆ ರವಿ ಬೆಳಗೆರೆ ತಮ್ಮ ವೈವಾಹಿಕ ಬದುಕಿನ ಬಗ್ಗೆ ಎದ್ದಿದ್ದ ಗಾಳಿಸುದ್ದಿಗೂ ಗುದ್ದುಕೊಟ್ಟಿದ್ದಾರೆ. 'ತನಗಿಬ್ಬರು ಹೆಂಡಿರು, ನಾಲ್ಕು ಮಕ್ಕಳು' ಎಂದು ಬೆಳಗೆರೆ ಈ ಹಿಂದೆ ಇದನ್ನು ಸ್ಪಷ್ಟಪಡಿಸಿದ್ದರಾದರೂ ಅದು ಅವರ ಆತ್ಮೀಯ ವಲಯಗಳಿಗೆ ಸೀಮಿತವಾಗಿತ್ತು. ಆದರೆ ಈ ಬಾರಿ ಸಾರ್ವಜನಿಕವಾಗಿ, ಅಧಿಕೃತವಾಗಿಯೇ ಹೇಳಿಕೊಂಡಿದ್ದಾರೆ.

ಮುಖ್ಯವಾಗಿ, ತಮ್ಮ ಎರಡನೆಯ ಪತ್ನಿಯ ಬಗ್ಗೆ ಹೇಳಿಕೊಂಡ ರವಿ, ತಮ್ಮ ದಾಂಪತ್ಯಕ್ಕೆ ಹುಟ್ಟಿದ ಮಗು ಹಿಮವಂತನಿಗೆ ತಾನು ಅಪ್ಪ. ಶಾಲಾ ದಾಖಲಾತಿ ಸೇರಿದಂತೆ ಎಲ್ಲೆಡೆ ತಾನೇ ಅಪ್ಪ ಎಂದು ನಮೂದಿಸಿರುವುದಾಗಿ ಅವರು ಘೋಷಿಸಿದರು. ಈ ರೀತಿ ಎರಡೆರಡು ಮದುವೆ ಮಾಡಿಕೊಂಡಿರುವ ಬಗ್ಗೆ ತಾನು ತನ್ನ ಮೊದಲ ಪತ್ನಿ, ಮತ್ತು ಮೂವರು ಮಕ್ಕಳ ಬಳಿ ಕ್ಷಮೆಯಾಚಿಸಿದ್ದೇನೆ. and there ends the matter ಎಂದು ರವಿ ವ್ಯಾಖ್ಯಾನಿಸಿದರು.

250 ಕೋಟಿ ರು ಆಸ್ತಿಯ ಒಡೆಯ:ಗಮನಾರ್ಹವೆಂದರೆ, ತಾನೀಗ 250 ಕೋಟಿ ರುಪಾಯಿ ಆಸ್ತಿಯ ಒಡೆಯ ಎಂದೂ ರವಿ ಇದೇ ಸಂದರ್ಶನದಲ್ಲಿ ತಿಳಿಸಿದರು. ಇದರಲ್ಲಿ ಒಂದೇ ಒಂದು ಪೈಸೆ ಅನ್ಯಾಯದ ದುಡ್ಡು ಇಲ್ಲ. ದಿನಕ್ಕೆ ತಾನು 1 ಲಕ್ಷ ರುಪಾಯಿ ದುಡಿಯುತ್ತಿರುವುದಾಗಿಯೂ ರವಿ ಬೆಳಗೆರೆ ವಿವರಿಸಿದರು.